You are here

АСП

Сұрақ тақырыбы: 

Сәлеметсіз! Менің 4 балам бар, үлкенім 8 жаста оқушы, екіншім 7 жаста оқушы, үшіншім 3 жаста балабақшаға барады, төртіншім 1,6 ай кәзіргі таңда папасы үйде қарап отыр. Толық отбасым 6 адамнан тұрады: мен, күйеуім және 4 балам. Күйеуімнің білімі орта мектепті ғана бітірген, мен жоғарғы оқу орнын бітіріп кәзіргі уақытта мемлекеттік қызметкер ретінде жұмыс жасаймын. Балам 1 жасқа толғанша бір жасқа дейінгі пособие алып отырдым, бірақ балам 1 жасқа толғаннан кейін пособие төленбегендіктен, маған жұмысқа шығуға тура келді. Мен өзімнің жалақымның справкасын өткіздім, дегенмен барлық отбасына шаққанда жетіп тұрған жоқ,себебі күйеуім кіші балама қарап үйде отыр, жасы 1,6 ай болғандықтан балабақшаға беруге әлі ерте.Енді менің сізге қоятын сұрағым, мына бала басына төленетін әлеуметтік көмекті мен мемлекеттік қызметкер ретінде ала аламба? Біздің ауылдағы АСП бағдарламасына құжат өткізіп қойғаныма 2 ай болып қалды, маған сен мемелкеттік қызметкер ретінде ала алмайсың деген жауап қайтарды. Осы бойынша толық  жауап беріңізші!

Жауап: 

Құрметті Замира Жомартовна!

«Мемлекеттік атаулы әлеуметтік көмек туралы» Қазақстан Республикасының Заңына сәйкес 2019 жылдың сәуір айынан бастап аз қамтылған отбасыларды қолдау үшін атаулы әлеуметтік көмек тағайындаудың жаңа механизмі енгізілді.
Жаңа форматтағы атаулы әлеуметтік көмек көрсету критерийі бір адамға ең төменгі күнкөріс деңгейінің 70%-ы яғни 20 789 теңгені құрайды.
Мемлекеттiк атаулы әлеуметтік көмекті тағайындау кезінде бiрге тұратын отбасының барлық мүшелерiнің жиынтық табыстары ескерiледi. Оларға еңбекақы, кәсiпкерлiк, әлеуметтiк төлемдер түрiнде алынатын табыстар, оның ішінде бала бір жасқа толғанға дейін оның күтіміне байланысты мемлекеттік жәрдемақылар, жеке қосалқы шаруашылықтан түсетін табыс және өзге де табыстар кіреді (негіз: «Мемлекеттік атаулы әлеуметтік көмекті тағайындау және төлеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 5 мамырдағы №320 бұйрығына өзгеріс енгізу туралы Қазақстан Республикасы Еңбек және халықты әлеуметтік қорғау министрінің 2019 жылғы 5 сәуірдегі №165 бұйрығы).
Осыған орай, отбасыңыздың табыс мөлшері жоғарыда көрсетілген көрсеткіштен аспаған жағдайда аталған жәрдемақыны алуға үміткер бола аласыз.
Бұл ретте Сізге тұрғылықты жеріңіз бойынша халықты жұмыспен қамту орталығына, ал ауылдық жерлерде кент, ауыл, ауылдық округ әкіміне жолығу қажеттігін хабарлаймыз.

Сұрақтың нөмірі: 361434
22 маусым, 2019 - 17:42 өзгертілді
ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Статусын тексеру
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
ҰБЖ
Жаңа ұлттық қызметтер жіктеуіші