check

You are here

Жауап берілген сұрақтар

Сұрақ тақырыбы: 

Әссаламу алейкум! Министр мырза,Әлеуметтік көмек алу үшін Менін отбасым 5 адам үш бала баримиз жалдамалы патерде турамыз. Және сол патерде уакытша тіркеудеміз. Ал туракты тіркеуде Мен және 3 балам агамнын уйнде турамыз. жубайым озінің анасының үйінде тұрақты тіркеуде. Енді Сұрақ Бізді барлығың бір жерде тұрақты тіркеуде болуларың керек деп құжаттарымызды қабылдамай қойды.Содан сон ХҚКО барып мәселемді айтсам олар заңнама түсіндірмесінде былай түсіндірілген - сіздер уакытша патерде бірге тұрасыздар.

Жауап: 

Атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Бұл ретте, қолданыстағы заңнама сәйкес барлық отбасының жиынтық табыстарын есептеген кезде тұрғылықты мекен-жайы бойынша тұрақты немесе уақытша тіркеу міндетті шарт болып табылады.
Отбасыңыздың табыс мөлшері жоғарыда көрсетілген көрсеткіштен аспаған жағдайда осы жәрдемақыны алуға үміткер бола аласыз.
Осыған орай, атаулы әлеуметтік көмекті алу үшін Сіздерге барлық отбасыңызбен бір мекен жай бойынша тіркеліп (тұрақты немесе уақытша) жұмыспен қамту орталығына (ал ауылдық жерлерде кент, ауыл, ауылдық округ әкіміне) жүгінуіңізді ұсынамыз.

Сұрақтың нөмірі: 360571
24 мамыр, 2019 - 19:39 өзгертілді
Сұрақ тақырыбы: 

Салематсызба! «Е-халық» ақпараттық жүйесі - ауылдық округтер әкімдерінің шаруашылықтар бойынша кітабының электрондық нұсқасы делінген. Аудандық маңызы бар Құлсары қаласы әкімі аппаратына е-халық базасымен жұмыс жасау жөнінде тапсырма берілді.

Жауап: 

Құрметті Назгүл Қобыландықызы!

Қазақстан Республикасының Еңбек және халықты әлеуметтік қорғау министрлігі (бұдан әрі - Министрлік) Сіздің «Е-Халық» ақпараттық жүйесіне (бұдан әрі - «Е-Халық» АЖ) қатысты өтінішіңізді қарап келесіні хабарлайды.
Бүгінгі күні бүкіл республика бойынша «Е-Халық» АЖ енгізілді, ол халық туралы мәліметтердің толық есепке алынуын және азаматтардың елдің кез келген нүктесінде әлеуметтік игіліктерге тең қол жеткізуін қамтамасыз етеді.
«Е-Халық» АЖ әрбір Қазақстандық отбасының әлеуметтік картасын қалыптастыруға және оның негізінде өңірлердің, жеке алынған елді мекеннің, тіпті ауылдық округтің шегінде халықтың әлеуметтік әл-ауқатының мониторингін жүзеге асыруға мүмкіндік береді.
Бүгінгі таңда оның базасында атаулы әлеуметтік көмек көрсетуге өтініштер қабылдау іске асырылды.
Жоғарыда айтылғанды ескере отырып Аудандық маңызы бар Құлсары қаласы әкімі аппараты «Е-Халық» АЖ жұмыс жасауы орынды деп санаймыз.
Сонымен бірге бүгінгі таңда Ауыл шаруашылығы министрлігінің «Мемлекеттік жер кадастры», «Ауыл шаруашылық жануарларын бірдейлендіру» және «Ауыл шаруашылық техникаларын мемлекеттік тіркеу» ақпараттық жүйелерінің «Е-Халық» АЖ интеграциялау жұмыстары жүріп жатқандығын және интеграцияланғаннан соң барлық қиыншылықтар жойылатындығын хабарлаймыз.

Сұрақтың нөмірі: 360564
17 мамыр, 2019 - 19:00 өзгертілді
Сұрақ тақырыбы: 

Мен Сарсенгалиева Галия, Атаулы әлеуметтік көмекке құжаттар тапсырайын деп едім. Менің жолдасым Өзбекстан Республикасының азаматы. Көп балалы анамын. Жолдасыммен заңды некедемін. Бірақ, Жолдасымның Қазақстан Республикасында тұрақты тұруға ыхтиярхаты жоқ, әрі жұмыссыз. Атаулы әлеуметтік көмекке құжаттар тапсыру үшін үйдегі еңбекке қабілетті жұмыссыз жолдасым жұмыспен қамту орталығына жұмыссыз ретінде тіркелу керек  дейді. Жолдасымның Қазақстан республикасында тұрақты тұруға ыхтиярхаты болмаса жұмыссыз ретінде  тіркеле алама?  Маған атаулы әлеуметтік көмек тиісті болама?

Жауап: 

Құрметті Галия!

Атаулы әлеуметтік көмекті тағайындау және төлеу мәселелерінде бірқатар өзгерістер енгізілді.
Атап айтар болсақ, аз қамтылған отбасыларды қамтуды кеңейту мақсатында атаулы әлеуметтік көмекті көрсету үшін күнкөріс деңгейінен 70 пайызға дейін критерийі көтерілді. Атаулы әлеуметтік көмекті алуға құқылы балалары бар отбасыларды атаулы қолдау үшін көп балалы отбасылардағы әр балаға ең төменгі төлемді 20 789 теңге мөлшерінде белгіленді.
Бұл ретте, отбасының жиынтық табысын есептеу кезінде бірге тұратын кәмелетке толмаған төрт және одан көп балалары бар отбасыларға төленетін арнаулы мемлекеттік жәрдемақы, «Алтын алқа» және «Күміс алқа» алқасымен марапатталған көп балалы аналардың жәрдемақысы, баланың мүгедектік жәрдемақысы және шәкіртақы алынып тасталды.
Бұл ретте отбасының жиынтық табысына бiрге тұратын және тұрғылықты бір жерге тiркелген және үй шаруашылығын бірге жүргізетін адамдардың табыстарының жалпы сомасы есепке алынып, есептеледі.
Қазақстан Республикасының халықты жұмыспен қамту туралы заңнамасына сәйкес Қазақстан Республикасының азаматтары, оралмандар, Қазақстан Республикасында тұратын шетелдіктер, азаматтығы жоқ адамдар жұмыссыз ретінде тіркелу үшін тұрғылықты жері бойынша өтініш жасай алады.
Әлеуметтік көмек отбасына тағайындалып, төленетін ескере отырып, Сізге толық ақпарат алу үшін тұрғылықты жеріңіз бойынша Жұмыспен қамтуды үйлестіру және әлеуметтік бағдарламалар басқармасының бөліміне жолығуыңызға кеңес береміз.

Сұрақтың нөмірі: 360551
13 мамыр, 2019 - 20:43 өзгертілді
Сұрақ тақырыбы: 

1 тоқсан 2019 жылға 3 айға барлық жалақы 333696 тенгені құрайды. Қолға таза алатыны 283043 тенге. 20780 тенге әлеуметтік көмек алу үшін қай цифрдан есептелінеді. Отбасында бес адам. Жергілікті ЦОН дағы қызметкерлер 333696 тенгеден есептеп жан басына шаққандағы кіріс асып тұр деп құжаттарды қабылдамай кері қайтарды. Негізі жеке табыс салығы, 10 пайыз міндетті зейнетақы жарнасы ұсталынған таза кіріс 283043 тенгеден есептелінбейді ма?  Қайсысы дұрыс?

Жауап: 

Құрметті Мейрамкуль!

Қазақстан Республикасы Еңбек және халықты әлеуметтік қорғау министрлігі Сіздің ресми сайтқа келіп түскен хатыңызды қарап, келесіні хабарлайды.
«Мемлекеттік атаулы әлеуметтік туралы» Қазақстан Республикасының Заңына сәйкес 2019 жылдың сәуір айынан бастап аз қамтылған отбасыларды қолдау үшін атаулы әлеуметтік көмек тағайындаудың жаңа механизмі енгізілді.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі N 237-ө Бұйрығына сәйкес халықты жұмыспен қамту орталығы (бұдан әрі – Орталық) өтініш берушінің келісімі бойынша өтініш берушінің табыстарын орталық атқарушы органның автоматтандырылған ақпараттық жүйелеріндегі деректермен салыстырып тексереді.
Атаулы әлеуметтік көмек (бұдан әрі – АӘК) жан басына шаққандағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
АӘК алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Яғни, бұл ретте отбасының жиынтық табысын есептеу кезінде барлық табыстың шығысы (міндетті зейнетақы жарнасы) есептеледі.
Дегенменде, халыққа көрсетілетін әлеуметтік кепілдікті кеңейту мемлекеттік әлеуметтік саясаттың міндеттерінің бірі болып табылады.
Бұл іс-шаралар еліміздің экономикалық даму қарқына сәйкес мемлекетік бюджеттің мүмкіндіктерін есепке ала отырып, кезең-кезеңімен өткізіледі.

Сұрақтың нөмірі: 360548
15 мамыр, 2019 - 19:44 өзгертілді
Сұрақ тақырыбы: 

1 тоқсан 2019 жылға 3 айға барлық жалақы 333696 тенгені құрайды. Қолға таза алатыны 283043 тенге. 20780 тенге әлеуметтік көмек алу үшін қай цифрдан есептелінеді. Отбасында бес адам. Жергілікті ЦОН дағы қызметкерлер 333696 тенгеден есептеп жан басына шаққандағы кіріс асып тұр деп құжаттарды қабылдамай кері қайтарды. Негізі жеке табыс салығы, 10 пайыз міндетті зейнетақы жарнасы ұсталынған таза кіріс 283043 тенгеден есептелінбейді ма?  Қайсысы дұрыс?

Жауап: 

Құрметті Мейрамкуль!

Қазақстан Республикасы Еңбек және халықты әлеуметтік қорғау министрлігі Сіздің ресми сайтқа келіп түскен хатыңызды қарап, келесіні хабарлайды.
«Мемлекеттік атаулы әлеуметтік туралы» Қазақстан Республикасының Заңына сәйкес 2019 жылдың сәуір айынан бастап аз қамтылған отбасыларды қолдау үшін атаулы әлеуметтік көмек тағайындаудың жаңа механизмі енгізілді.
«Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі N 237-ө Бұйрығына сәйкес халықты жұмыспен қамту орталығы (бұдан әрі – Орталық) өтініш берушінің келісімі бойынша өтініш берушінің табыстарын орталық атқарушы органның автоматтандырылған ақпараттық жүйелеріндегі деректермен салыстырып тексереді.
Атаулы әлеуметтік көмек (бұдан әрі – АӘК) жан басына шаққандағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
АӘК алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Яғни, бұл ретте отбасының жиынтық табысын есептеу кезінде барлық табыстың шығысы (міндетті зейнетақы жарнасы) есептеледі.
Дегенменде, халыққа көрсетілетін әлеуметтік кепілдікті кеңейту мемлекеттік әлеуметтік саясаттың міндеттерінің бірі болып табылады.
Бұл іс-шаралар еліміздің экономикалық даму қарқына сәйкес мемлекетік бюджеттің мүмкіндіктерін есепке ала отырып, кезең-кезеңімен өткізіледі.

Сұрақтың нөмірі: 360547
15 мамыр, 2019 - 19:43 өзгертілді
Сұрақ тақырыбы: 

Салеметсізбе. Лаборант болып қызмет етіп жүрген қызметкер "медбике ісі" мамандығы бойынша бакалавр бітірді Ресйден, сосын "клиникалық зертқаналық диагностика" мамандығы бойынша қайта даярлаудан өтті. Енді қазір таңда "сапаны бақылау менеджері" лауазымында қызмет атқарады. Оның еңбек ақысын қандай коэффицентпен төлейміз. Дәрігер немесе жоғары білімі бар орта буын қызметкері  ме? дәрігер болса. лаборант болып жасаған еңбек өтілі қысқартылып қалама?

Жауап: 

Мемлекеттік мекемелер мен қазыналық кәсіпорындардың қызметкерлеріне еңбекақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысы (бұдан әрі – Қаулы) негізінде жүргізіледі.
Қаулының 4-тармағына сәйкес тиісті қызмет салаларындағы уәкілетті органдар еңбек жөніндегі уәкілетті мемлекеттік органмен келісу бойынша тиісті қызмет салалары бойынша азаматтық қызметшілер лауазымдарының тізілімін бекітеді.
Бұл ретте, денсаулық сақтау жүйесінің кейбір салаларындағы азаматтық қызметшілер лауазымдарының тізілімі «Денсаулық сақтау жүйесінің кейбір салаларындағы азаматтық қызметшілер лауазымдарының тізілімін бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 28 желтоқсандағы № 1043 бұйрығымен (бұдан әрі - Бұйрық) бекітілген, оған сәйкес:
- біліктілігі жоғары деңгейдегі менеджер С2 буыны бойынша;
- бiлiктiлiгi орташа деңгейдегі менеджер С3 буыны бойынша анықталған.
Сонымен бірге жоғарыда аталған бұйрықтың әзірлеушісі және денсаулық сақтау саласындағы уәкілетті орган ҚР Денсаулық сақтау министрлігі екенін ескере отырып, сұрағыңыз бойынша қосымша ақпарат алу үшін аталған мемлекеттік органға жүгінуіңізді ұсынамыз.

Сондай-ақ, егер Сіздің ұйымыңыз жеке ұйым (шаруашылық жүргізу құқығындағы МК, АҚ және т.б.) болып табылса, бұл жағдайда Сіздің ұйымыңыздың қызметкерлеріне еңбекақы төлеу жүйесі Қазақстан Республикасы заңнамасына сәйкес дербес анықталады.

Сұрақтың нөмірі: 360529
6 мамыр, 2019 - 19:26 өзгертілді
Сұрақ тақырыбы: 

Ассалумағалейкум менің сұрайын дегенім Мен 2010 жылдан бері қарай ауылда мектепте жұмыс істеймін. Өзім пәтер жалдап тұрамын. 2015 жылдан бастап танысымның үйіне пропискаға отырған едім. Қазір енді олар пропискадан шығарып жіберсе менің басқа пропискаға тұратын жерім жоқ. Олар 1 ай мерзімге срок беріп отыр. Енді не істеуге болады. 2015 жылдан "Дипломмен ауылға бағдарламасы бойынша кезекке тұрғанмын. Әлі кезегім келгені жоқ, жылжымайды бір орында тұр.Мүмкін кезегім келгенде үйлі болып пропискаға тұраалатын шығармын. Оған дейін не істеуім керек Қайда қалай пропискаға тұрам.

Жауап: 

Құрметті Алибек!

Қазақстан Республикасы Үкіметінің 2017 жылғы 18 ақпандағы №81 қаулысымен бекітілген Қазақстан Республикасы Еңбек және халықты әлеуметтік қорғау министрлігінің Ережесіне сәйкес Министрлік әлеуметтік-еңбек саласында басшылықты жүзеге асыратын Қазақстан Республикасының мемлекеттік органы болып табылады.
Министрліктің негізгі міндеттеріне мемлекеттік саясатты жасақтау, халықты әлеуметтік қорғау саласында мемлекеттік басқару және салааралық үйлестіруді жүзеге асыру кіреді.
Қолданыстағы заңнамаға сәйкес коммуналдық тұрғын үй қорынан тұрғынжайлар немесе жеке тұрғын үй қорынан жергілікті атқарушы орган жалдаған тұрғынжайлар осы елді мекенде тұрақты тұратын, тұрғын үйге мұқтаж Қазақстан Республикасының азаматтарына пайдалануға беріледі. Қазақстан Республикасының азаматтарын республикалық маңызы бар қалаларда, астанада есепке қою үшін кемінде үш жыл тұрақты тұруы талап етіледі (негіз: «Тұрғын үй қатынастары туралы» ҚР Заңы).
Тұрғын үй, жалға берілетін тұрғын үй алу, тұрғын үй алуға кезекке тұру және т.б. мәселелері жергілікті атқарушы органдар арқылы жүргізіледі.
Сонымен бірге, тұрғылықты мекенжайға тіркеуді «Азаматтарға арналған үкімет» мемлекеттік корпорациясы» коммерциялық емес акционерлік қоғамы жүзеге асырады.
Осыған орай, көтерген сауалыңыз бойынша Сізге тұрғылықты жеріңіздегі әкімдікке немесе Халыққа қызмет көрсету орталығына жолығу қажеттігін хабарлаймыз.

Сұрақтың нөмірі: 360470
13 мамыр, 2019 - 20:41 өзгертілді

4 айға ағылшын тіліне оқуға  кеткен мұғалімнің орнына сабақ берген мұғалімге ақы қалай төленеді? 

Жауап: 

Мемлекеттік білім беру ұйымдары қызметкерлеріне жалақыны есептеу «Бюджет қаражаты есебінен қаржыландырылатын мемлекеттік білім беру ұйымдарының қызметкерлеріне жалақы есептеу ережесін бекіту туралы» Қазақстан Республикасы Білім және ғылым министрінің 2008 жылғы 29 қаңтардағы № 40 бұйрығымен реттеледі (бұдан әрі-Қағидалар), оған сәйкес ауырып қалған немесе басқа себептермен екі айдан аспайтындай уақыт ішінде жұмыста уақытша болмаған мұғалімдердің (оқытушылардың) міндеттерін орындау тәртібімен орындалған жұмыс сағаттары үшін ұйымдарда педагогикалық қызметкерлерге сағаттық төлем жүргізіледі.
Қағидаларға сәйкес егер жұмыста уақытша болмаған қызметкердің міндеттерін орындау қатарынан екі айдан асқан болса, педагогикалық қызметкерге еңбекақы оның орнын алмастырған күннен бастап жалпы тәртіп бойынша нақты педагогикалық жүктеменің барлық сағаттары үшін төленеді, яғни педагогикалық қызметкерлердің айлық жалақысы тарифтік ставканы (лауазымдық жалақыны) олардың апталық нақты жүктемесіне көбейту және шыққан нәтижені белгіленген нормативтік апталық оқу жүктемесіне бөлу жолымен белгіленеді.
Аталған бұйрықтың әзірлеушісі және білім саласында уәкілетті орган ҚР Білім және ғылым министрлігі екенін есекере отырып, нақты ақпарат алу үшін аталған мемлекеттік органға жүгінуіңізді ұсынамыз.

Сұрақ тақырыбы: 

         Саламатсыздар ма?  

Жауап: 

Құрметті Динара Балтабаевна!

«Мемлекеттiк атаулы әлеуметтiк көмектi тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы № 320 бұйрығының 4-тармағына сәйкес атаулы әлеуметтік көмекке өтініш берушінің тұрақты немесе уақытша тіркелген жері болмаған жағдайда Орталық немесе әкім атаулы әлеуметтік көмекті тағайындау мақсатында өтініш берушіні Тұрақты жері жоқ адамдарға арналған әлеуметтік бейімдеу орталығына уақытша тіркеуге тұруына ықпалдасады.
Бірақ бұл қағидаға сәйкес объективті себептер бойынша (қауіпсіздік техникасына сай келмейтін құрылыстарда, тұруға арналмаған ғимараттарда тұратын немесе үй салып оның құжаттары рәсімделмеген жағдайда) тұра алмайтын адамдарды уақытша тіркеу қажет.
Бұл атаулы әлеуметтік көмекті тағайындау барысында өтініш берушілерге ықпалдасу шарасы болғандықтан, осындай мекемелерде уақытша тіркелген адамдар өздері және отбасы мүшелері үшін дербес жауап береді.

Сұрақтың нөмірі: 360365
2 мамыр, 2019 - 10:08 өзгертілді
Сұрақ тақырыбы: 

Саламатсызба!Менің есімім Сымбат болады,жас отбасы.Уйде пропискада 8адам турамыз,оның 3-і 18ж толмаған балалар,2-і бала күтімінде,1-і жұмыссыз,2-і жалдамалы жұмыскер маған ай сайынғы ақшалай көмек шығама білейін деген едім?

Жауап: 

Құрметті Сымбат!

Қазақстан Республикасы Еңбек және халықты әлеуметтік қорғау министрлігі Сіздің ресми сайтқа жазған хатыңызды қарап, келесіні хабарлайды.
Атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Осыған орай, отбасыңыздың табыс мөлшері жоғарыда көрсетілген көрсеткіштен аспаған жағдайда осы жәрдемақыны алуға үміткер бола аласыз.
Материалдық игіліктердің тізімі, сондай-ақ жеке қосалқы шаруашылықтың болуы (аулалық учаскесі, мал жіне құс) өтініш берушімен АӘК-ке құжаттарды тапсырған кезде көрсетіледі, бұл ретте осы мәліметтердің дұрыстығын анықтау учаскелік комиссияның құзыретіне кіреді.
«Учаскелік комиссиялар туралы үлгілік ережені бекіту туралы» Қазақстан Республикасы Еңбек және халықты әлуметтік қорғау министрінің 2009 жылғы 28 қаңтардағы №29 бұйрығының 2 тармағына сәйкес учаскелік комиссия – бұл атаулы әлеуметтік көмек алуға өтініш білдірген адамдардың (отбасылардың) материалдық жағдайына тексеру жүргізу үшін тиісті әкімшілік-аумақтық бірліктер әкімдерінің шешімімен құрылатын арнайы комиссия.
Осыған орай, атаулы әлеуметтік көмекті тағайындау тәртібі бойынша қосымша мәліметті алу үшін тұрғылықты жеріңіз бойынша жұмыспен қамту орталығына, ал ауылдық жерде - кент, ауыл, ауылдық округ әкіміне жүгіну қажеттігін ескертеміз.

Сұрақтың нөмірі: 360296
30 сәуір, 2019 - 20:20 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
«Еңбек жолы» Республикалық конкурсы
Қазақстанда іске асырылып жатқан үздік әлеуметтік жобалар
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші