You are here

Сұрақ тақырыбы: 

Саламатсызба!Менің есімім Сымбат болады,жас отбасы.Уйде пропискада 8адам турамыз,оның 3-і 18ж толмаған балалар,2-і бала күтімінде,1-і жұмыссыз,2-і жалдамалы жұмыскер маған ай сайынғы ақшалай көмек шығама білейін деген едім?

Жауап: 

Құрметті Сымбат!

Қазақстан Республикасы Еңбек және халықты әлеуметтік қорғау министрлігі Сіздің ресми сайтқа жазған хатыңызды қарап, келесіні хабарлайды.
Атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Осыған орай, отбасыңыздың табыс мөлшері жоғарыда көрсетілген көрсеткіштен аспаған жағдайда осы жәрдемақыны алуға үміткер бола аласыз.
Материалдық игіліктердің тізімі, сондай-ақ жеке қосалқы шаруашылықтың болуы (аулалық учаскесі, мал жіне құс) өтініш берушімен АӘК-ке құжаттарды тапсырған кезде көрсетіледі, бұл ретте осы мәліметтердің дұрыстығын анықтау учаскелік комиссияның құзыретіне кіреді.
«Учаскелік комиссиялар туралы үлгілік ережені бекіту туралы» Қазақстан Республикасы Еңбек және халықты әлуметтік қорғау министрінің 2009 жылғы 28 қаңтардағы №29 бұйрығының 2 тармағына сәйкес учаскелік комиссия – бұл атаулы әлеуметтік көмек алуға өтініш білдірген адамдардың (отбасылардың) материалдық жағдайына тексеру жүргізу үшін тиісті әкімшілік-аумақтық бірліктер әкімдерінің шешімімен құрылатын арнайы комиссия.
Осыған орай, атаулы әлеуметтік көмекті тағайындау тәртібі бойынша қосымша мәліметті алу үшін тұрғылықты жеріңіз бойынша жұмыспен қамту орталығына, ал ауылдық жерде - кент, ауыл, ауылдық округ әкіміне жүгіну қажеттігін ескертеміз.

Сұрақтың нөмірі: 360296
30 сәуір, 2019 - 20:20 өзгертілді
Сұрақ тақырыбы: 

Саламатсызба,

Мен, "Болашақ" бағдарламасы бойынша Швецияда оқып жатырмын. Өткен жылы, яғни 12.08.2018 күін отбасымда екінші балам дүниеге келді(Швецияда). Сіздерден сұрайын дегенім, бала тууына байланысты берілетін Мемлекеттік жәрдемақыға қалай өтініш беремін? Ғаламтор арқылы өтініш беру үшін Электронды қол таңба(ЭҚТ) қажет екен. алайда менің ЭҚТ уақыты өтіп кетуіне байланысты өтініш бере алмадық. Елге қайту үшін жол ақы тым қымбат. Көмектесулеріңізді сүраймын. 

 

Құрметбен, 

Есбол

Жауап: 

Құрметті Есбол!
«Балалы отбасыларға берілетін мемлекеттік жәрдемақыларды тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 319 бұйрығына сәйкес бала туғанда берілетін жәрдемақы және бала күтімі жөніндегі жәрдемақыларды тағайындау үшін өтінішті және құжаттарды үшінші адамдардың ұсынуы жәрдемақы алуға құқығы бар адамның нотариалды куәландырылған сенімхаты бойынша жүзеге асырылады.

Сұрақ тақырыбы: 
Жауап: 

Құрметті Максуда Комилжановна!

«Балалы отбасыларға берілетін мемлекеттік жәрдемақылар туралы» Қазақстан Республикасының 2005 жылғы 28 маусымдағы № 63 Заңына сәйкес «Алтын алқа», «Күміс алқа» алқаларымен наградталған немесе бұрын «Батыр ана» атағын алған, І және ІІ дәрежелі «Ана даңқы» ордендерімен наградталған көп балалы аналарға ай сайынғы мемлекеттік жәрдемақы тағайындау көзделген. Жәрдемақының ай сайынға мөлшері 16160 теңге
Ал атаулы әлеуметтік көмек «Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңының аясында жүргізіледі.
Бұл ретте аталған көмекті тағайындау және төлеу мәселелерінде бірқатар өзгерістер енгізілді.
Атап айтар болсақ, аз қамтылған отбасыларды қамтуды кеңейту мақсатында атаулы әлеуметтік көмекті көрсету үшін күнкөріс деңгейінен 70 пайызға дейін критерийі көтерілді. Атаулы әлеуметтік көмекті алуға құқылы балалары бар отбасыларды атаулы қолдау үшін көп балалы отбасылардағы әр балаға ең төменгі төлемді 20 789 теңге мөлшерінде белгіленді.
Бұл ретте, отбасының жиынтық табысын есептеу кезінде бірге тұратын кәмелетке толмаған төрт және одан көп балалары бар отбасыларға төленетін арнаулы мемлекеттік жәрдемақы, «Алтын алқа» және «Күміс алқа» алқасымен марапатталған көп балалы аналардың жәрдемақысы, баланың мүгедектік жәрдемақысы және шәкіртақы алынып тасталды.
Бұл ретте отбасының жиынтық табысына бiрге тұратын және тұрғылықты бір жерге тiркелген және үй шаруашылығын бірге жүргізетін адамдардың табыстарының жалпы сомасы есепке алынып, есептеледі.
Әлеуметтік көмек отбасына тағайындалып, төленетін ескере отырып, Сізге толық ақпарат алу үшін тұрғылықты жеріңіз бойынша Жұмыспен қамтуды үйлестіру және әлеуметтік бағдарламалар басқармасының бөліміне жолығуыңызға кеңес береміз.

Сұрақтың нөмірі: 360223
23 сәуір, 2019 - 19:10 өзгертілді
Сұрақ тақырыбы: 
Жауап: 

Уважаемая Лаура Алибековна !

Вопрос регистрации по месту жительства относится к компетенций Комитета миграционной службы Министерства внутренних дел Республики Казахстан.
В этой связи, для получения компетентного ответа вам необходима обратиться в Комитет миграционной службы.

Сұрақтың нөмірі: 360193
30 сәуір, 2019 - 21:14 өзгертілді
Сұрақ тақырыбы: 
Жауап: 

Құрметті Айнур Канатқалиқызы!

Қазақстан Республикасы Еңбек және халықты әлеуметтік қорғау министрлігінің Әлеуметтік көмек саясатын дамыту департаменті атаулы әлеуметтік көмектің жаңа форматын тағайындау барысында туындаған сұрақтарды қарап, келесіні хабарлайды.
«Мемлекеттiк атаулы әлеуметтiк көмектi тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығына сәйкес шартты ақшалай көмек тағайындаудың ең маңызды шарты, бұл жұмыспен қамтуға жәрдемдесудің белсенді шараларына және (немесе) бейімдеу бағдарламаларына еңбекке қабілетті отбасы мүшелерінің қатысуын көздейтін әлеуметтік келісімшарт жасасу болып табылады.
Бұл ретте, отбасының еңбекке қабілетті мүшелерін жұмыспен қамту белсенді шараларына тарту 2016 жылғы 6 сәуірдегі «Халықты жұмыспен қамту туралы» Қазақстан Республикасының Заңы шеңберінде жүзеге асырылады.
Осылайша, жұмыс іздеуші адам тұрғылықты жері бойынша халықты жұмыспен қамту орталығына жұмыс іздеуші немесе жұмыссыз ретінде тіркелуге тиісті. Тіркелген уақыттан кейін он жұмыс күннің ішінде тұрақты жұмыс орындарын іздеу және кәсіби оқыту жолымен қамтамасыз етіледі.
Әрі қарай, егер өтініш берген күннен бастап 10 жұмыс күннің ішінде лайықты жұмыстар болмаған жағдайда Жұмыспен қамту орталығы кәсіптік оқыту, жастар практикасы, қоғамдық жұмыс орындарына жолдау, кәсіпкерлік бастамашылыққа жәрдемдесу бойынша шараларды ұйымдастырады.
Сонымен қатар, өзара жауапкершіліктің принціпі мемлекет ақшалай көмекті тек әлеуметтік келісім шартта көрсетілген міндетті орындаған жағдайда ғана, оның ішінде уақытша жұмыс орындарына орналасу болып табылады.

Сұрақ тақырыбы: 
Жауап: 

Құрметті Айкүміс Садыққызы!
Әлеуметтік көмек бөліміндегі 360157 санды нөмірімен тіркелген сұрағыңыздың мәтіні (текст) көрсетілмеген. Сондықтан Қазақстан Республикасының Еңбек және халықты әлеуметтік қорғау министрлігіне қатысты сұрағыңыз болса мәтінін жолдау қажет екенін ескертеміз.

Сұрақтың нөмірі: 360157
23 сәуір, 2019 - 19:07 өзгертілді
Сұрақ тақырыбы: 

Мен 3 баланын анасымын. Озим жумыс жасамаймын, кишкентайыммен декреттемин, жолдасым орт сондируши болып жумыс жасайды, уйимиз жок, жалдаймыз,бирак колик кана бар, бизге акша болинеме???

Жауап: 

Құрметті Айтолқын Қанатқызы!

Атаулы әлеуметтік көмек жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
Аталған жәрдемақыны тағайындау үшін отбасының барлық табысын есепке алу қажет екендігін және Сіз ұсынған ақпаратта табыс көздері көрсетілмегендігін ескере отырып атаулы әлеуметтік көмек тағайындау үшін қажетті ақпарат алу мақсатында тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне жүгіну қажет екендігіне назар аударамыз.

Сұрақтың нөмірі: 360150
2 мамыр, 2019 - 09:56 өзгертілді
Сұрақ тақырыбы: 

Атаулы әлеуметтік көмекке құжат жинағанда жеке меншік үйің болса жер актісі мен тех паспорттың көшірмесін сұраған дұрыс па?

Жауап: 

Құрметті Назира Газезовна!

Жаңа тәртіпке сәйкес үміткерлер АӘК алу үшін - тұрғылықты жері бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне жеке басын куәландыратын құжатпен жүгінеді.
АӘК тағайындау үшін өтініш берушілердің құжаттарын ұсыну талап етілмейді.
Қажетті құжаттарды жинауды халықты жұмыспен қамту орталығы немесе әкімдіктер мемлекеттік органдардың және ұйымдардың ақпараттық жүйелеріне сұраныс салу арқылы жинайды.
Егер мемлекеттік органдардың және ұйымдардың ақпараттық жүйелерінде мәліметтер болмаған жағдайда халықты жұмыспен қамту орталығы немесе әкімі тиісті мемлекеттік органға және ұйымға жазбаша сұрау салуды ресімдейді. Бұл жағдайда құжаттар топтамасын қалыптастыру пакетін әзірлеу мерзімі отыз күнтізбелік күнге дейін ұзартылады.
Бұл ретте, өтініш беруші отыз күнтізбелік күн күтпес үшін қажетті құжаттарды өз бастамасы бойынша қағаз түрде ұсынуға құқылы.

Сұрақтың нөмірі: 360148
2 мамыр, 2019 - 09:55 өзгертілді
Сұрақ тақырыбы: 
Жауап: 

Құрметті Жулдызай Нуржановна!

Атаулы әлеуметтік көмек жан басына шаққандағы табысы күнкөріс деңгейінің 70%-нан төмен (20 789 теңге) отбасыларға көрсетіледі.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің
2009 жылғы 28 шілдедегі № 237-ө бұйрығының 10-тармағына сәйкес отбасының жиынтық табысын есептеу кезінде отбасы құрамында бірге тұратын, жақын туыс болып табылатын, ортақ шаруашылықты жүргізетін және тұрғылықты жері бойынша бір елді мекен шегінде тіркелген отбасының барлық мүшелері ескеріледі.
Осыған орай, тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне – белгіленген үлгідегі өтінішпен және сәйкестендіру үшін жеке басыңызды куәландыратын құжатпен жүгінуіңізге болады.

Сұрақ тақырыбы: 

Атаулы әлеуметтік көмектің жаңа форматы ұсынғалы, біраз жұрт қуанып қалып еді. Құжат тапсыруға ХҚКО барғанда кейбір нюанстермен қанағаттанбай қайтып жатыр. Мәселен, кейбіреулердің жылжымайтын мүліктеріне де жиынтық есебіне кіргізіп жатыр дейді. Ал, ресми сайтта Жиынтық табысқа кіретіндер:

Жауап: 

Құрметті Әдемі Бейбітқызы!

«Мемлекеттік атаулы әлеуметтік көмек туралы» Қазақстан Республикасының 2001 жылғы 17 шілдедегі № 246 Заңы (бұдан әрі – Заң)
1-бабының 5-2)-тармағына сәйкес аз қамтылған адамдар (отбасылар) – жан басына шаққандағы орташа айлық табысы облыстарда, республикалық маңызы бар қалаларда, астанада белгіленген кедейлік шегінен төмен адамдар (отбасылар) болып табылады және бұл адамдар атаулы әлеуметтік көмек алуға құқығы бар.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің
2009 жылғы 28 шілдедегі № 237-ө бұйрығының 4-тармағына сәйкес отбасының жиынтық табысын есептеу кезінде Қазақстан Республикасында және одан тыс жерлерде есептi кезеңде алынған табыстың барлық түрлерi ескеріледі, олар:
1) еңбекақы, әлеуметтiк төлемдер түрiнде алынатын табыс;
2) «Неке (ерлі-зайыптылық) және отбасы туралы» 2011 жылғы
26 желтоқсандағы Қазақстан Республикасының Кодексінде көрсетілген балаларға және басқа да асырауындағыларға алимент түрiндегi табыс;
3) жеке қосалқы шаруашылықтан - мал мен құс ұстауды, бағбандықты, бақша өсiрудi қамтитын үй жанындағы шаруашылықтан түсетін табыс;
4) кәсiпкерлiк қызметтен түсетiн табыс;
5) жылжымайтын мүлiктi және көлiк құралдарын жалға беруден және сатудан түсетiн табыс;
6) бағалы қағаздардан түсетiн табыс;
7) жылжымайтын мүлiктi, көлiк құралдарын және басқа да мүлікті сыйға тарту, мұрагерлiкке алу түрiнде алынған табыс;
8) кредитті (шағын кредитті) пайдаланудан түсетiн табыс;
9) өтеусіз алынған ақша түріндегі табыс;
10) ақша салымдары және депозиттер бойынша сыйақылар (мүдде) түріндегі табыс;
11) ақшалай аударымдар түріндегі табыс;
12) конкурстарда, жарыстарда (олимпиадаларда), фестивальдарда, лотереялар, салымдар мен борышкерлiк бағалы қағаздар бойынша алынған ұтыстарды қоса алғанда, ақшалай және (немесе) заттай түрдегi табыс.
АӘК тағайындау үшін қажетті ақпарат алу мақсатында тұрғылықты жеріңіз бойынша халықты жұмыспен қамту орталығына, ал ауылдық жерде тұрған жағдайда ауылдық кент, ауыл, ауылдық округ әкімдігіне жүгіну қажет екендігіне назар аударамыз.
Министрлік сайтына аз қамтылған отбасылардың анықтамасын беру туралы ұсынысыңыз мәліметке алынды.

Сұрақтың нөмірі: 360134
4 мамыр, 2019 - 21:17 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші