Оралмандар мен қоныс аударушыларды қабылдаудың 2019 жылға арналған өңірлік квотасын белгілеу туралы Қазақстан Республикасының Үкіметінің қаулы жобасы

Оралмандар мен қоныс аударушыларды қабылдаудың 2019 жылға арналған өңірлік квотасын белгілеу туралы

         «Халықтың көші-қоны туралы» 2011 жылғы 22 шілдедегі
Қазақстан Республикасы Заңының 8-бабының 5-1) тармақшасына сәйкес Қазақстан Республикасының Үкіметі ҚАУЛЫ ЕТЕДІ: 

         1. Мыналар:

         1) 2 103 адамға оралмандарды қабылдаудың 2019 жылға арналған өңірлік квотасы;

         2) 7 771 адамға қоныс аударушыларды қабылдаудың 2019 жылға арналған өңірлік квотасы белгіленсін.

        2. Қазақстан Республикасының Еңбек және халықты әлеуметтік қорғау министрлігі 2019 жылғы 1 тамызға және 2020 жылғы 1 ақпанға қарай Қазақстан Республикасының Үкіметіне осы қаулының орындалуы туралы есеп ұсынсын.

         3. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

              Қазақстан Республикасының

                 Премьер-Министрі                                                                   Б. Сағынтаев