X
egov

You are here

"Мүгедектерді оңалту" жөнінде сұрақ-жауаптар

Сұрақ тақырыбы: 

Сәлеметсіздер ме!

Жауап: 

Педагог қызметкерлерге айлық жалақыны есептеу үшін аптасына нормативтік оқу жүктемесі «Білім туралы» Қазақстан Республикасы Заңының 52-бабына сәйкес және Жұмыс уақытының қысқартылған ұзақтығына, жыл сайынғы ақылы қосымша еңбек демалысына және еңбекақының жоғары мөлшеріне құқық беретін өндірістердің, цехтардың, кәсіптер мен лауазымдардың тізімін, ауыр жұмыстардың, еңбек жағдайлары зиянды (ерекше зиянды) және (немесе) қауіпті жұмыстардың тізбесін, сондай-ақ Жұмыс уақытының қысқартылған ұзақтығын, жыл сайынғы ақылы қосымша еңбек демалысын және еңбекақының жоғары мөлшерін беру қағидаларымен (ҚР Еңбек минінің 2007 жылғы 31 шілдедегі № 182-Ө бұйрығымен бекітілген) реттелетінін хабарлайды.

Сондай-ақ, апталық нормативтік оқу жүктемесі туралы толық ақпаратты Қазақстан Республикасы Білім және ғылым министрлігінен ала аласыз.

 

Сұрақ тақырыбы: 

Мен Қызылорда облысы Қармақшы ауданында 1 топ мүмкіндігі шектеулі азаматтқа жеке көмекші болып әлеуметтік қызмет көрсетемін. Менің  Сіздерге қояр сұрағым: Қызылорда облыстық жұмыспен қамтуды үйлестіру және әлеуметтік бағдарламалар басқармасына қарасты Қызылорда қаласындағы Талсуат елді мекенінде орналасқан "Мүгедектерді оңалту орталығы" КММ-нде менің жеке көмекшілік  қызмет көрсететін  мүмкіндігі шектеулі азамат  45 күн ем қабылдаған болатын.

Жауап: 

Құрметті Ғабит Баймуратович!

 

Қазақстан Республикасы Еңбек және халықты әлеуметтік қорғау министрлігі Сіздің ресми әлеуметтік желіге жазған хатыңызды қарап, келесіні хабарлайды.

«Мүгедектердi оңалтудың кейбiр мәселелерi туралы» Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы № 26 бұйрығына сәйкес жеке көмекшішарт талаптарымен мүгедекпен бірге оның тұратын жерінен баратын пунктіне дейін және қайтарда: жұмысқа, оқу орындарына, сондай-ақ мүгедек жергілікті өкілді және атқарушы органдарға, сотқа, прокуратураға, әлеуметтік сала объектілеріне, заң консультацияларына, нотариусқа, мәдени-ойын-сауық іс-шараларына, спорт ғимараттарына, сауда объектілеріне, медициналық мекемелерге, тұрмыстық қызмет көрсету кәсіпорындарына және оқуына, жұмысқа орналасуына, өзінің құқықтары мен мүдделерін қорғауына және іске асыруына, ақпарат алуына, қажетті құжаттарды ресімдеуіне байланысты мәселелерді шешуі үшін өзге де ұйымдарға барған кезде ілесіп жүру бойынша әлеуметтік қызметтерді көрсететін маман болып табылады.

Сонымен қоса, осы Бұйрықтың 10,11-тармақтарына сәйкес кәсіпкерлік қызмет субъектілері болып табылмайтын жеке тұлғалардан өтеулі қызметтер көрсету шарттары бойынша сатып алынатын қызметтерді қоспағанда, жұмыспен қамту бөлімдері мемлекеттік әлеуметтік тапсырыс туралы және мемлекеттік сатып алу туралы Қазақстан Республикасының заңнамасына сәйкес жеке көмекшінің қызметтерін сатып алуды жүргізеді.

         Жеке көмекшінің қызметтеріне ақы төлеу шарттары, оның ішінде жол жүру шығыстары мен басқалары, сондай-ақ жұмыс уақытының есебі, мүгедектерге қызмет көрсету нормативтері мен ұсынылатын қызметтердің тізбесі шартта ескеріледі.

         Сондықтан көтеріп отырған мәселеңізге байланысты толық ақпарат алу үшін тұрғылықты жеріңіз бойынша Жұмыспен қамтуды үйлестіру және әлеуметтік бағдарламалар басқармасына хабарласуыңыз қажет.

 

Сұрақтың нөмірі: 353001
22 қараша, 2018 - 13:31 өзгертілді
Сұрақ тақырыбы: 

Құрметті Мадина Ерасылқызы !

Жауап: 

Құрметті, Нурбиби Сеильбековна!

 

«Неке (ерлі-зайыптылық) және отбасы туралы» Қазақстан Республикасының 2011 жылғы 26 желтоқсандағы Кодексінің 120-бабының 3-тармағына сәйкес «Мемлекеттің қорғаншылық және қамқоршылық жөніндегі функцияларын жүзеге асыру қағидалары» (бұдан әрі – Қағидалар) бекітілді (Қазақстан Республикасы Үкіметінің 2012 жылғы 30 наурыздағы   № 382 қаулысы).

Осы Қағидалардың негізінде аудандардың, облыстық, республикалық маңызы бар қалалардың, астананың жергілікті атқарушы органдары мемлекеттiң кәмелетке толмағандарға қатысты қорғаншылық және қамқоршылық жөніндегі функцияларын білім беру мен денсаулық сақтаудың уәкілетті органдары, кәмелетке толғандарға қатысты – халықты әлеуметтiк қорғаудың уәкілетті органдары (бұдан әрі – орган) жүзеге асырады.

Сондықтан, Кодексте көрсетілген қорғаншы немесе қамқоршы қамқорлыққа алынушының табысы ретiнде оған тиесiлi, қамқорлыққа алынушыны күтіп-бағу үшiн қажеттi сома есебiнен шығыстар ең төмен күнкөріс шегінен асқан жағдайда шығыстар шығаруға рұқсат алу сұрағы бойынша толық ақпарат алу үшін тұрғылықты мекенжайыңызға қарасты қорғаншылық немесе қамқоршылық жөніндегі функцияларды жүзеге асыратын жергілікті атқарушы органмен хабарласуды ұсынамыз.

 

Сұрақтың нөмірі: 352934
19 қараша, 2018 - 17:09 өзгертілді
Сұрақ тақырыбы: 

Сәлеметсіздер ме!

Жауап: 

Құрметті Берік Серікбайұлы!
Қазақстан Республикасының Еңбек кодексінің (бұдан әрі - Кодекс) 68-бабының 1- тармағына сәйкес жұмыс уақытының қалыпты ұзақтығы аптасына 40 сағаттан аспауға тиіс.
Сонымен қатар, Кодекстің 69-бабының 2-тармағына сәйкес ауыр жұмыстарда, еңбек жағдайлары зиянды және (немесе) қауіпті жұмыстарда істейтін жұмыскерлер үшін өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды және (немесе) қауіпті жұмыстардың тізбесіне сәйкес аптасына 36 сағаттан аспайтын жұмыс уақытының қысқартылған ұзақтығы белгіленеді.
Қазақстан Республикасы Денсаулық сақтау және әлеуметтік даму министрінің 2015 жылғы 28 желтоқсандағы № 1053 бұйрығымен Ауыр жұмыстардың, еңбек жағдайлары зиянды және (немесе) қауіпті жұмыстардың тізбесін, жұмыс істеу жұмыс уақытының қысқартылған ұзақтығына, жыл сайынғы ақы төленетін қосымша еңбек демалысына және еңбекке ақы төлеудің жоғарылатылған мөлшеріне құқық беретін өндірістердің, цехтардың, кәсіптер мен лауазымдардың тізімі (бұдан әрі - Тізім), сондай-ақ оларды беру қағидалары бекітілді.
Тізімнің «Денсаулық сақтау жұқпалы таз және туберкулез (туберкулезге қарсы) емдеу-алдын алу мекемелері, Бөлiмшелерi, палаталар, кабинеттер; санитарлық-орман Мектептерi мен мектеп-интернаттары, балалар yйлерi, Балабақшалар (топтары), балалар яслилері (топтары) және Туберкулезбен, созылмалы жұқпалы іш аурумен ауыратын Балаларға арналған сәбилер yйлерi (топтар), туберкулезбен Ауыратындарға арналған мyгедектер үйi (бөлiмшелер)» 43-бөлімінде: Денсаулық сақтау, білім беру, әлеуметтік қамсыздандыру ұйымдарының және демалыс үйлерінің (санаторийлердің логопеді, сурдологы) жұмысшыларына 12 күнге дейінгі қосымша еңбек демалысын беру мен 18 сағат қысқартылған жұмыс күнінің ұзақтығы қарастырылған.
Осыған орай, аталған кепілдіктерді алуға құқылысыз, егер Сіздің жұмыс орныңызбен лауазымыңыз сәйкес келжен жағдайда.
Сондай-ақ, жұмыс беруші аттестаттау нәтижесі негізінде қызметкердің нақты жұмыс жағдайын ескере отырып және жұмыскерлер өкілдерінің (кәсіподақ органының) пікірін ескеріп, жұмыс уақытының қысқартылған ұзақтығын, жыл сайынғы ақы төленетін қосымша еңбек демалысын және еңбекке ақы төлеудің жоғарылатылған мөлшерін анықтауға құқылы.
Қысқартылған жұмыс уақыты және қосымша демалыстың нақты ұзақтығы, еңбекке ақы төлеудің жоғарылатылған мөлшері ұжымдық және еңбек шарттарында норматив ретінде белгіленеді.
Сіз үшінші сұрағыңыз бойынша Қазақстан Республикасының Білім және ғылым министрлігіне хабарласуыңыз қажет.

Сұрақтың нөмірі: 351310
29 тамыз, 2018 - 19:37 өзгертілді
Сұрақ тақырыбы: 

Қайырлы күн! 

Жауап: 

Сіздің көтеріп отырған сауалыңыз жергілікті атқарушы органдар тарапынан жүргізілетіндіктен Алматы қаласының жұмыспен қамту және әлеуметтік бағдарламалар басқармасына (бұдан әрі - Басқарма) сұраныс хат жолданды.
Басқарманың ақпараты бойынша Сіздің ұлыңыз Бейбарыс «Алматы қаласы психоневрологиялық ауытқулары бар мүгедек балаларға арналған күндіз болу орталығы» КММ-де 2017 жылдың 25 шілдесінен бастап қызмет алған. 2018 жылдың 1 тамызынан бастап ұлыңыз №3 бөлімшесіне ауыстырылған.
Қолданыстағы заңнамаға сәйкес қызмет алушыларды үйден жартылай стационарлық үлгідегі ұйымға дейін және кері бағытта, сондай-ақ емдеуге, оқуға, мәдени іс-шараларға қатысу үшін тасымалдау кезінде көлік қызметі ұсынылады.
Алайда, қазіргі уақытта №3 бөлімшенің тасымалдау көлігінің істен шығуына байланысты қызмет алушыларға тасымалдау қызметін көрсетуге мүмкіндігі болмай отыр.
Осы орайда, аталған мәселе бойынша тұрғылықты жеріңіздегі Басқармаға хабарласуыңыз қажет.

Сұрақтың нөмірі: 350885
17 тамыз, 2018 - 19:48 өзгертілді
Сұрақ тақырыбы: 

Қайырлы күн Мадина Ерасылқызы! 

Жауап: 

Құрметті Гулнабат Асанхановна!

Қазақстан Республикасының өңірлерінде жүріп-тұруында қиындықтары бар азаматтарға қызмет көрсету үшін инватакси қызметін ұсыну жергілікті атқарушы органдары және мүгедектердің қоғамдық бірлестіктерімен мемлекеттік әлеуметтік тапсырыс шеңберінде жүзеге асырылады.
Осыған орай, Сіздің көтерген мәселеңіз бойынша тұрғылықты жеріңіздегі жұмыспен қамтуды үйлестіру және әлеуметтік бағдарламалар басқармасына хабарласуыңыз қажет.

Сұрақтың нөмірі: 350629
18 шілде, 2018 - 12:40 өзгертілді
Сұрақ тақырыбы: 

   Саламатсыздар ма!  Мен Әбдішәкір Икрамхан Өмірзақұлы Шымкент қаласының тұрғынымын. Қазіргі таңда науқасыма байланысты 2-топ  мүгедегі болып табыламын. Мүгедектікке алғашқы рет 2011 жылы шыққан едім. Содан 7 жылдан бері жыл сайын сараптамадан өтудемін. Осыған  байланысты мүгедектікті қайта куәландыру үшін   келесі сараптамадан өту кезінде мүгедектікті мерзімсіз (бессрочный) уақытқа белгілеуді сұрауға  құқығым бар ма? Жылдағы қабылдайтын емдеу шаралары оң нәтиже бермеуде. 

Жауап: 

Кұрметті Икрамхан Өмірзақұлы!

    Сіздің тұрмыстық зорлық-зомбылық құрбандарына арнаулы әлеуметтік қызметтер көрсету бойынша жүгінген сұрақтарыңызды қарап, келесіні хабарлаймыз.

    Қазақстан Республикасы Азаматтық процестік кодексінің 58-бабында тапсырма бойынша, оның ішінде іске қатысатын адамдардың өтініші бойынша сот рұқсат еткен, жоғары заң білімі бар басқа да адамдардың сотта өкілдік етуі реттелген.

    Бұл ретте, өкілдің процестік өкілеттіктері тиісті түрде ресімделген «Нотариат туралы» Қазақстан Республикасының Заңына сәйкес берілетін сенімхатпен расталады.

    Сонымен қатар, Тұрмыстық зорлық-зомбылық құрбандарына арнаулы әлеуметтік қызметтер көрсету стандартының (ҚР ДСӘДМ 21.12.2016 ж. № 1079 бұйрығы) 24-тармағының 8) тармақшасына сәйкес әлеуметтік-құқықтық қызметтер көрсету мекеме юристінің құзыретіне кіреді.

Сұрақтың нөмірі: 348742
27 қыркүйек, 2018 - 15:42 өзгертілді
Сұрақ тақырыбы: 

Балам Зкрия Муса Оразбекұлы  02.10.2007 жылы туылған.

Балалар церебральді салдану, атонико-астатикалық түрі, орташа ауырлықты дәрежелі.

Мен баламды республикалық балалар оңалту орталығына (Астана, Алматы) Қызылорда қаласындағы Талсуат елді мекеніндегі емдеуге алып бару үшін квотаны 2 жыл бойынша ұзақ күтемін. Баламды емдеуге алып баруға жыл сайын мүмкіндік қарастырылса екен деп ойлаймын.

Жауап: 

Сәлеметсіз бе,!

Сіз қойып отырған сұрақ бойнша ақпаратты алу үшін Қазақстан Республикасы денсаулық сақтау Министрлігінің сайтқа сұрақ қоюыңыз қажет (mz.gov.kz).

Сұрақтың нөмірі: 344419
16 мамыр, 2017 - 18:13 өзгертілді
Сұрақ тақырыбы: 

Қызым Базарбек Альбина 2000 жылы 10 қаңтарда дүниеге келген. Бала кезінен мүгедек. Қазіргі уақытта 3 топ мүгедегі. Жалпы мектепте 11 сынып оқушысы. Диагнозы: оң жақ ұршық басының потологиялық шығуы, ашық түрде қалпына келтіруден кейінгі жағдай. Оң жақты дефформацияланған коксатроз.

Сұрақ: 1.Қызымның арманы мед академияда білім алу. ҰБТ тапсырғаннан кейін мүгедектігі бар балаларға грант ұтып алуға мүмкіндік бар ма? Сіздер тарапынан қандай жеңілдіктер бар? Ақылы бөлімде оқытуға жағдайым жетпейді.

Жауап: 

Cәлеметсіз бе,!

Сіз қойып отырған сұрақтар бойынша ақпаратты алу үшін Қазақстан Республикасы денсаулық сақтау Министрлігі (mz.gov.kz) және Қазақстан Республикасының Білім және ғылым министрлігінің сайттарға сұрақтар қоюыңыз қажет (edu.gov.kz).

Сұрақ тақырыбы: 

3.Менің балам Шайділда Мақсат 2006 жылы туылған.

2014 жылдан қыркүйек айынан бастап анапластическая астроцитома правой теменной доли головного мозга в стадии клинической декомпенсации.G-III. Состояние после КПТ, тотальное удаление опухоли от 24.09.2014г, лучевой терапии СД 40 ГР диагнозымен ауырады, отадан кейін сол жақты гемипарезі бар.

Сұрақ: Осы уақытқа дейін оңалту оталықтарына барған жоқ. Осы диагнозбен оңалту орталығына бара ала ма?

Жауап: 

Сәлеметсіз бе!

Сізге, Астана қаласындағы сауықтыру Орталығында квота арқылы емделу үшін порталға тұруға тұрғылықты жеріңіз бойынша алдын ала сақтандыру емдеу мекемесіне жүгінуіңіз керек. 

орн.Дускалиева С.

Сұрақтың нөмірі: 344406
29 мамыр, 2017 - 18:29 өзгертілді

Беттер

ҚР тәуелсіздік жылдарындағы жетістіктері
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші