check

You are here

Қазақстанда еңбек заңнамасын бұзу фактілері бойынша 79 қылмыстық іс қозғалды

совещание с работодателями

Мемлекеттік еңбек инспекторлары ағымдағы жылдың 7 айында 5,5 мың кәсіпорындарға тексеру жүргізді, оның барысында 7,9 мың еңбек заңнамасын бұзушылық анықталды. Тексеру қорытындысы бойынша 79 қылмыстық іс қозғалды. Бұл туралы ҚР Еңбек және халықты әлеуметтік қорғау министрі Біржан Нұрымбетов елорданың жекелеген кәсіпорындарындағы еңбек қатынастарының проблемалық мәселелеріне арналған кеңес барысында мәлімдеді.

Іс-шараға Қазақстан Республикасы Еңбек және халықты әлеуметтік қорғау министрлігінің (бұдан әрі - Еңбекмині), Қазақстан Республикасы Қаржы министрлігі Мемлекеттік кірістер комитетінің, Нұр-Сұлтан әкімдігінің және елорда кәсіпорындарының басшылары қатысты.

Өз сөзінің басында ҚР Еңбекминнің басшысы кездесуге қатысушыларды Қазақстан кәсіпорындарындағы еңбек қатынастарының жай-күйі туралы хабардар етті.

«Еңбек заңнамасын сақтау - кез-келген кәсіпорынның тұрақтылығы мен табыстылығының кепілі. Өкінішке орай, бүгінде республикада 125 кәсіпорында 1,6 млрд теңге жалақы бойынша берешек бар, 3 еңбек жанжалы орын алған, міндетті зейнетақы жарналары мен әлеуметтік аударымдар бойынша берешек сомасы 5 млрд теңгені құрайды, 2,4 мың қызметкер қысқартылды, өндірісте 749 адам жарақат алып, олардың ішінде 82 адам қайтыс болды », – деді Біржан Нұрымбетов.

Министр 2016 жылы жаңа Еңбек кодексінің қабылдануымен мемлекет ең төмен еңбек стандарттарын, қызметкерлерге төленетін негізгі кепілдіктер мен өтемақылар белгілегенін еске салды, бұл ретте жұмыс берушілер тарапынан олардың орындалуына бақылау қамтамасыз етіледі.

«Осы жылдың 7 айында мемлекеттік еңбек инспекторлары 5,5 мың кәсіпорында тексеру жүргізді, оның барысында 7,9 мың еңбек заңнамасы бойынша бұзушылық анықталды. Тексеру нәтижелері бойынша заң бұзушылықтарға жол берген кәсіпорындардың басшыларына 3,2 мың нұсқама берілді, сонымен қатар 217 миллион теңгеге 1,6 мың айыппұл салынды. Еңбек инспекциясының талабы бойынша жұмыс берушілер еңбек қауіпсіздігі және оны қорғау ережелерін бұзғаны үшін жауапқа тартылған 11 адамды жұмыстан босатты. 11 жабдықты пайдалануға және 8 ұйымның қызметіне тыйым салынады. 523 іс құқық қорғау органдарына жолданды, олар бойынша 79 қылмыстық іс қозғалды », - деп толықтырды Б. Нұрымбетов.

Еңбек және халықты әлеуметтік қорғау министрі атап өткендей, елордада 71 мың белсенді кәсіпорын жұмыс істейді, бұл республикада 471 мыңнан астам адам жұмыс істейтін ұйымдардың жалпы санының 16% құрайды. Бұл ретте, Нұр-Сұлтан қаласындағы мемлекеттік инспекторлардың саны 11 адамды құрайды (республикада 260), яғни әрбір инспекторға 6 мың кәсіпорыннан келеді.

«Егер бұл кәсіпорындарда еңбек тәуекелі анықталған жағдайда, еңбек инспекторларының оларды толық тексеруге өкілеттігі жоқ. Сондықтан әкімдік ең алдымен, мемлекеттік еңбек инспекторларының санын, біліктілігі мен материалдық-техникалық жарақтандырылуын ұлғайта отырып, мемлекеттік бақылауды күшейтуі қажет», – деді министр.

5 қыркүйек, 2019 - 16:48 өзгертілді
Әлеуметтік қорғау жүйелеріндегі үздік қызметкерге дауыс бер
ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Балалар еңбегінің ең жаман түрлеріне қарсы күрес
үздік әлеуметтік жобалар дауыс беру
"Қауіпсіз еңбек" ақпараттық науқаны
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші