ҚҰЛАҚТАНДЫРМАЛАР:

«Мүгедектерді сауықтыру және әлеуметтік нормативтері» сұрақтар-жауаптар

18 жасқа дейін төленетін ақша

Біздің алты баламыз бар.-(көп балалы анаға төленетін),(1 жасқа толғанға дейін берілетін ақшаны есептеп) ,Балаларға 18 жасқа дейін төленетін ақшаны, күйеуімнің зарплатасын қосқанда асып кетеді деп бермей отыр.Сонда 1 жасқа толғанша асыраушыға есептелетін ақша ол бір балаға емес пе?Ал қалған бес баланың өз әлеуметтік жәрдем ақысы неге есептелмейді.Рахмет!

Жауап:

Қолданыстағы заңнамаға сәйкес отбасының орта есеппен жан басына шаққандағы айлық табысы белгіленген азық-түлік себетінің құнынан төмен болған жағдайда 18 жасқа дейінгі балаларға арналған жәрдемақы алуға құқылы. Әр балаға берілетін жәрдемақының мөлшері 1 айлық есептік көрсеткішті немесе 1 618 теңгені құрайды.

Балаларға арналған жәрдемақы алуға үміткер отбасының жиынтық табысын есептеу ережесі бойынша отбасының жиынтық табысын есептеу кезiнде Қазақстан Республикасында және одан тыс жерлерде есептi кезеңде алынған табыстың мынадай барлық түрлерi есепке алынады:

1) еңбекақы, әлеуметтiк төлемдер түрiнде алынатын табыс;

2) кәсiпкерлiк және басқа да қызмет түрлерiнен түсетiн табыс;

3) балаларға және басқа да асырауындағыларға арналған алимент түрiндегi табыс;

4) жеке қосалқы шаруашылықтан - мал мен құс ұстауды, бағбандықты, бақша өсiрудi қамтитын үй жанындағы шаруашылықтан түсетін табыс;

5) өзге де табыс.

Осыған орай, аталған мәселеңіз бойынша толық мәлімет алу үшін, Сізге тұрғылықты жеріңіздегі жұмыспен қамту және әлеуметтік бағдарламалар Басқармасына хабарласуыңызға болады.

Ирахметов С.

Әлеуметтік көмек және мүгедектерді оңалту

9 Сәуір, 2012 - 12:58

Мемлекеттік қарттар мен мүгедектерге арналған медициналық-әлеуметік мекемеде жұмыс жасайтын палаталық-санитарка мен санитарка тазалаушы қандай міндетті жұмыс атқарады?

Мемлекеттік қарттар мен мүгедектерге арналған медициналық-әлеуметік мекемеде жұмыс жасайтын палаталық-санитарка мен санитарка тазалаушы қандай міндетті жұмыс атқарады? Палаталық-санитарка ауыр науқаста жатқан аурудың «суднасын» тазалайды, ал сол бөлменің туалет, ваннасын палаталық-санитарка тазалауға міндетті ме ? Әлде туалет пен ваннаны санитарка-тазалаушы тазалауы керек пе? Жуатын көлеміне қарай жұмыс күндері коридор, баспалдақ, туалет, ванна т.т. санитарка-тазалаушы жуады.

Жауап:

Берілген сұрақ бойынша Сізге "Еңбек төлемақысының әдіснамасы" бөліміне хабарласу қажет.

Әлеуметтік көмек және мүгедектерді оңалту

6 Сәуір, 2012 - 18:43

- Толығырақ оқу

Жаңа туған баланың бір жасқа дейінгі төленетін жәрдемақы

Сәлеметсіздер ме!

Сіздерге қояр сұрағым балаға бір жасқа дейінгі төленетін жәрдемақы жайлы. Заң бойынша ол қалай төленеді? Әйелім 2012 жылы қаңтарда босанды. Бірінші баламыз.

Жауап:

Сәлеметсіз бе!

Бала бір жасқа толғанға дейін оның күтіміне байланысты табысынан айрылған жағдайда төленетін ай сайынғы әлеуметтік төлем (бұдан әрі - ӘТбк) мөлшері бала туылған күнге дейінгі соңғы 24 ай ішінде Мемлекеттік әлеуметтік сақтандыру қорына (бұдан әрі – Қор) жұмыс берушіден түскен әлеуметтік аударымдар (бұдан әрі – ӘА) негізінде (осы кезеңде ӘА үзіліс болуына қарамастан) анықталады. Қордан төленетін ӘТбк бала туылған күнге дейінгі соңғы 24 ай ішінде ай сайынғы ӘА төленген орташа айлық табыстың 40 пайызы мөлшерінде тағайындалады.

Бұл орайда, ӘТбк ең төменгі мөлшері осы тектес мемлекеттік бюджет есебінен жұмыс істемейтін әйелдерге бала санына орай бір жасқа дейінгі бала күтімі үшін төленетін ай сайынғы мемлекеттік жәрдемақыдан кем болмауы тиіс. Сондықтан, ӘТбк ең төменгі мөлшері бірінші балаға – 5,5 айлық есептік көрсеткіш (бұдан әрі – АЕК) немесе 8 899 теңге (2012 жылдың 1-қаңтарынан бастап 1 АЕК мөлшері 1 618 теңгені құрайды) көлемінен төмен болмайды.

Сіздің әйеліңіздің жағдайында, ӘТбк мөлшерін анықтау үшін баланың туылған күніне дейінгі соңғы 24 ай ішіндегі, яғни 2010 жылдың қаңтарынан 2011 жылдың желтоқсанына дейінгі аралықта Қорға ӘА төленген табыстарының жалпы сомасы 24-ке бөлініп, 40 пайызға көбейтілді. Осы аралықта әйеліңіз тек 11 ай жұмыс істегеніне байланысты, яғни міндетті әлеуметтік сақтандыру жүйесіне қатысу өтілінің төмен болуына орай, есептеудің нәтижесі төмен болды. Осыған орай, ӘТбк Қордан бір жасқа дейінгі бала күтімі үшін төленетін мемлекеттік жәрдемақы деңгейінде, яғни 8 899 теңге мөлшерінде тағайындалды.

Міндетті әлеуметтік сақтандыру жүйесі белгілі сақтандыру принциптеріне сәйкес құрылған. Сондықтан Қордан төленетін әлеуметтік төлемдердің сомасы жұмыс берушінің төлеген ӘА сомасы мен өтініш берушінің міндетті әлеуметтік сақтандыру жүйесінде қатысу өтіліне сәйкес анықталады. Осыған орай, Сіздің әйеліңізге Қордан тағайындалған ӘТбк сомасы ҚР міндетті әлеуметтік сақтандыру туралы қолданыстағы заңнамасына сәйкес анықталды.

орынд.: "МӘСҚ" АҚ

Әлеуметтік көмек және мүгедектерді оңалту

5 Сәуір, 2012 - 13:27

- Толығырақ оқу

Қазақстан Әлеуметтік қорғау және жұмыспен қамту министрі Г. Н. Әбдіқалықоваға өтініш.

Менің әкем - Джаныспаев Сапарбек 91 жаста, Алматы облысы, Талғар ауданы, Бесқайнар ауылындағы жалғыз соғыс ардагері. Анам осыдан 12 жыл бұрын қайтыс болған, мен әкемнің жалғыз қызымын, менімен бірге тұрады. 2009 жылы көзі көрмей құлағы естімей және жүрмейді қалды.

Тамақ ішкенде көтеріп апарамыз, моншаға апару тіптен қиын.

Жауап:

Талғар аудандық жұмыспен қамту және әлеуметтік бағдарламалар бөлімінің ақпараты бойынша, Ұлы Отан соғысының (әрі - ҰОС) ардагері Джаныспаев Сапарбек 2011 жылдың 14 желтоқсанынан қол-арба алуға есепте тұр екен және басқадай сұраныстар жасамаған.

Ал, 2011 жылы 9 мамыр айында ҰОС 66 жылдық Жеңіс күнін атап өту мерекесінде Талғар аудандық жұмыспен қамту және әлеуметтік бағдарламалар бөлімінің атынан 3 000 теңге көлемінде сыйақы берілген.

Бүгінгі күні, аз. С. Джаныспаев Бесқайнар селолық округі мамандарының тұрақты назарында.

Орынд. Айдарова Г.

Әлеуметтік көмек және мүгедектерді оңалту

2 Сәуір, 2012 - 22:10

- Толығырақ оқу

№2 тізімге қандай мамандықтар жатады?

Сәлеметсіз бе?

Қазақстан Республикасының 1999 жылғы 13 шілдедегі №414-1 заңының 6 бабының 1-1 тармағында: "Өндірістердің, жұмыстардың, кәсіптердің, лауазымдар мен көрсеткіштердің №2 тізімі бойынша еңбек жағдайлары зиянды және ауыр жұмыстар да 1998 жылғы 1 қарңтардағы жағдай бойынша жұмыс стажы бар азаматтарға жәрдем ақы 8 айлық есептік көрсеткіш мөлшерінде тағайындалады" деп көрсетілген.

Жауап:

Қазақстан Республикасының 1999 жылдың 13 шілдедегі № 414-I (“Жерасты және ашық кен жұмыстарында, еңбек жағдайлары ерекше зиянды және ерекше ауыр жұмыстарда немесе еңбек жағдайлары зиянды және ауыр жұмыстарда істеген адамдарға берілетін мемлекеттік арнайы жәрдемақы туралы”) Заңы негізінде қолданылатын нормативтік-құқықтық акт 1999 жылғы 10 желтоқсандағы № 1930 қабылдынған ҚР Үкіметінің Қаулысы (“Жерасты және ашық кен жұмыстарындағы, еңбек жағдайлары ерекше зиянды және ерекше ауыр жұмыстардағы өндірістердің, жұмыстардың, кәсіптердің, лауазымдар мен көрсеткіштердің № 1 Тізімін және Еңбек жағдайлары зиянды және ауыр жұмыстардағы өндірістердің, жұмыстардың, кәсіптердің, лауазымдар мен көрсеткіштердің № 2 Тізімін бекіту туралы”) болып табылады.

Сіздің (екі рет жолдап отырған) 2-ші тізімге қатысты сауалдарыңызға толық жауап алу үшін (сондай-ақ қажет ететін құжаттар тізімін алу үшін) аумақтық әлеуметтік қорғау органына (Бақылау және әлеуметтік қорғау Департаментіне) немесе жергілікті Зейнетақы төлеу жөніндегі мемлекеттік Орталықтың бөлімшесіне баруыңыз қажет екенін хабарлаймыз.

орын. Омирбекова А.Р.

Әлеуметтік көмек және мүгедектерді оңалту

1 Сәуір, 2012 - 22:35

- Толығырақ оқу

Асыраушысынан айырылған балаларға тағайындалатын жәрдемақы

Саламатсыздар ма?

Ата-анасынан айырылған балаларға тиісті жәрдемақы алу үшін қай жерге жолығып, қандай құжаттар дайындау қажет? Бұған дейін балалар тек асыраушысынан (әкесінің қайтыс болғаны үшін) айырылған ретінде жәрдемақы алып жүрді, өкінішке орай қазір балалар аналарынан дай айырылып қалды.

Аудандық қорғаншылық органы арқылы қорғаншы тағайындалды.

РАХМЕТ!

Жауап:

Асыраушысынан айрылу жағдайы бойынша жәрдемақы (жәрдемақы), асыраушысы қайтыс болған отбасының еңбекке жарамсыз, оның асырауында болған мүшелерiне тағайындалады.

Ал, ата-анасының екеуiнен де айрылған балаларға (тұлдыр жетiмдерге) жәрдемақылар олардың заңды өкiлiне (асырап алушыға, қамқоршысына) тағайындалып төленедi.

Бұл жәрдемақыға құқы бар азаматтар талап етілген құжаттарымен қоса тұрғылықты жері бойынша мемлекеттік зейнетақы төлеу орталығына өтініш берулері қажет.

Жәрдемақы тағайындау үшін талап етілетін құжаттар:

1) жеке басын куәландыратын құжаттың көшiрмесi;

2) тұрақты тұратын жерi бойынша тiркелгенiн растайтын құжат ;

3) зейнетақы мен жәрдемақы беру жөнiндегi уәкiлеттi ұйымдағы банктiк шотының нөмiрi туралы мәлiметтер;

4) асыраушысының қайтыс болғаны туралы куәлiктiң көшiрмесi;

5) қайтыс болған адаммен туыстық қатынастарын растайтын құжаттың көшiрмесi;

6) қамқоршылықты (қорғаншылықты) растайтын құжаттың көшiрмесi;

7) 18 бен 23 жас аралығындағы балаларға күндiзгi оқу бөлiмiнiң оқушылары болып табылатыны туралы оқу орнының анықтамасы.

Сарапшы Айтанаева С.Е.

Әлеуметтік көмек және мүгедектерді оңалту

5 Наурыз, 2012 - 12:02

Жеке қожалыққа электр желісін тарттыру

Саламатсызба, құрметті Гүлшада Наушақызы.

Жауап:

Бұл сұрақ бойынша, осы сайттағы "Еңбек және халықты жұмыспен қамту" бөліміне хабарласуыңыз қажет.

Әлеуметтік көмек және мүгедектерді оңалту

25 Ақпан, 2012 - 16:16

- Толығырақ оқу

жүктi болғанда және босанғанда берiлетiн әлеуметтiк жәрдемақылар жөнінде

мен 2010 жылдың тамыз айынан бастап жүктілік және босануға байланысты демалысқа шықтым. Қыркүйектің 7 күні қызым 1 жасқа толды, бірақ мен сол айдан бастап екінші рет жүкті болдым. 1 қазаннан бастап басқа мекемеге жұмысқа тұрдым.

Қоятын сұрағым:

осы жолы жүктілік және босануға байланысты демалысқа шығатын кезімде әлеуметтік төлемдерім қалай есептеледі, себебі менің жұмыс істеген мерзімім 12 ай емес, бірақ мен бала күтіміне байланысты демалыста болдым ғой.

Жауап:

Мемлекеттік әлеуметтік сақтандыру қорынан (бұдан әрі – Қор) төленетін жүктілігі және босануына байланысты бір реттік әлеуметтік төлемді (бұдан әрі - ӘТжб) тағайындауға жұмыс берушісі ай сайынғы әлеуметтік аударымдарды жүргізген еңбек шарты негізінде жұмыс істейтін әйел өтініш білдіре алады.

ӘТжб мөлшері жүктіліктің 30 аптасынан бастап берілетін жүктілік пен босану бойынша уакытша еңбекке жарамсыздық қағазы (бұдан әрі – науқастың парағы) берілген күнге дейінгі соңғы 12 ай ішінде Қорға жұмыс берушіден ай сайын түскен әлеуметтік аударымдардың негізінде анықталады. Міндетті әлеуметтік сақтандыру жүйесіне қатысушыға әлеуметтік аударымдар он екі айға жетпейтін мерзімге аударылған болса, табыстың орташа айлық мөлшері әлеуметтік аударымдар жүргізілген табыс сомасын Қорға әлеуметтік аударымдар түскен айдың санына бөлу жолымен анықталады. Демек, қолданыстағы заңнамаға сәйкес, ӘТжб тағайындау кезінде Сіздің орташа айлық табысыңыз кезекті науқастық парағын алған уақытқа дейін жұмыс істеген уақытыңызға және Қорға нақты түскен әлеуметтік аударымдар сомаларына сәйкес анықталады.

орынд: МӘСҚ

Әлеуметтік көмек және мүгедектерді оңалту

14 Желтоқсан, 2011 - 20:59

ҰОС ардагері 1 топтағы мүгедек 95 жастағы азаматты күтіп бағушы азаматшаға тағайындалатын еңбекақы мөлшері қандай

Құрметті Гүлшара Наушақызы! Менің 1917жылы 9-шы мамыр айында туылған, ҰОС ардагері 1 топтағы мүгедек қайын атамды бағып күтуіме байланысты маған еңбек ақы төленеме? Менің жасым 48-де, пенсияға шығуыма 10 жыл бар, бірақ қазіргі уақытта жұмыссызбын. Зейнетақы қорына ешқандай жарна құйып жатқан жоқпын. Мені мазалайтын бір сұрақ, бұл кісінің келіні қайтыс болған соң, мен осыдан 5 жыл бұрын осы кісінің үлкен баласына тұрмысқа шықтым. Атам қазір біздің қамқорлығымызда. Бұған дейін менің шағын тігін цехым болған. Қазір жұмыс істеп тұрған жоқ. Тек атаның зейнетақысымен күн коріп отырмыз.

Жауап:

I топтағы мүгедекке күтім жасаған үшін төлем ақы қолданыстағы заң нормалары бойынша көзделмеген.

Заң нормалары бойынша әйелдерге 58 жасқа толғанда 1998 жылдың 1 қаңтарына 20 жыл керекті еңбек өтілі болған жағдайда зейнетақы тағайындалады. Зейнетақы мөлшерін есептеу үшін жүмыста болған үзілістірге қарамастан, 1995 жылдан бергі уақыт аралығынан, қатарынан кез келген 3 жыл жқмыс үшін орташа табыс айлық ескеріледі. Бұл орайда табысы туралы анықтама болмаған жағдайда тиісті толық еңбек өтілі болуына байланысты төмен мөлшердегі зейнетақы тағайындалатын болады(9,13бап).

Ал тиісті 20 жыл еңбек өтілі болмаған жағдайда толық емес көлемдегі жасына байланысты зейнетақы толық зейнетақыдан 1998 жылғы 1 қаңтарында болған еңбек өтіліне пропорциялы үлес ретінде есептеледі.

Сонымен қатар, қолданыстағы заңнамаға сәйкес облыстардың, Алматы, Астана қалаларының әкімдеріне, меншік нысанына қарамастан ұйымдардың, қоғамдық бірлестіктердің басшыларына өз құқығы мен құзыры шегінде соғысқа қатысушылар мен соғыс мүгедектеріне және оларға теңестірілген адамдарға, тыл еңбеккерлеріне, басқа да әлеуметтік қорғауға мұқтаж азаматтарға әлеуметтік қолдау жөнінде қосымша шараларды белгілеу құқығы берілгендігін қосымша хабарлаймыз.

Халықты жұмыспен қамту туралы – 2020 жылдарға арналған Бағдарлама бойынша қаралған жұмыспен қамту; кәсіпкерлікке қайта оқытып даярлау немесе өз ісін жүргізу үшін берілетін несие жөніндегі сұрақтарыңызға толық жауапты жергілікті жердегі жұмыспен қамту және әлеуметтік бағдарламалар бөлімінен алуыңызға болады.

Суханова К

Әлеуметтік көмек және мүгедектерді оңалту

29 Қырқүйек, 2011 - 21:20

- Толығырақ оқу

Гигиеналық жабдықтармен қамту

Құрметті Гүлшара Наушақызы, сізге хат жазуға мәжбүрлеген мына бір жәйт: 1 топтағы мүгедекпін, жыл сайын мемлекет тарапынан уақтылы гигиеналық жабдықтар (памперстер) алып тұратынмын, өкінішке орай биыл міне жарты жылдан асты Шығыс Қазақстан облысы Өскемен қалалық әлеуметтік қорғау департаменті сол памперстерді мүгедектерге бере алмай отыр, тіптен қашан берілетіні туралы нақты ақпарат айта алмайды, памперсті аптекалардан алуға мәжбүр болып отырмыз, бір қорабының бағасы 5500 теңге 7-8 күнге ғана жетеді, 24 400 теңге зейнетақым бұндай шығынды мүлдем көтере алмайды, көптеген мүгедек ада

Жауап:

«Мүгедектерді оңалтудың кейбір мәселелері туралы»Қазақстан Республикасы Үкіметінің Қаулысына сәйкес (бұдан әрі - Қаулы) мүгедектерді міндетті гигиеналық құралдармен қамтамасыз ету медициналық көрсетімдер бойынша мүгедекті оңалтудың жеке бағдарламасы негізінде жүзеге асырылады.

Аталған Қаулыға сәйкес табиғи физиологиялық мұқтаждар мен қажеттілiктердi қанағаттандыруға арналған мiндетті гигиеналық құралдар мүгедектерге бiр жылға белгіленген мөлшерде берiледі.

Сондықтан, міндетті гигиеналық құралдар мүгедектерге жергілікті атқарушы органдардың бюджеті есебінен жүргізіледі.

Сонымен қатар, Сіздің өтінішіңіздің негізінде Шығыс Қазақстан облысының жұмыспен қамтуды үйлестіру және әлеуметтік бағдарламалар басқармасына (бұдан әрі - Басқарма)мүгедектерді міндетті әлеуметтік құралдармен қамтамасыз ету туралы сұраныс хат жолданды.

Осыған байланысты, Басқарманың мәліметіне сәйкес мүгедектерге арналған мiндетті гигиеналық құралдарды мемлекеттік сатып алу конкурсының қайталап өткізілген қорытындысы бойынша 2011 жылдың қыркүйек айынан бастап жөргектерді ұсыну қарастырылған.

Осыған орай, Сізге тұрғылықты жеріңіз бойынша Өскемен қалалық жұмыспен қамту және әлеуметтік бағдарламалар бөліміне хабарласуыңызға болады.

орынд. Бақылау және әлеуметтік қорғау комитетінің эксперті

Көшкімбекова Раушан Жанабайқызы