X
egov

You are here

"Әлеуметтік көмек" жөнінде сұрақ-жауаптар

Сұрақ тақырыбы: 

Менің 1 жасқа толмаған ұлым бар. Есімі Ернұр. Ол туа бітті науқас болатын. Оған 2018 жылдың сәуір айында зәр шығару жолына ота жасалып, "Туа пайда болған зәр шығару жолдарының даму аномалиясы. Туа пайда болған оң жақты несепағардың нейробұлшықетті дисплазиясы, уретерогидронефроз сатысы. Екіншілік пиелонефрит, ремиссия кезеңі.

Жауап: 

                                  Сәлеметсіз бе, Құрметті Руслан Оразбаевич!

 

         Сіздің жазған хатыңызды мұқият қарап, төмендегіні хабарлаймыз.

Қолданыстағы заңнамаға сәйкес, мүгедектікті белгілеу медициналық ұйымның дәрігерлік-консультациялық комиссиясының (бұдан әрі – ДКК) берген 088/у нысанды жолдамасы негізінде медициналық-әлеуметтік сараптама          (бұдан әрі – МӘС) жүргізу арқылы жүзеге асырылады.

Медициналық ұйымдар ауруға, жарақат зардаптарына немесе кемістікке байланысты организм функцияларының тұрақты бұзылуын растайтын диагностикалық, емдеу және оңалту іс-шараларын жүргізгеннен кейін, адамдарды, диагнозы белгіленген сәттен бастап кемінде төрт айдан кейін МӘС-ке жібереді.

Сонымен қатар, пациенттерді МӘС-ға уақтылы және негізді жіберу және пациенттерді МӘС-ға жіберу кезінде медициналық құжаттардың мерзімі мен ресімдеу сапасын бақылау ДКК-ның негізгі міндеттері болып табылады.

Жоғарыда айтылғандарға сәйкес, МӘС-ке жолдама беру мәселесі бойынша балаңыз тіркелген емдеу мекемесінің ДКК-на немесе емдеуші дәрігерге жолығуыңыз қажет.

Мүгедектігі бойынша жәрдемақы жөнінде

Мүгедектік белгіленген кейін өтініш жасаған кезде, азаматтар мүгедектігі бойынша жәрдемақы тағайындау туралы өтінішті қажетті құжаттармен қоса тұрғылықты жері бойынша «Азаматтарға арналған үкімет» мемлекеттік корпорацияға (бұдан әрі – Мемлекеттік корпорация) береді. Мүгедектiгi бойынша жәрдемақы мүгедектiгi белгiленген күннен бастап, бiрақ оны тағайындауға өтiнiш берген күнге дейiн әрi кеткенде 3 айдан аспайтын мерзiм үшiн тағайындалады.

Мүгедек баланы тәрбиелеушіге берілетін жәрдемақы жөнінде

«Балалы отбасыларға берілетін мемлекеттік жәрдемақылар туралы» Қазақстан Республикасының 2005 жылғы 28 маусымдағы Заңында мүгедек баланы (мүгедек балаларды) тәрбиелеп отырған анаға немесе әкеге, бала асырап алушыға, қорғаншыға (қамқоршыға) тағайындалатын және төленетін ай сайынғы мемлекеттік жәрдемақы (бұдан әрі – мүгедек баланы тәрбиелеушіге берілетін жәрдемақы) ақшалай төлемдер түрінде қарастырылған.

Мүгедек баланы тәрбиелеушіге берілетін жәрдемақы өтініш жасалған күннен бастап баланың мүгедектігінің барлық кезеңіне тағайындалады.

Аталған жәрдемақыларды алуға құқығы бар адамдар өтінішке қоса сәйкестендіру үшін – жеке басты куәландыратын құжатты, тұрғылықты тұратын жері бойынша тіркелгенін растайтын құжатты және уәкілетті ұйымдағы банк шотының нөмірі туралы мәліметті Мемлекеттік корпорацияға ұсынады.

Әлеуметтік көмек көрсету жөнінде

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына сәйкес, облыстардың, республикалық маңызы бар қаланың, астананың әкімдіктері халықтың әлеуметтік жағынан дәрменсіз топтарына әлеуметтік көмек көрсетуді үйлестiредi.

Осыған орай, Қазақстан Республикасы Үкіметінің 2013 жылғы 21 мамырдағы № 504 қаулысына сәйкес жергілікті атқарушы органдар жергілікті өкілетті органдар бекіткен үлгілік қағидалар негiзiнде әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын әзірлейді.

Аталған Үлгілік қағидаларға сәйкес әлеуметтік көмек мұқтаж азаматтардың жекелеген санаттарына өмірлік қиын жағдайға тап болғанда ақшалай немесе заттай нысанда көрсетіледі.

Сондықтан, әлеуметтік көмек мәселелері туралы сұрақтарыңыз жөнінде толық ақпарат алу үшін тұрғылықты жеріңіз бойынша әкімшілікке хабарласуыңызды сұраймыз.

 

Сұрақтың нөмірі: 352295
16 қазан, 2018 - 17:37 өзгертілді
Сұрақ тақырыбы: 

Сәлематсыздарма?

Мен Бектембаев Нурбек 1 топ мүгедегімін. Сіздерге дала арбасы туралы 350244 нөмерлі сұрақ қойған болатынмын. Осы сұрақ бойынша жауап алдым, және де дала арбасының техникалық сипаттамасын жұмыспен қамту бөлімі сұратты, мен оларға арбаның техникалық сипаттамасын жібердім. Сипаттаманы жібергеніме де 2 ай уақыт болды. Енді арбаға қашан қол жеткіземін????

Жауап: 

Құрметті Нұрбек Мубаракович!

Қазақстан Республикасы Еңбек және халықты әлеуметтік қорғау министрлігі Сіздің хатыңызды қарап келесіні хабарлайды.
Қазақстан Республикасының «Қазақстан Республикасында мүгедектерді әлеуметтік қорғау туралы» Заңының 10-бабына сәйкес жергілікті атқарушы органдар мемлекеттік тапсырыс қаражаты есебінен мүгедекті оңалтудың жеке бағдарламасы негізінде кресло-арбамен қамтамасыз етеді.
Атырау облысы жұмыспен қамтуды үйлестіру және әлеуметтік бағдарламалар басқармасының (бұдан әрі – Басқарма) берген мәліметіне сәйкес Сіздің берген кресло-арбаның сипаттамасы 2019 жылы арнаулы жүрiп-тұру құралдарды жоспарлау кезінде ескерілетінін хабарлайды.
Осыған орай, алдағы уақытта көтеріп отырған мәселеңізге байланысты Басқармаға хабарласуыңызға болады.

Сұрақтың нөмірі: 351366
11 қыркүйек, 2018 - 15:59 өзгертілді
Сұрақ тақырыбы: 

Салематсызба! 

Жауап: 

Қазақстан Республикасы Үкіметінің 2017 жылғы 18 ақпандағы №81 қаулысымен бекітілген Қазақстан Республикасы Еңбек және халықты әлеуметтік қорғау министрлігінің Ережесіне сәйкес Министрлік әлеуметтік-еңбек саласында басшылықты жүзеге асыратын Қазақстан Республикасының мемлекеттік органы болып табылады.
Сіздің көтеріп отырған тұрғын үй көмегін тағайындау және мүгедек балаларды үйде оқытуға жұмсалатын шығындарды өтеу қызметтері жергілікті атқарушы органдар тарапынан жүргізіледі.
Сонымен бірге аталған мемлекеттік қызметтер «Е-акимат» автоматтандырылған ақпараттық жүйесімен реттелген.
Бүгінгі күні әлеуметтік көмекке мұқтаж азаматтарды тіркеу, есебін және мониторингін жүргізуге арналған бизнес процесстерін автоматтандыру «Е-собес» автоматтандырылған ақпараттық жүйесі арқылы жүзеге асырылады.
Осы орайда, Қазақстан Республикасының Ақпарат және коммуникация министрлігіне хабарласу қажет екендігін хабарлаймыз.

Сұрақтың нөмірі: 350872
7 тамыз, 2018 - 21:12 өзгертілді
Сұрақ тақырыбы: 

Сәлеметсізбе!

Қазақстан Республикасының 2005 жылғы 13 сәуірдегі №39 "Қазақстан Республикасында мүгедектерді әлеуметтік қорғау туралы" Заңының 27-бабында - "Жергілікті атқарушы органдар мүгедектерге мәдени-ойын-сауық іс-шараларына, сондай-ақ дене шынықтырумен және спортпен шұғылдану үшін спорт ғимараттарына бара алатын жағдайларды, арнаулы спорт жабдықтарын беруді қамтамасыз етеді" - делінген.

Жауап: 

Құрметті Күміскүл Тұрсынбаевна!

Қазақстан Республикасы Еңбек және халықты әлеуметтік қорғау министрлігі Сіздің сайтқа жазған хатыңызға орай келесіні хабарлайды.
«Қазақстан Республикасының мүгедектерін әлеуметтік қорғау туралы» Қазақстан Республикасы Заңының 27-бабына сәйкес жергiлiктi атқарушы органдар мүгедектерге мәдени-ойын-сауық iс-шараларына, сондай-ақ дене шынықтырумен және спортпен шұғылдану үшiн спорт ғимараттарына бара алатын жағдайларды, арнаулы спорт жабдықтарын берудi қамтамасыз етедi.
Сонымен қоса, бiрiншi және екiншi топтардағы мүгедектер мен он сегiз жасқа дейiнгi мүгедек балалар көрсетiлген қызметтердi - бюджет қаражаты есебiнен, ал үшiншi топтағы мүгедектер аталған қызметтер құнының елу процентін төлеп пайдаланады деп көрсетілген.
Яғни, жергілікті атқарушы органдар әлеуметтік осал топтарын спорттық іс-шараларына және спортпен шұғылдану үшін спорт залдарына бару мүмкіндігін жасайды.

Сұрақтың нөмірі: 350743
23 шілде, 2018 - 14:37 өзгертілді
Сұрақ тақырыбы: 

Сәлеметсіздерма? 

Жауап: 

Құрметті Нурбек Мубаракович!

Қолданыстағы заңнамаға сәйкес мүгедектерге және мүгедек балаларға оңалту әлеуетін ескере отырып, мүгедекті оңалтудың жеке бағдарламасы (бұдан әрі - ОЖБ) жасалады, ол организмнің бұзылған және жоғалтқан функцияларын қалпына келтіруге және/немесе орнын толтыруға бағытталған медициналық, әлеуметтік, кәсiптiк оңалту шараларын қамтитын кешенді оңалту іс-шараларын айқындайды (негіз: «Қазақстан Республикасында мүгедектерді әлеуметтік қорғау туралы» Қазақстан Республикасының Заңы және «Мүгедектерді оңалтудың кейбір мәселелері туралы» Қазақстан Республикасы Денсаулық сақтау және әлеуметтік даму министрінің бұйрығы).
Сіздің көтерген сауалыңыз жергілікті атқарушы органдар тарапынан жүргізілетінін ескере отырып, Министрлік тарапынан Атырау облысының жұмыспен қамтуды үйлестіру және әлеуметтік бағдарламалар басқармасына (бұдан әрі - Басқарма) сұрау хат жолданған болатын.
Басқарманың ақпараты бойынша ОЖБ-ға сәйкес Сіз гигиеналық құралдармен, ортопедиялық аяқ-киіммен, корсетпен, мүгедектерді сауықтыру орталығымен, жеке көмекші қызметімен және серуендік, бөлмелік кресло-арбамен қамтамасыз етілгенсіз.
Алайда, 2018 жылы қаңтар айында өз талабына сай келмеуіне байланысты ұсынылған серуендік кресло-арбаны алудан бас тарттыңыз.
Өз кезегінде Сіз серуендік кресло-арбаның техникалық сипаттамасын ұсынған жағдайда Басқарма өз тарапынан көмек көрсетуге әзір екенін хабарлайды.

Сұрақтың нөмірі: 350244
18 шілде, 2018 - 10:38 өзгертілді
Сұрақ тақырыбы: 

Cәлематсыздерме? сұрағым шағын кәсіпкерлікке қолдау жобалары туралы- толық ақпарат алу, яғни Өрлеу жобасы, Парыз бағдарламасы,  «Doing Business» және басқада осы сынды кәсіпкерлікті дамытушы  жобалар туралы  ақпаратты қайдан алуға болады?

Жауап: 

Құрметті Сымбат Муратовна! Қазақстан Республикасының Еңбек және халықты әлеуметтік қорғау министрлігі (бұдан әрі – Министрлік) Сіздің шағын кәсіпкерлікке қолдау жобалары туралы сауалыңызды қарап, келесіні хабарлайды. Қазақстанның жеке кәсіпкерлік субъектілерінің корпоративтік әлеуметтік жауапкершілік принциптерін қалыптастыру мен ілгерілету және оларды осы саладағы ең үздік тәрбиені енгізуге ынталандыру мақсатында Бизнестің әлеуметтік жауапкершілігі жөніндегі «Парыз» конкурсы Қазақстан Республикасы Президентінің 2008 жылғы 23 қаңтардағы № 523 Жарлығымен бекітілді. Сонымен бірге, Бизнестің әлеуметтік жауапкершілігі жөніндегі «Парыз» конкурсы туралы ақпаратпен Министрліктің www.paryz.enbek.gov.kz сілтемесі арқылы өтіп танысуға болады. Doing Business бағдарламасы туралы ақпарат www.doingbusiness.org сайтында қамтылған. «Өрлеу» жобасы 2018 жылғы 1 қаңтардан бастап қолданысын тоқтатты.

Сұрақтың нөмірі: 349357
11 мамыр, 2018 - 11:14 өзгертілді
Сұрақ тақырыбы: 

Салеметсізбе! Мен 2016 жылдын маусым айында қызым Оралқанова Айаруды Шығыс Қазақстан облысы Өскемен қаласындағы "№4 Сәулетай балабақша-бөбекжайына" кезекке қойдық. Қаңтар айында Халыққа өызмет көрсету орталығына барып кезектің санын білгенімізде №205 болып тұрдық. 31 наурыз күні электронды порталдан балабақша кезегін тексеріп көрсек №3351 кезекте тұрмыз. Менің сәзге сұрағым; Осы жылдың қыркүйек айында баламды балабақшаға бере аламынба? Бұл кезек канша жылдан кейін келуі мүмкін? Рахмет

Жауап: 

Құрметті Айдын Оралқанұлы!

Балабақшамен қамтамасыз ету мәселесі Министрлік құзыретіне кірмейтіндігін ескере отырып, құзыретті жауап алу үшін Қазақстан Республикасы Білім және ғылым министрлігіне жүгіну қажет екендігіне назар аударамыз.

 

Сұрақтың нөмірі: 349030
9 сәуір, 2018 - 16:34 өзгертілді
Сұрақ тақырыбы: 

Қазақстан Республикасы Еңбек және

Жауап: 

Құрметті Зинагүл Алдибековна!

   Қазақстан Республикасы Еңбек және халықты әлеуметтік қорғау министрлігі (бұдан әрі – Министрлік) Сіздің Министрліктің блог-платформасына жолдаған хатыңызға орай келесіні хабарлайды.

   «Мемлекеттік атаулы әлеуметтік көмек туралы» Қазақстан Республикасы Заңының 6-бабының 2-тармағына сәйкес жан басына шаққандағы орташа табыс атаулы әлеуметтік көмек тағайындауға өтініш жасаған тоқсанның алдындағы тоқсанда алынған жиынтық табысты отбасы мүшелерінің санына және үш айға бөлу арқылы есептеп шығарылады.

   Сондай-ақ, атаулы әлеуметтік көмек тағайындауды атаулы әлеуметтік көмек көрсетуге арналған тиісті бюджетте көзделген сомалар шегінде уәкілетті орган жүзеге асыратынын хабарлаймыз.

 

Сұрақтың нөмірі: 348535
3 наурыз, 2018 - 11:28 өзгертілді
Сұрақ тақырыбы: 

Сәлеметсіздер ме! Арнаулы әлеуметтік қызмет көрсету орталықтарындағы ( жүйке ауруымен ауыратын адамдарға қызмет көрсету орталықтары) қызмет алушылардың (І-ІІ-топ мүгедектері) жеке шоттарындағы қаражатты пайдалану жолдары Қазақстан Республикасының Денсаулық сақтау және әлеуметтік даму министрлігінің 2016 жылғы 25 ақпанындағы № 139 бұйрығында көрсетілген. Алайда, алуға болатын тауарлардың тізімі қарастырылмаған. Қызмет алушыларға  жеке шотындағы қаражатқа қосымша тамақ алу қаншалықты заңды және ең қажетті заттар тізімін көрсетуіңізді сұраймыз?

Жауап: 

Кұрметті Ақсамал Нұрланқызы!

   Сіздің зейнетақы төлемдерін пайдалану бойынша сұрағыңызды қарап, келесіні хабарлаймыз.

   Халықаралық тәжірибесі мен қазіргі жағдайды талдау негізінде медициналық-әлеуметтік мекемелерде (бұдан әрі – МӘМ) тұратын және мемлекеттің толық қамсыздандыруындағы адамдардың зейнетақысы мен жәрдемақыларын оңтайландыру бойынша заңды шаралар қабылданды.

   Осылайша, 2016 жылғы 1 қаңтардан бастап стационар жағдайында    МӘМ-де тұратын психоневрологиялық аурулары бар адамдарға мүгедектiгi бойынша, асыраушысынан айрылу жағдайы бойынша берілетін мемлекеттiк әлеуметтiк жәрдемақылары мөлшерінің 30 % төленеді. Қорғаншылық органының алдын ала рұқсатымен қамқорлықтағылардың ағымдағы шоттарындағы зейнетақы төлемдері мен жәрдемақыларды қамқоршы қосымша тамақ, ең қажетті заттарды сатып алу үшін қамқорлықтағылардың жеке қажеттіліктеріне жұмсайды.

  Жәрдемақылардың тағайындалған мөлшерінің 70 % аудару жеке банктік шотқа немесе МӘМ-ің қолма-қол ақшаны бақылау шотына жүргізіледі. Адамдардың қолма-қол ақшаны бақылау шотына түскен зейнетақы төлемдері мен жәрдемақылары жұмсақ инвентарьды, санитариялық гигиена заттарын, дәрілік заттар мен медициналық қызметтерді («ТМККК тізбесін бекіту туралы» ҚР Үкіметінің қаулысына сәйкес ТМККК тізбесіне кірмейтін) сатып алуға жұмсалады.

  Заттар мен қызметтерге (санитариялық гигиена заттары, жұмсақ инвентарь, дәрілік заттары, медициналық қызметтер, қосымша тамақ, ең қажетті заттар) қажеттілік әр тоқсан сайын комиссия негізінде айқындалады.

   Сонымен бірге, МӘМ-де қызмет алатын қамқорлықтағыларға қажетті тамақтардың тізбесі МӘМ-де, оңалту орталықтарында, мүгедек балаларға арналған оқу орындарында, аумақтық әлеуметтік қызмет көрсету орталықтарында, күндіз болу бөлімшелерінде, әлеуметтік бейімдеу орталықтарында қызмет көрсетілетін адамдар үшін заттай тамақтану нормаларында (ҚР ДСӘДМ 27.11.2015 жылғы № 896 бұйрығы) тізімделген және жергілікті қаражат есебінен қамтамасыз етіледі.

   Ең қажетті заттар тізбесіне қамқорлықтағылардың тән саулығы мен психикалық денсаулығына, оның адамгершiлiк жағынан дамуына зиян келтiрмейтін ең қажетті және жие қолданылатын киімдер, заттар, тауарлар жатады және қамқорлықтағылардың қажеттіліктерін ескере отырып әр адамға жеке анықталады.

   Бұл ретте, әр адамға жекелеген таңдау және қажеттілік есебі керектігін ескере отырып, қосымша тамақ, ең қажетті заттар тізбесін нақтылау мен шектеу мақсатқа сай емес деп санаймыз.

Сұрақтың нөмірі: 348484
27 ақпан, 2018 - 16:35 өзгертілді
Сұрақ тақырыбы: 

Арнаулы әлеуметтік қызмет көрсету орталығы (психиатриялық жүйке ауруларымен ауыратын мүгедектер үйі) ауыр жұмыстар, еңбек жағдайлары зиянды және қауіпті жұмыстардың тізіміне жатады ма? Алдын -ала рахмет

 

Жауап: 

Құрметті Ақсамал Нурланқызы!

   Қазақстан Республикасы Денсаулық сақтау және әлеуметтік даму министрінің 2015 жылғы 28 желтоқсандағы № 1053 бұйрығымен Ауыр жұмыстардың, еңбек жағдайлары зиянды және (немесе) қауіпті жұмыстардың тізбесін, жұмыс істеу жұмыс уақытының қысқартылған ұзақтығына, жыл сайынғы ақы төленетін қосымша еңбек демалысына және еңбекке ақы төлеудің жоғарылатылған мөлшеріне құқық беретін өндірістердің, цехтардың, кәсіптер мен лауазымдардың тізімі (бұдан әрі - Тізім), сондай-ақ оларды беру қағидалары бекітілді.

   Тізімнің «психиатриялық (психиатриялық жyйке аурулары), нейрохирургиялық емдеу-алдын алу мекемелері, бөлiмдерi, палаталары мен кабинеттерi (оның iшiнде нашақорлық және созылмалы алкоголизммен зардап шегетiн ауруларды емдейтiн), жyйке ауруымен ауыратын мүгедектердің yйi (бөлiмшелерi), медициналық-әлеуметтік оңалту орталықтары» қатарына жатады.

Сұрақтың нөмірі: 348480
5 наурыз, 2018 - 12:14 өзгертілді

Беттер

«Еңбек жолы» Республикалық конкурсы
Әлеуметтік қорғау жүйелеріндегі үздік қызметкерге дауыс бер
ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші