You are here

Жауап берілген сұрақтар

Саламатсыздар ма!

Жауап: 

ҚР Еңбек кодексінің (бұдан әрі - Кодекс) 139-бабына сәйкес мемлекеттік бюджет есебінен ұсталатын азаматтық қызметшілерге лауазымдық айлықақы мөлшерінде сауықтыруға арналған жәрдемақы төлене отырып, ұзақтығы күнтізбелік отыз күннен кем болмайтын жыл сайынғы ақы төленетін негізгі еңбек демалысы беріледі.
Кодекстің 1-бабына сәйкес азаматтық қызметші – бұл Қазақстан Республикасының заңнамасында белгіленген тәртіппен қазыналық кәсіпорындарда, мемлекеттік мекемелерде ақы төленетін штаттық лауазымды атқаратын және олардың міндеттері мен функцияларын іске асыру, мемлекеттік органдарға техникалық қызмет көрсетуді жүзеге асыру мен олардың жұмыс істеуін қамтамасыз ету мақсатында лауазымдық өкілеттіктерді жүзеге асыратын адам.
Сонымен бірге, «Жергiлiктi атқарушы органдардың штат санының лимиттерiн бекiтудiң кейбiр мәселелерi туралы» Қазақстан Республикасы Үкіметінің 2004 жылғы 15 желтоқсандағы № 1324 Қаулысымен жергілікті атқарушы органдардың штат санының лимиті бекітілген.
Осыған орай, мемлекеттік органдар өндірістік қажеттілік мақсатында (еңбек шарты бойынша) мемлекеттік орган лимиті шегінде азаматтық қызметшілерді (мемлекеттік қызметшілермен бірге) жұмысқа қабылдай алады.
Егер мемлекеттік орган өз лимиті шегінде азаматтық қызметшіні жұмысқа қабылдай алмаған жағдайда, оған «Мемлекеттік органдарға техникалық қызмет көрсетуді және олардың жұмыс істеуін қамтамасыз ететін жұмыскерлер санының бірыңғай салааралық нормативтерін бекіту туралы» ҚР Денсаулық сақтау және әлеуметтік даму министрінің 2015 жылғы 23 желтоқсандағы № 1002 бұйрығына (бұдан әрі - Бұйрық) сәйкес штаттан тыс қызметкерлерді (еңбек шарты бойынша) жұмысқа қабылдау құқығы берілген.
Осыған байланысты, Бұйрыққа сәйкес жұмысқа қабылданған қызметкерлер азаматтық қызметшілер болып табылмайды, тиісінше Кодекстің 139-бабында айқындалған норма оларға таратылмайды.
Яғни жоғарыда жазылғанға сәйкес азаматтық қызметшілер қатарына қазыналық кәсіпорындарда, мемлекеттік мекемелерде штаттық лауазымды атқаратын қызметкерлер жатады.

Денсаулық сақтау қызметкерлері лауазымдарының біліктілік сипаттарын бекіту туралы ҚРДСМ

Жауап: 

«Құқықтық актілер туралы» Қазақстан Республикасының 2016 жылғы 6 сәуірдегі № 480-V ҚРЗ Заңының 60-бабының 3-тармағына сәйкес Қазақстан Республикасы Денсаулық сақтау министрлігіне сұрау жолданған.
Қазақстан Республикасы Денсаулық сақтау министрлігінің ұсынған ақпаратына сәйкес келесіні хабарлаймыз.
Қазақстан Республикасының «Халық денсаулығы және денсаулық сақтау жүйесі туралы» Кодексіне сәйкес облыстардың, республикалық маңызы бар қаланың және астананың жергілікті мемлекеттік басқару органдарының құзыретіне жас мамандарды әлеуметтік қолдау және бекіту шараларын қоса алғанда, мемлекеттік денсаулық сақтау ұйымдарын кадрлық қамтамасыз ету бойынша шаралар қолданады.
Денсаулық сақтау ұйымдарының қызметкерлерінің лауазымдарына қойылатын біліктілік талаптары Қазақстан Республикасы Денсаулық сақтау министірінің м.а. 2009 жылғы 26 қарашадағы № 791 «Денсаулық сақтау қызметкерлері лауазымдарының біліктілік сипаттамаларын бекіту туралы» бұйрығымен анықталған.
Осыған орай, жоғарыда айтылған заңнамаға сәйкес, лауазымдық міндетін атқара алады.

Сұрақтың нөмірі: 362486
13 тамыз, 2019 - 11:29 өзгертілді
Сұрақ тақырыбы: 

Саламатсызба! Менің жолдасым 2019ж шілде айында әлеуметтік көмекке құжаттарын тапсырды. осы айдын 30 күні базаға тіркеу кезінде базадан менің айлығымды тексеру барысында 01.06.2019ж 12 000 теңге көлемінде ақша түсті деп тұр. Өз тарапымнан оларға egov.kz және БЖЗҚ выписка шығарып апарып бердім ол жерде ол ақша көрініп тұрған жоқ. Басшыларына кіріп көмек сұрап барып едім ол кісі база солай шығарып тұр деді. База менің зейнетақы қорына түскен суммаларды тексеріп, сол жерде көрсетілген сумманы алу керек емеспа. Егерде базадағы сумма қате шығып тұрса оны алып жөндеуге болама? 

Жауап: 

Құрметті Мұрат !

2019 жылдың 1 сәуірінен бастап «Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесін бекіту туралы» Қазақстан Республикасы Еңбек және халықты әлеуметтік қорғау министрінің 2009 жылғы 28 шілдедегі №237-ө бұйрығына өзгерістер енгізілуіне байланысты атаулы әлеуметтік көмекті жаңа механизммен тағайындау жүзеге асырылуда.
Осы орайда, «Е-халық» ақпараттық автоматтандырылған жүйесі арқылы Сіздің отбасы мүшелеріңіздің жан басына шаққандағы табысы облыста белгіленген критерий мөлшерінен асып кетуіне байланысты мемлекеттік атаулы әлеуметтік көмекті тағайындаудан бас тартылған.
Бұл ретте аталған мәселеге байланысты толық ақпарат алу үшін Сізге тұрғылықты жеріңіз бойынша аудандық жұмыспен қамту және әлеуметтік бағдарламалар бөліміне жүгіну қажеттігін хабарлаймыз.

Сұрақтың нөмірі: 362478
8 тамыз, 2019 - 18:38 өзгертілді
Сұрақ тақырыбы: 

Мекемеде бағдарламашы болып жұмыс жасайды. Ал бірақ дипломы жоқ. (БІЛІМІ МУЗЫКАНТ) Біліктілік беру туралы сертификаты бар. Сертификатта мамандығы техник - програмист. Енді жұмысын сол  СЕРТИФИКАТПЕН ЖАЛҒАСТЫРА  АЛАМА. Қаншалықты заңды. ?

Біліктілік туралы сертификат дипломмен бірдей күші барма?

Жауап: 

Жұмыскерлерге қойылатын біліктілік талаптары мен белгілі бір жұмыс түрлерінің күрделілігі кәсіптік стандарттар негізінде, ал олар болмаған кезде Жұмыстар мен жұмысшы кәсіптерінің бірыңғай тарифтік-біліктілік анықтамалығы (БТБА), Басшылар, мамандар және басқа да қызметшілер лауазымдарының (Анықтамалық), жұмысшы кәсіптерінің тарифтік-біліктілік сипаттамаларының біліктілік анықтамалығы және ұйымдар басшылары, мамандары және басқа да қызметшілері лауазымдарының үлгілік біліктілік сипаттамалары негізінде белгіленеді (Қазақстан Республикасы Еңбек кодексінің 101-бабының 8-тармағы).
Қазақстан Республикасы Еңбек және халықты әлеуметтік қорғау министрінің 2012 жылғы 21 мамырдағы № 201-ө-м бұйрығымен бекітілген (ҚР Әділетминінде № 7755 болып тіркелген) (бұдан әрі – Анықтамалық) Басшылардың, мамандардың және басқа да қызметшілер лауазымдарының біліктілік анықтамалығына сәйкес «техник-программист» лауазымына біліктілікке қойылатын талап:
тиісті мамандық (біліктілік) бойынша орта техникалық және кәсіптік (орта арнайы, орта кәсіптік) білімі, жұмыс стажына талап қойылмайды.
Анықтамалықтың 8-тармағына сәйкес қызметкердің іс жүзіндегі орындайтын міндеттері мен біліктілігінің лауазымдық сипаттамасының талаптарына сәйкестігін комиссия (біліктілік, аттестациялық) анықтайды.
Осыған байланысты, бұл мәселе ұйымның біліктілік (аттестациялық) комиссиясының шешімімен айқындалады.

Сұрақтың нөмірі: 362476
13 тамыз, 2019 - 18:09 өзгертілді

Саламатсыздарма! Менің лауазымым бас маман есепші. Алайда бас маман бас есепшінің болмауына байланысты бас маман бас бухгалтердің міндеттерін қоса атқарғаным үшін ақпан айынан бүгінгі күнге дейін қосымша ақы өндіріп алуға құқылымынба? функционалдық міндеттеріміз екі түрлі. Ақпан айынан бастап екі лаузымның міндеттерін қоса атқарып келемін.

Жауап: 

ҚР Еңбек кодексінің (бұдан әрі - Кодекс) 111-бабына сәйкес сол бір ұйымда, еңбек шартында көзделген өзінің негізгі жұмысымен қатар басқа немесе осындай лауазым бойынша қосымша жұмыс орындайтын не уақытша болмаған жұмыскердің міндеттерін өзінің негізгі жұмысынан босатылмай орындайтын жұмыскерлерге қосымша ақы төлеу жүргізіледі.
Бұл ретте, егер уақытша болмаған жұмыскерді алмастыру алмастыратын жұмыскердің лауазымдық міндеттеріне кіретін болса, уақытша болмаған жұмыскердің міндеттерін атқарғаны (алмастырғаны) үшін жұмыскерлерге қосымша ақы төлеу жүргізілмейді.
Осыған орай, Сіздің лауазымдық міндеттеріңізге бас бухгалтердің міндеттерін атқару кірмесе, Сізге уақытша болмаған жұмыскердің міндеттерін атқарғаныңыз үшін қосымша ақы төленуі керек деп есептейміз.
Сонымен бірге, егер Сіздің жағдайыңызда еңбек заңнамасын бұзушылық орын алса, жергілікті (жұмыс беруші) жердегі мемлекеттік еңбек инспекциясына өтініш жасауыңызға болады.

Сондай-ақ, Кодекстің 144-бабына сәйкес әскери қызметтегі адамдардың, арнаулы мемлекеттік, құқық қорғау органдары мен мемлекеттік фельдъегерлік қызмет қызметкерлерінің еңбегі қызметке кірудің, оны өткеру мен тоқтатудың ерекше шарттары мен тәртібін, ерекше еңбек жағдайларын, еңбекке ақы төлеу жағдайларын, сондай-ақ қосымша жеңілдіктерді, артықшылықтар мен шектеулерді белгілейтін Қазақстан Республикасының арнайы заңдарында және Қазақстан Республикасының өзге де нормативтік құқықтық актілерінде көзделген ерекшеліктермен бірге Кодекспен реттеледі.
Осыған орай, мемлекеттік қызмет мәселелері бойынша нақты және ресми ақпарат алу үшін мемлекеттік қызмет саласындағы уәкілетті орган – ҚР Ұлттық экономика министрлігі және ҚР Мемлекеттік қызмет істері агенттігіне жүгінуіңізді ұсынамыз.

Сұрақтың нөмірі: 362463
12 тамыз, 2019 - 11:50 өзгертілді

Саламатсызба. Менің негізгі мамандыгым педагог психолог, 2019 жылы педагогика ғылымдарының магистрі атағын алдым. 2019 жылдың шілде айының 1 нен бастап балабақшаға 0,5 ставка штат бірлігінде педагог психолог, 0,5 штат бірлігінде әдіскер болып жұмысқа орналастым. 1 жыл 11 ай педагогикалық стажым бар. Енді осы бойынша менің жалақымды есептеп берсеңіз, Магистратура балабақшада толенеді ме

Жауап: 

Мемлекеттік мекемелер мен қазыналық кәсіпорындардың қызметкерлеріне еңбекақы төлеу «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2015 жылғы 31 желтоқсандағы № 1193 қаулысы (бұдан әрі – Қаулы) негізінде жүзеге асырылады.
Қаулының 3-тармағына сәйкес ұйымдар қызметкерлерінің лауазымдық айлықақылары (ЛА) (тарифтік мөлшерлемесі) атқаратын лауазымдарының функционалдық блоктарға жатқызылуына және мамандығы бойынша жұмыс өтіліне қарай ЛА (тарифтік мөлшерлемесі) есептеу үшін бекітілген тиісті коэффициенттерді ҚР Үкіметі белгілеген базалық лауазымдық айлықақы (БЛА) мөлшеріне (17697 теңге) көбейту жолымен айқындалады.
Лауазымдық айлықақыларды есептеуге арналған коэффициенттер Қаулыға 2-қосымшамен бекітілген.
БЛА мөлшері бүгінгі күні 17697 теңгені құрайды.
Қаулының 4-тармағына сәйкес қызметкерлердің функционалдық блоктары әр сала бойынша уәкілетті орган белгілеген Азаматтық қызметшілердің лауазымдары тізіліміне сәйкес айқындалады.
Бұл ретте, Білім және ғылым саласындағы азаматтық қызметшілер лауазымдарының тізілімі ҚР Білім және ғылым министрлігінің 2016 жылғы 29 қаңтардағы № 123 бұйрығымен бекітілген, оған сәйкес:
- біліктілігі жоғары деңгейлі педагог-психолог санаттарына қарай В3-1, В3-2, В3-3, В3-4 буындарына;
- біліктілігі жоғары деңгейлі әдіскер С2 буынына;
- біліктілігі орта деңгейлі әдіскер С3 буынына жатқызылған.
Сонымен бірге білім беру саласындағы азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбек жағдайлары үшін қосымша ақылар Қаулының 4-қосымшасында және бірыңғай қосымша ақылар мен үстемеақылар Қаулының 18-қосымшасында белгіленген, оған сәйкес ерекше еңбек жағдайлары үшін лауазымдық айлықақаыдан 10% мөлшерінде қосымша ақы көзделген.
Бұл ретте, Қаулы бойынша магистрлік дәреже үшін қосымша ақы көзделмегенін хабарлаймыз.

Сондай-ақ, ҚР Еңбек кодексіне (бұдан әрі - Кодекс) сәйкес жұмыскердің негізгі жұмысынан бос уақытында еңбек шарты жағдайында тұрақты, ақы төленетін басқа жұмысты орындауы қоса атқарылатын жұмыс болып табылады.
Бұл ретте, қоса атқарылатын жұмыс кезінде бөлек еңбек шарты жасалуы қажет.
Осыған орай, егер Сізбен екінші лауазымыңыз бойынша қоса атқарылатын жұмыс ретінде бөлек еңбек шарты жасалынса, әр лауазымыңыз бойынша бөлек жалақы есептеледі.
Сонымен бірге көрсетілген үлгілер бойынша есеп жүргізу министрлік қызметкерлерінің лауазымдық міндеттемелеріне кірмейтіндігін ақпарат ретінде хабарлаймыз.
Кодекстің 113-бабына сәйкес жалақы төлеу кезінде жұмыс беруші әрбір жұмыскерге тиісті кезең ішінде оған тиесілі жалақының құрамдас бөліктері, жүргізілген ұстап қалулардың мөлшерлері мен негіздері туралы, оның ішінде ұстап қалынған және аударылған міндетті зейнетақы жарналары туралы, сондай-ақ төленуге тиісті жалпы ақша сомасы туралы мәліметтерді жазбаша немесе электрондық нысанда ай сайын хабарлауға міндетті.
Осыған сәйкес, жалақыңыздың есебі бойынша нақты ақпарат алу үшін ұйымның бухгалтериясына жүгінуіңіз қажет.
Сондай-ақ білім және ғылым саласындағы уәкілетті орган ҚР Білім және ғылым министрлігі екенін ескере отырып, сұрағыңыз бойынша ресми ақпарат алу үшін аталған мемлекеттік органға жүгінуіңізді ұсынамыз.

Сұрақтың нөмірі: 362348
2 тамыз, 2019 - 19:12 өзгертілді
Сұрақ тақырыбы: 

Сәлеметсізбе! Мен Бектурганов Мырзабай Алимбайұлы сідердің кол центірлеріңізге 1411 звондадым, даусыңыз естілмейді деп өшіріп қойып қойды, бірнеше рет солай жасады неге? 1414 звондасам олар алды, даусыныз есітіліп тур деп айтты. солай болды.

Жауап: 

Құрметті Мырзабай! Қолданыстағы еңбек заңнамасына сәйкес жұмыскер жыл сайынғы ақылы еңбек демалысын алуға құқылы, ал жұмыс беруші жұмыскерге жыл сайынғы ақылы еңбек демалысын беруге міндетті.
Сіздің мәлімдеуіңізше жыл сайынғы еңбек демалысын алуға қажетті еңбек стажыңыз, яғни 12 ай бойы жұмыс атқарған уақытыңыз Сізде бар.
ҚР Еңбек кодексінің 93-бабына сәйкес жұмыскерлерге жыл сайынғы ақы төленетін еңбек демалысын берудің кезектілігі жыл сайын жұмыс беруші жұмыскерлер пікірін ескере отырып бекітетін демалыстар кестесіне сәйкес айқындалады не тараптардың келісімі бойынша демалыстар кестесінен тыс белгіленеді.
Осы орайда, егер кестеге сәйкес жыл сайынғы еңбек демалысыңызға шығатын уақытыңыз кестеге сәйкес келіп тұрса, жұмыс берушіңіз Сізге демалыс беруге міндетті.

Сұрақтың нөмірі: 362340
12 тамыз, 2019 - 15:43 өзгертілді
Сұрақ тақырыбы: 

Ауыр жұмыстардың, еңбек жағдайлары зиянды және (немесе) қауіпті жұмыстардың тізбесін, жұмыс істеу жұмыс уақытының қысқартылған ұзақтығына, жыл сайынғы ақы төленетін қосымша еңбек демалысына және еңбекке ақы төлеудің жоғарылатылған мөлшеріне құқық беретін өндірістердің, цехтардың, кәсіптер мен лауазымдардың тізімін, сондай-ақ оларды беру қағидаларын бекіту туралы бұйрыққа сәйкес дәрігер рентгенолог пен рентген лаборанттаң қосымша еңбек демалысы туралы 3 сұрағым бар

Жауап: 

Құрметті Гүлжахан!

Қазақстан Республикасы Денсаулық сақтау және әлеуметтік даму министрінің 2015 жылғы 28 желтоқсандағы № 1053 бұйрығымен Жұмыс істеу жұмыс уақытының қысқартылған ұзақтығына, жыл сайынғы ақы төленетін қосымша еңбек демалысына және еңбекке ақы төлеудің жоғарылатылған мөлшеріне құқық беретін өндірістердің, цехтардың, кәсіптер мен лауазымдардың тізімі, ауыр жұмыстардың, еңбек жағдайлары зиянды және (немесе) қауіпті жұмыстардың тізбесі бекітілген (бұдан әрі - Тізбе).
Тізбемен көрсетілген жұмыс істеу жұмыс уақытының қысқартылған ұзақтығы, жыл сайынғы ақы төленетін қосымша еңбек демалысы және еңбекке ақы төлеудің жоғарылатылған мөлшері жұмыскерлердің ауыр жұмыстарда, еңбек жағдайлары зиянды және (немесе) қауіпті жұмыстарда жұмыс істеуіне байланысты беріледі.
Тізбенің Рентгендiк сәулелену бөлімінде рентген-дефектографиялық өндiрiстiк қондырғыларда жұмыспен тiкелей айналысатын қызметшiлерге 12 күн қосымша демалыс күні, 36 сағат қысқартылған жұмыс уақыты бекітілген.
Осыған орай, егер Сіз рентген-дефектографиялық өндiрiстiк қондырғыларда жұмыспен тiкелей айналысатын қызметшi болсаңыз, Сізге жоғарыда көрсетілген ережелер қолданылады.
Сондай-ақ, аталған бөлімде жұмыс орны, саласы көрсетілмеген. Осыған орай, рентген-дефектографиялық өндiрiстiк қондырғыларда жұмыспен тiкелей айналысатын әскери қызметшіге, дәрігер-рентгенолог пен рентген лаборантқа осы бұйрыққа сәйкес қосымша демалыс уақыты мен қысқартылған жұмыс уақыты беріледі.
Аталған бұйрықты іске асыру үшін, Қазақстан Республикасының Еңбек Кодексінің 69-бабының 2 тармағына сәйкес ауыр жұмыстарда, еңбек жағдайлары зиянды және (немесе) қауіпті жұмыстарда істейтін жұмыскерлер үшін өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды және (немесе) қауіпті жұмыстардың тізбесіне сәйкес аптасына 36 сағаттан аспайтын жұмыс уақытының қысқартылған ұзақтығы белгіленетіндігі туралы норманың қолдану қажеттігін хабарлаймыз.
Аталған шараны іске асыру үшін Министрліктің хатының қажеті жоқ. Және де жұмыс берушінің бұйрығымен Еңбек Кодексінің 69-бабына сілтеме жасай отырып, аталған шараны іске асыруға болады.

Сұрақтың нөмірі: 362235
6 тамыз, 2019 - 19:29 өзгертілді
Сұрақ тақырыбы: 

Қайырлы күн! Менің анам - Апсенова Нұрсулу мектеп мұғалімі! Қазіргі таңда айлығы 50000 теңгеден төмен және өз атында несиесі бар! 1997 жылы әкеміз қайтыс болғаннан бері қарындасымыз екеумізді өзі асырап келді. Мемлекет тарапынан жәрдемақы 23 жасқа дейін берілді. Қазір менің жасым 26-да тұрақты жұмыс жасаймын, өз атымда несие бар, қарындасымның жасы 23-те студент, өз атында несиесі жоқ. Менің сұрағым, ҚР азаматтарының борыш жүктемесін азайту бойынша бір жолғы 300000 теңге маған немесе анама қатысы барма?

Рахмет!!! 

Жауап: 

Құрметті Азат!
Қазақстан Республикасы Президентінің «Қазақстан Республикасы азаматтарының борыштық жүктемесін азайту жөніндегі шаралар туралы» 2019 жылғы 26 маусымдағы № 34 Жарлығына сәйкес бір реттік тәртіппен екінші деңгейдегі банктердегі жəне микроқаржы ұйымдарындағы кепілсіз тұтынушылық қарыздарды өтеу шаралары келесі шарттармен қабылданады:
1) аталған қарыздар бойынша борышкерлер көпбалалы отбасылар, асыраушысынан айырылу жағдайына байланысты төлем алатын отбасылар, мүгедек балалары бар, 18 жастан асқан бала кезінен мүгедектері бар отбасылар, мемлекеттік атаулы əлеуметтік көмек алушылар, жетім балалар, ата-анасынан кəмелеттік жасқа толғанға дейін айырылған, 29 жасқа толмаған, ата-анасының қамқорлығынсыз қалған балалар болып табылады;
2) қарыз бойынша жалпы берешегінің 2019 жылғы 1 маусымдағы жағдай бойынша 3 000 000 теңгеден аспауы;
3) бір қарыз алушыға 2019 жылғы 1 маусымдағы жағдай бойынша өтелетін берешек (негізгі борышы + сыйақыдан тұратын) мөлшерінің 300 000 теңгеден аспауы.
«Электрондық үкімет» порталында орналастырылған Үкімет қаулысының жобасына сәйкес берешекті өтеу үшін мемлекеттік органдарға, банктерге өтініш беру талап етілмейді. Берешекті өтеу тиісті органдар мен ұйымдардың деректермен алмасуы нәтижесінде жүзеге асырылатын болады. Берешекті өтеу бойынша барлық рәсімдерді ағымдағы жылдың қыркүйегінде аяқтау жоспарланып отыр.
Ал қарыз бойынша толық ақпаратты (мемлекет қарызды қандай мөлшерде төледі, берешек қалдығының мөлшері, төлем кестесіндегі өзгерістер) барлық рәсімдер аяқталғаннан кейін, яғни ағымдағы жылдың қыркүйек айында банктер мен микроқаржы ұйымдарына жүгініп білуге болады.

Сұрақ тақырыбы: 

Мен, Ашир Индира №43 «Алмаз» бөбекжай-бақшасының І-кіші «Балбөбек» тобының тәрбиешісі боламын. Менің Сізге арыздану себебім төмендегі жағдайға байланысты. Аталған жұмыс орнында 2009 жылдан бері жұмыс жасап келемін. Биыл  01.06.2019 жылы кезекті еңбек демалысыма шықтым. 16.07.2019 жылы еңбек демалысым аяқталуыммен жұмысқа түстім.

Жауап: 

Кұрметті Индира Абдінасырқызы!

Сіздің арызыңызда көрсетілген бұзушылықтарды анықтау үшін, тексеру жүргізу қажет.
Қазақстан Республикасы еңбек заңнамаларын сақтауда Мемлекеттік бақылауды мемлекеттік еңбек инспекторлары тексеруді Қазақстан Республикасы Кәсіпкерлік кодексына сәйкес жүзеге асырады.
Тексеру жүргізілетін субъектідегі жоспардан тыс тексерудің негізі жеке және заңды тұлғалардың шағымдары болып табылады. (144 баптың 3-тармағы).
Жұмыскер немесе бұрынғы жұмыскер Кодекстің 21) тармақшасы, 22 бабының 3-тармақшасы, 192 бабының 4-тармақшасы және 194 бабына сәйкес, жұмыс берушінің іс-әрекетіне (іс-әрекетсіздігіне) шағымдану мәселелері жайлы жергілікті еңбек инспекциясы бойынша органға жұмыс орнының мекен-жайын көрсете отырып, кәсіпорынның нақты бұзушылықтар және нақты уақыт аралығында (нақты күндер) жататын барлық сұрақтарына шағым келтіруге құқығы бар.
Осыған байланысты, өзіңіздің еңбек құқығыңызды қорғау үшін Сізге жұмыс орныңыз орналасқан аймақтағы еңбек инспекциясы бойынша басқармаға жүгіну қажет.
Сіздің шағымыңыздың негізінде мемлекеттік еңбек инспекторымен Қазақстан Республикасы заңнамаларына сәйкес кәсіпорында тексеру жүргізіліп шаралар қабылданатын болады.

Сұрақтың нөмірі: 362128
24 шілде, 2019 - 18:42 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші