Қазақстан Республикасының «Қазақстан Республикасындағы арнаулы мемлекеттік жәрдемақы туралы» Заңының 3-бабына сәйкес бір уақытта бірнеше негіздемелер бойынша жәрдемақы алуға құқығы бар адамдарға жәрдемақы олардың қалауы бойынша тек бір негіздеме бойынша ғана төленеді.

Сол себептен Сізге, «Күміс алқа» белгісімен марапатталған көп балалы ана ретінде, 9 888 теңге көлемінде арнаулы мемлекеттік жәрдемақы тиімді нұсқа ретінде тағайындалып төленуде.

исп. Кокушева Ж.

2010 жылдан бастап «Күміс алқа» алқасымен алты бала туған және тәрбиелеп  өсірген аналар, алтыншы балалары бір жасқа жеткен және басқа балалары тірі болған кезде наградталады. (негіз: «Қазақстан Республикасының мемлекеттік наградалар туралы» ҚР 1995 жылғы 12 желтоқсандағы № 2676 Заңы).

Жоғарыда аталған заңнамаға сәйкес мемлекеттік наградалармен наградтауға ұсыныстарды жергілікті атқарушы органдар енгізеді.

Орынд. Г. Айдарова

Зейнетақы мөлшерін арттыру Қазақстан Республикасында қолданылып жүрген зейнетақымен қамсыздандыру  жөніндегі заң негіздері бойынша жыл сайын  Қазақстан Республикасы Үкіметі белгілейтін тәртіппен жүргізіледі.

Сонымен қатар, зейнетақы мөлшерін белгілеу азаматтардың еңбек өтілі мен табыс мөлшеріне қарай жүргізіледі.

Қазақстан Республикасы Президентінің 2007 жылғы 28 ақпандағы Қазақстан халқына Жолдауына сәйкес 2008 жылғы 1 қаңтардан зейнетақы төлемдерінің арттыруы келесі тәртіппен жүргізілді:

1) зейнетақы төлемдерін есептеу үшін 25 айлық есептік көрсеткішке шектеліп ескерілетін табысқа негізделіп;

2) егер зейнетақы төлемін жоғары айтылған нұсқаға сәйкес есептеген кезде арттырылған зейнетақы мөлшері алып  отырған мөлшерден аз болып шықса, зейнетақы мөлшері 9 пайызға арттырылды.

Зейнетақыны арттыруда табыстың жоғарғы шегінен басқа барлық мәліметтер зейнетақы іс - құжатынан өзгеріссіз алынды. Бұл орайда зейнетақының артуы зейнеткердің атқарған кәсібіне немесе лауазымына байланысты болмайды. Тиісінше, зейнетақының артуы барлығына бірдей емес, әркімге жеке жүргізілді.

Зейнеткерлік іс-қағаздарындағы құжаттар бойынша Сізге зейнетақы 1990  жылдың мамыр айынан  жалпы 25 жыл еңбек өтіліңіз   бойынша  және орташа айлық табысыңыз 235,91 сом есебінен  тағайындалған.

2008 жылы Сіздің әлеуметтік төлеміңіз 9 пайызға арттырылып  23 527 теңгені құраған ( зейнетақы төлемі – 14161 теңге, базалық зейнетақы төлемі –  4810  теңге және   арнай мемлекеттік жәрдемақы – 4556 теңге).

Бүгінгі күні Сіздің әлеуметтік төлемдердің мөлшері   51 218 теңгені құрап отыр (зейнетақы төлемі – 32610  теңге,  базалық зейнетақы төлемі – 8720 теңге және  арнай мемлекеттік жәрдемақы –9888 теңге).

Сіздің зейнетақыңызды есептеуде қолданыстағы зейнетақылық заң нормаларының барлық шарттары мен талаптары сақталған.

Ә. Аюпова.

Жүктілігі және босануына байланысты бір реттік әлеуметтік төлем (бұдан әрі - ӘТжб) Мемлекеттік әлеуметтік сақтандыру қорынан (бұдан әрі – Қор) тағайындалады. ӘТжб мөлшері жүктілігі және босануы бойынша уақытша еңбекке жарамсыздық парағы (бұдан әрі - науқастық парақ) берілген күнге дейінгі соңғы 12 ай ішінде Сіздің атыңызға жұмыс берушіңізден Қорға түскен ай сайынғы әлеуметтік аударымдардың негізінде есептеледі.

Бұл орайда, ӘТжб науқастық парағы берілген күнге дейінгі соңғы 12 ай ішінде Қорға әлеуметтік аударымдар төленген орташа айлық табыстың мөлшерін тиісті коэффициентке көбейту жолымен анықталады. Сіздің жағдайда, табыстың орташа айлық мөлшері әлеуметтік аударымдар жүргізілген табыс сомасын Қорға әлеуметтік аударымдар түскен айдың санына бөлу жолымен анықталады. Егер Сіз ӘТжб тағайындау үшін тұрғылықты жеріңіз бойынша Зейнетақы төлеу жөніндегі мемлекеттік орталықтың бөлімшесіне өтініш берген күні 2012 жылдың қаңтары үшін Қорға әлеуметтік аударымдар түскен болса, онда ӘТжб есептеу кезінде 2011 жылдың қыркүйегінен 2012 жылдың қаңтары аралығындағы әлеуметтік аударымдар төленген табыстарыңыз ескеріледі.

Егер 2012 жылдың қаңтары үшін Қорға әлеуметтік аударымдар түспеген болса, ӘТжб есептеу кезінде 2011 жылдың қыркүйегінен желтоқсанына дейінгі аралықта әлеуметтік аударымдар төленген табыстарыңыз ескеріледі.

Ал коэффициент науқастық парағы берілген күндерге сәйкес анықталады, мәселен 126 күнге берілсе – 4,2, 140 күнге – 4,7, 170 күнге – 5,7, 184 күнге – 6,2 қолданылады.

Егер Сіз бен жұмыс берушінің арасында еңбек шарты жасалған және онда ақы мөлшері нақтыланған болса, онда Сіз жұмыс істеген кезеңдеріңіздің ақысын және олардан тиісті салықтар мен міндетті аударымдардың жасалуын талап етуіңізге болады. Сондай-ақ, жұмыс беруші қолданыстағы заңнама талаптарын өздігінен орындамаған жағдайда, салықтар мен міндетті аударымдардың толық төленуіне салық органдары арқылы қол жеткізуіңізге болады.

Айта кететін жәйт, Қорға нақты түскен әлеуметтік аударымдар туралы ақпаратты тұрғылықты жеріңіз бойынша Зейнетақы төлеу жөніндегі мемлекеттік орталықтың бөлімшесінен алуыңызға болады.

орынд. МӘСҚ АҚ