You are here

«Зейнетақы және әлеуметтік қамсыздандыру» сұрақтар-жауаптар

Сәлеметсіз бе! Мен 2017жылдың 01 шілдесінде 2-ші баламды босандым. Босанғанға дейін жұмыс жасаған болатынмын. Қәзір балама алатын зейнетақым 15 412 тг. құрайды. Босанғанға дейінгі соңғы 24 айдағы айлық көрсеткішім 1 008 475тг, орташа айлық көрсеткішім (1 008 475 / 24= 42 019тг.) құрайды. Ендігі сұрағым, маған осы орташа айлық көрсеткішімнің 40 % неге қосылмайды? әлде есептелуі дұрыс па? Менің түсінбеген тұстарым бар ма? Осыны толықтай түсіндіріп есептеп беруіңізді сұраймын. Алдын ала рақмет!!!

Жауап: 

Құрметті Разия Рашитқызы!

«Міндетті әлеуметтік сақтандыру туралы» Қазақстан Республикасының Заңына (бұдан әрі – Заң) сәйкес бала бір жасқа толғанға дейін оның күтiмiне байланысты табысынан айырылған жағдайда төленетін әлеуметтік төлем (бұдан әрі – ӘТбк) мiндеттi әлеуметтік сақтандыру жүйесінің өзі үшін әлеуметтік аударымдар жүргiзiлген және Мемлекеттік әлеуметтік сақтандыру қорынан төленетін әлеуметтік төлемдер алуға құқығы бар қатысушысына тағайындалады.

ӘТбк табыстың орташа айлық мөлшерін табысты ауыстыру коэффициентіне көбейту арқылы айқындалады.

Әлеуметтік аударымдарды есептеу объектісі ретінде ескерілген табыстың орташа айлық мөлшері әлеуметтік төлемге құқық басталған айдың алдындағы соңғы 24 ай ішінде әлеуметтік аударымдар жүргізілген (осы кезеңде әлеуметтік аударымдарда үзілістердің болу-болмауына қарамастан) табыстар сомасын 24 бөлу арқылы айқындалады.

Табысты ауыстыру коэффициенті 0,4 болады.

Бұл ретте, ӘТбк ең жоғары мөлшері республикалық бюджет туралы заңда белгіленген ең төмен жалақының он еселенген мөлшерінің қырық пайызынан аспауға, ал әлеуметтік төлемнің ең төмен мөлшері бала бір жасқа толғанға дейін оның күтіміне байланысты берілетін ай сайынғы мемлекеттік жәрдемақы мөлшерінен кем болмауға тиіс.

ӘТбк мөлшері әлеуметтік аударымдарды есептеу объектісі ретінде ескерілген табыстың орташа айлық мөлшерін табысты ауыстыру коэффициентіне көбейту арқылы мынадай формула бойынша айқындалады:

ӘТбк = ОАТ х ТАК, мұндағы:

ӘТбк – бала бір жасқа толғанға дейін оның күтіміне байланысты табысынан айырылған жағдайда төленетін әлеуметтік төлем;

ОАТ – ол үшін әлеуметтік аударымдар жүргізілген міндетті әлеуметтік сақтандыру жүйесіне қатысушының орташа айлық табысы;

ТАК – табысты ауыстыру коэффициенті.

Әлеуметтік төлемнің ең төмен мөлшері бала бір жасқа толғанға дейін оның күтіміне байланысты берілетін ай сайынғы мемлекеттік жәрдемақы мөлшерінен кем болмауын ескере отырып (екінші балаға – 6,81 айлық есептік көрсеткіш немесе 15 452 теңге), Сізге «Мемлекеттік әлеуметтік сақтандыру қоры» АҚ-нан ӘТбк 17 169 теңге сомасында тағайындалды.

Сонымен қатар, әлеуметтік төлем сомасынан Қазақстан Республикасының зейнетақымен қамсыздандыру туралы заңнамасына сәйкес міндетті зейнетақы жарналары ұсталып қалады және бірыңғай жинақтаушы зейнетақы қорына жіберіледі.

2017 жылдың 29 мамырында мемлекеттік әлеуметтік сараптамадан (қайта өту) өттім.Арада 7 жүмыс күні өтті,egov.kz сайты арқылы күнделікті қарап отырмын,маған осы уақытқа дейін Әлеуметтік жәрдемақы,арнаулы мемлекеттік жәрдемақы,жалпы еңбек ету қабылетінен айырулына (УОТ) байланысты тиісті әлеуметтік төлемақы сомасы тағайындалған жоқ.Сақтандыру компаниясы осы аталған құжаттардың жоқтығын желеу етіп ,тиісті төлемдерді тоқтатып тастайды ма деп алаңдаймын.1411 тел.арқылы сұрағанымда әлі бізге тиісті құжаттар түскен жоқ-деді

Жауап: 

Сәлеметсіз бе, құрметті Мейрам!

 

Медициналық-әлеуметтік сараптамадан қайта өткен анықтамаңыздың негізінде Сізге анықтамада белгіленген мерзімге, яғни  2017 жылдың 16 мамырынан 2018 жылдың 29 мамырына дейінгі аралыққа мүгедектікке байланысты мемлекеттік әлеуметтік және арнаулы мемлекеттік жәрдемақылар тағайындалды.

Сондай-ақ, еңбек ету қабілетінен айрылған жағдайда төленетін әлеуметтік төлем де осы аралыққа тағайындалып, ағымдағы жылдың шілде айының қажеттілігіне қосылғанын, сонымен қатар, Сізге тиісті төлемдердің тоқтатылмайтындығын хабарлаймыз.

Сұрақтың нөмірі: 344732
12 маусым, 2017 - 14:41 өзгертілді

Сәлеметсіз бе! Менің әйелім Ермұханова Күлшат Сарықызы (ЖСН 640413400074) 5бала туып өсіріп,жасы 53 ке толуы себепті зейнетақы тағайындалды.Атырау қаласындағы №2 ХҚКО барып зейнетақы мөлшерін білу үшін сұрағанымызда ,зейнет кітапшасын көрсетіп,анда бәрі жазулы-деп қысқа жауап берді.Ол жердегі жазуды біз емес,жазған өзі де түсінбейтініне сенімдімін.

Жауап: 

Сәлеметсіз бе, құрметті Мейрам!

 

Қолданыстағы зейнетақы заңнамалары нормаларына сәйкес зейнеткерлердің зейнетақысын есептеуде негізгі көрсеткіштер азаматтардың зейнетақы есебі үшін негізгі көрсеткіштер еңбек өтілі (1998 жылғы 1 қаңтарға дейін) мен тапсырған табыс мөлшері (1995 жылғы 1 қаңтардан бастап) болып табылады.

Зейнетақы төлемдері толық емес көлемде, 1998 жылғы 1 қаңтардағы жағдай бойынша кемінде алты ай еңбек өтілінің болуына қарай тағайындалады және мөлшері толық көлемдегі зейнетақы төлемінен ұсынылған еңбек өтіліне пропорционалды түрде есептеледi.

К.С. Ермұханованың зейнеткерлік іс-құжаттарын талдау нәтижесінде, зейнетақы заңнамасына (5 және одан көп бала туған және оларды сегіз жасқа дейін тәрбиелеген әйелдерге) сәйкес, 2017 жылғы 13 сәуірден бастап зейнетақы төлемі 13 жыл 2 ай еңбек өтіліңіз және 36 172,50 теңге мөлшеріндегі орташа табысыңыздың есебінен толық емес көлемде зейнетақы төлемі тағайындалды.

Әлеуметтік төлемдеріңіздің жалпы мөлшері 31 333 теңгені (зейнетақы төлемі –18 531 теңге, базалық зейнетақы төлемі – 12 802 теңге ) құрайды, сәуір және мамыр айының зейнетақы мөлшерлері ағымдағы жылдың мамыр айының қажеттілігіне қосылды.

Осымен қатар, «Азаматтарға арналған үкімет» мемлекеттік корпорациясы» коммерциялық емес акционерлік қоғамының филиалы «Әлеуметтік төлемдерді ведомствоаралық есептеу орталығы» дирекциясына Атырау қаласындағы №2 ХҚКО-ның мемлекеттік қызметтер көрсету сапасы туралы хат жолданды.

 

 

орын.  М.Исмагулова

Сұрақтың нөмірі: 344097
20 сәуір, 2017 - 17:35 өзгертілді

Құрметті Тамара Дүйсенова!

Жауап: 

Салеметсіз бе!

Қолданыстағы заңнамаларға сәйкес, зейнетақы тағайындау кезінде ұсынатын еңбек өтілі мен (еңбек өтілі тек қана 1998 жылы 1 қаңтарға дейін есепке алынады) 1995 жылғы 1 қаңтардан бастап (зейнеткерлік жасқа толғанға дейін) жұмыстағы үзiлiстерге қарамастан, қатарынан кез келген үш жыл iшiндегi орташа айлық табысын негізге ала отырып жүзеге асырылады.

Зейнетақы мөлшерлерін қайта қарау үшін Сіз тек зейнетақыны тағайындауда бұрын ұсынылған құжаттарыңызды толықтыратын еңбек өтілі мен табысы туралы құжаттарды тапсырған жағдайда ғана мүмкін.

Осыған орай, зейнетақыңызды қайта қарау үшiн, 1998 жылдан бастап еңбек өтіліңізді және зейнеткерлік жасыңызға толғаннан кейін жұмыс істеген кезеңдегі табыс туралы мәліметтерді алуға құқық негіздер жоқ.

Айта кететін жайт, 2018 жылғы шілде айынан бастап зейнетақымен қамсыздандырудың ынтымақты, сол сияқты жинақтаушы жүйелеріне қатысу өтілін ескере отырып, мемлекеттік базалық зейнетақыны қайта есептеу жүргізілетін болады.

Мысалы, зейнетақы жүйесіне қатысу өтілі он жыл және одан аз болған не болмаған кезде тиісті қаржы жылына арналған республикалық бюджет туралы заңда белгіленген ең төмен күнкөріс деңгейі шамасының 50 пайызы мөлшерінде, зейнетақы жүйесіне қатысу өтілі он жылдан артық әрбір толық жыл үшін оның мөлшері 2 пайызға арттырыла отырып, бірақ тиісті қаржы жылына арналған республикалық бюджет туралы заңда белгіленген ең төмен күнкөріс деңгейі шамасының 100 пайызынан аспайтын мөлшерде берілуі қарастырылып отыр.

орын. Кокушева Ж.

Сұрақтың нөмірі: 343576
27 ақпан, 2017 - 15:51 өзгертілді

Саламатсызба! Мен сізден өтініп сұрайтыным, менің  зейнетақым өте аз, қазір жасым 65 те, 43 мың теңге аламын. Мен 5 баламен пенсияға шыққанмын, мен 60 жасқа келгенше медбике қызметін атқардым 38 жыл жұмыс өтілім бар, Осыны ескере келе менің жұмыс өтілім және 60 келгенше тапқан жалақым зейнетақыма қосылады ма екен?!

Қызылорда қаласының тұрғыны Сақтағанова Қалдыгүлден!

Жауап: 

Салеметсіз бе!

Қолданыстағы заңнамаларға сәйкес, зейнетақы тағайындау кезінде ұсынатын еңбек өтілі мен (еңбек өтілі тек қана 1998 жылы 1 қаңтарға дейін есепке алынады) 1995 жылғы 1 қаңтардан бастап (зейнеткерлік жасқа толғанға дейін) жұмыстағы үзiлiстерге қарамастан, қатарынан кез келген үш жыл iшiндегi орташа айлық табысын негізге ала отырып жүзеге асырылады.

Зейнетақы мөлшерлерін қайта қарау үшін Сіз тек зейнетақыны тағайындауда бұрын ұсынылған құжаттарыңызды толықтыратын еңбек өтілі мен табысы туралы құжаттарды тапсырған жағдайда ғана мүмкін.

Осыған орай, зейнетақыңызды қайта қарау үшiн, 1998 жылдан бастап еңбек өтіліңізді және зейнеткерлік жасыңызға толғаннан кейін жұмыс істеген кезеңдегі табыс туралы мәліметтерді алуға құқық негіздер жоқ.

Айта кететін жайт, 2018 жылғы шілде айынан бастап зейнетақымен қамсыздандырудың ынтымақты, сол сияқты жинақтаушы жүйелеріне қатысу өтілін ескере отырып, мемлекеттік базалық зейнетақыны қайта есептеу жүргізілетін болады.

Мысалы, зейнетақы жүйесіне қатысу өтілі он жыл және одан аз болған не болмаған кезде тиісті қаржы жылына арналған республикалық бюджет туралы заңда белгіленген ең төмен күнкөріс деңгейі шамасының 50 пайызы мөлшерінде, зейнетақы жүйесіне қатысу өтілі он жылдан артық әрбір толық жыл үшін оның мөлшері 2 пайызға арттырыла отырып, бірақ тиісті қаржы жылына арналған республикалық бюджет туралы заңда белгіленген ең төмен күнкөріс деңгейі шамасының 100 пайызынан аспайтын мөлшерде берілуі қарастырылып отыр.

орын. Кокушева Ж.

Сұрақтың нөмірі: 343522
27 ақпан, 2017 - 15:52 өзгертілді

Салеметсіздерме. Мен Кызылорда қаласының тұрғынымын. Жүктілік пен босануға жумысқа жарамсыздық парағын беру тәртібі жайында сұрағым.

Мен екі жұмыс орнында жұмыс жасаймын қазіргі таңда 30 апта жүктілік мерзімім. Тұрғылықты мекен жайым бойынша емханадан еңбекке жарамсыздық парағы екі жұмыс орнына бөлек бөлек берілеме немесе бір еңбекке жарамсыздық парағына екі жұмыс орнының атауы жазыладыма?

Жауап: 

Құрметті , АлияСайлаубайқызы!

 

         Сіздің өтінішіңізді мұқият қарап, келесіні хабарлаймыз.

         Жүктілікке және босануға байланысты табысынан айырылған жағдайларда төленетін әлеуметтік төлем(әрі қарай – әлеуметтік төлем) денсаулық сақтау саласындағы уәкілетті мемлекеттік орган белгілеген тәртіппен берілген еңбекке уақытша жарамсыздық парағында көрсетілген бүкіл кезеңге тағайындалады.

         Егер адам бірнеше жұмыс берушіде жұмыс істейтін болса еңбекке уақытша жарамсыздық парағы бір жұмыс орны бойынша беріледі, адамның басқа жұмыс орындарына медициналық ұйым басшысы бекіткен және медициналық ұйымның мөрі қойылған еңбекке уақытша жарамсыздық парағының көшірмелері беріледі.

         Қазіргі таңда, Сізге 2017 жылғы 1 ақпаннан бастап 2017 жылғы 6 маусымға дейінгі кезеңге әлеуметтік төлем тағайындалған. Аталған төлем ақпан айында қаржыландырылады.

         Исполнитель: Шенеева А.М.,

Сұрақтың нөмірі: 343255
9 ақпан, 2017 - 19:16 өзгертілді

Денсаулық сақтау және әлеуметтік даму министрі Тамара Дүйсенова ханымға. Сіз 5 қазан күні телевизордан берген сұқпатыңызда менің зейнетақы жөнінде берген сұрағыма, 9918 тенгемен есептелмейді, 11000 тенгемен есептелуі керек, бұл жерде бір кілтипан бар мен тексеремін деп уәде берген , Ерғазы ағайға көмектесемін деген едіңіз,  содан толық жауап келген жоқ

Жауап: 

Саламатсыз ба, Ерғазы ағай!

 

Зейнеткерлердің зейнетақысын тағайындауда және оған арттыруларды есептеуде қолданыстағы зейнетақы заңнамалары нормаларының барлық шарттары мен талаптары сақталады және барлығына бірдей белгіленген тәртіппен жүргізіледі (“Қазақстан Республикасында зейнетақымен қамсыздандыру туралы” ҚР Заңы (бұдан әрі – Заң)).

Бұл ретте негізгі көрсеткіштер азаматтардың зейнетақы есебі үшін тапсырған табыс мөлшері  мен еңбек өтілі болып табылады. 

Зейнеткерлік іс-құжаттарыңызды талдау нәтижесінде, Сізге зейнетақы төлемі 2003 жылғы 5 тамыздан бастап 37 жыл 10 ай еңбек өтіліңіз және 18 154,86 теңге мөлшеріндегі орташа табысыңыздың (01.01.2000ж.-31.12.2002ж. аралығы) есебінен тағайындалған.

Заңнамаға сай зейнетақы мөлшеріне ұсынған Сіздің орташа айлық табысыңыздың төмен деңгейі зейнетақы мөлшеріне әсер еткен.

Бүгінгі таңда, әлеуметтік төлемдеріңіздің жалпы мөлшері 58 188 теңгені құрайды (зейнетақы төлемі –46 223 теңге, базалық зейнетақы төлемі – 11 965 теңге).

Бас сарапшы М.Исмагулова 

Сұрақтың нөмірі: 341504
29 қараша, 2016 - 11:39 өзгертілді

Тамара Дүйсенова ханымға, Қарағанды облысы Ұлытау ауданы Егінді ауылынан 1940 жылы туған Толысбаев Ерғазыдан, 2016 ж 7-қыркүйекте тікелей телеарнадан берген сұхбаттыңызда зейнетақы жөнінде қойған сұрағыма толық жауап ала-алмай отырмын.

Жауап: 

Қазақстан Республикасында зейнетақымен қамсыздандыру азаматтардың барлық санаттарына зейнетақымен қамсыздандырылуға тең құқық беруге негізделген Қазақстан Республикасының «Қазақстан Республикасында зейнетақымен қамсыздандыру туралы» Заңына (бұдан әрі – Заң) сәйкес жүзеге асырылады.

Сонымен бірге, барлық зейнетақы алушылар үшін бірыңғай зейнетақылық төлемдерді тағайындау және арттыру тәртібі қолданылады.

Зейнетақы мөлшерін белгілеу азаматтардың еңбек өтілі мен табыс мөлшеріне қарай жүзеге асырылады. Сондай ақ, зейнетақы мөлшерін арттыру зейнетақы ісіндегі құжаттарға сәйкес жүргізіледі.

Зейнеткерлік іс-құжатыңыз бойынша зейнетақы төлеміңіздің тағайындалуы мен төленуінің дұрыстығына тексеру жүргізілді.

Сізге қолданыстағы заң нормаларына сәйкес жасыңызға байланысты зейнетақы мөлшері 2003 жылдың тамызынан бастап 37 жыл еңбек өтіліңіз үшін және 18 154,86 теңге орташа айлық табысыңыз есебінен тағайындалған.

Мұнда азаматтың атқарған қызметі және жұмысының шарттары зейнетақы мөлшерінің арттырылуы мамандығына немесе атқарған қызметіне тәуелді емес.

Сонымен қатар, әлеуметтік төлемдеріңіздің мөлшері Қазақстан Республикасының Үкіметі белгілеген тәртіппен жыл сайын арттырылып отырды.

Бүгінгі таңда, Сіздің әлеуметтік төлемдеріңіздің мөлшері 58 188 теңгені құрайды (зейнетақы мөлшері – 46 223 теңге; базалық зейнетақы төлемі –11 965 теңге).

Зейнетақы төлемдеріңіздің мөлшері қолданыстағы заң нормаларына сәйкес тағайындалып төленуде.

Алайда, қазіргі уақытта Сіздің зейнетақы мөлшеріңізді қайта қараудың заңды негізі қарастырылмағандығын қосымша хабарлаймыз.

Орынд: ЕӘҚКК сарапшысы Аюпова

Сұрақтың нөмірі: 339837
7 қазан, 2016 - 18:25 өзгертілді

Сәлеметсіз бе! Зиянды немесе өте зиянды жерде жұмыс жасағаны үшін 5% мекеме төлейтін зейнет ақы қоры туралы анықтап берсеңіз!

Жауап: 

Cәлеметсіз бе,!

Сіз қойып отырған сұрақ бойнша ақпаратты алу үшін «Еңбек құқығы мәселелері » айдарында сұрақ қоюыңыз қажет.

Құрметті Қазақстан Республикасының Денсаулық сақтау және әлеуметтік даму министрлігінің сарапшы мамандары!

 

Жауап: 

Министрлікпен облыстардың, Алматы және Астана қалаларының жұмыспен қамтуды үйлестіру және әлеуметтік бағдарламалар басқармаларына медициналық-әлеуметтік мекеменің қолма-қол ақшаны уақытша орналастырудың бақылау шоттарындағы зейнетақы төлемдері мен жәрдемақы есебінен МӘМ мемлекеттік сатып алуды веб-портал арқылы іске асыру тетігіне қатысты хат (түсіндірме) 2016 жылғы 7 маусымдағы               № 14-1-24/3689-и шығыс нөмерімен жолданған болатын.

Осыған орай, көтеріп отырған сауалыңызға толық жауап алу үшін Сізге Жамбыл облысының жұмыспен қамтуды үйлестіру және әлеуметтік бағдарламалар басқармасына жүгіну қажет.

орын. сарапшы С.Ирахметов

Сұрақтың нөмірі: 338340
8 тамыз, 2016 - 10:19 өзгертілді

Беттер

ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
ҚР әлеуметтік қызметкерлерінің форумы
Әлеуметтік қызмет көрсету жүйесін одан әрі жаңғырту тұжырымдамасы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші