ҚҰЛАҚТАНДЫРМАЛАР:

«Еңбекақы төлеу әдіснамасы» сұрақтар-жауаптар

Қысқа мерзімді курсқа лицензияны қайдан аламын?

Саламатсыз ба Гүлшара Абдыкалыкова ханым!
Сізге осымен үшінші рет хат жолдап отырмын.

Жауап:

Құрметті Ғалия Әділқызы! Бұл бөлім еңбекақыны төлеу әдіснамасы бойынша сұрақтарға арналған.

Сұрағыңыз бойынша ақпарат алу үшін сұрағыңызды «Еңбек құқығы және жұмыспен қамту мәселелері» бөліміне жіберуіңіз қажет.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

12 Мамыр, 2012 - 21:23

- Толығырақ оқу

Саденова Асемгуль

Сәлеметсіздер ме?! Мен,Саденова Асемгуль 1987 жылы бұрынғы Семей облысы, Шұбартау ауданы,Баршатас ауылында дүниеге келдім. 2007 жылы Ақмола облысы, Целиноград ауданы ,Қабанбай батыр ауылына көшіп келіп, сол ауылда № 41 орта мектебінде бастауыш сынып мұғалімі болып жұмыс істеп жатырмын.Енді осы зардапты өңір яғни полигон аймағынан келген адамдарға қандай көмек,жағдай жасалады және жылына 1 рет 10 күн ақылы демалыс беріле ме?

Жауап:

Құрметті Әсемгүл! «Семей ядролық сынақ полигонындағы ядролық сынақтардың салдарынан зардап шеккен азаматтарды әлеуметтік қорғау туралы» Қазақстан Республикасының 1992 жылғы 18 желтоқсандағы № 1787-ХІІ Заңының (бұдан әрі – Заң) 13-бабына сәйкес 5, 6, 7, 8, 9-баптарда аталған аумақтарда тұратын халық аймақтар бойынша қосымша еңбекақы алуға және жыл сайын ақысы төленетiн қосымша демалыс алуға құқылы.

Заңның 5, 6, 7, 8, 9-баптарына сәйкес:

Төтенше радиациялық қауiптi аймаққа Семей облысының Абай ауданындағы Сарыжал селолық Кеңесiнiң, Бесқарағай ауданындағы Долон және Бөденелi селолық Кеңестерiнiң, Жаңасемей ауданындағы Сарыапан және Иса елдi мекендерiнiң аумақтары жатады.

Ең жоғары радиациялық қауiптi аймаққа Семей облысының Абай, Абыралы, Бесқарағай және Жаңасемей аудандарының елдi мекендерi, Павлодар облысының Май ауданындағы Ақжар және Малдар селолық Кеңестерi жатады.

Жоғары радиациялық қауiптi аймаққа Семей облысының Шұбартау, Новошульба, Бородулиха, Шар, Жарма, Аягөз аудандарының елдi мекендерi, Семей және Курчатов қалалары, Қарағанды облысының Егiндiбұлақ ауданы, Павлодар облысының Май ауданы, Шығыс Қазақстан облысының Таврия, Глубокое, Шемонайха, Ұлан аудандары, Өскемен және Лениногорск қалалары жатады.

Ең төмен радиациялық қауiптi аймаққа Семей облысының Мақаншы, Yржар, Таскескен, Көкпектi, Ақсуат аудандарының, Қарағанды облысы Қарқаралы ауданының, Павлодар облысы Лебяжi ауданының, Шығыс Қазақстан облысының Зайсан және Тарбағатай аудандарының елдi мекендерi жатады.

Жеңiлдiктi әлеуметтiк-экономикалық мәртебесi бар аймаққа Павлодар облысының Баянауыл ауданы жатады.

Юсупова А.Е. – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

7 Мамыр, 2012 - 21:10

- Толығырақ оқу

педагог кадрлардың жыл сайынғы еңбек демалысы

Біздер Қ.А.Ясауи атындағы ХҚТУ Кентау Институтының Біліктілікті жетілдіру факультеті Дайындық бөлімінің оқытушылары мына жағдайларға нақты заңдылық тұрғысынан жауап беруіңізді сұраймыз.

Біздер 2006-2007 оқу жылдарынан бастап әр жыл сайын шетелден келетін қандас бауырларымыздың (қазақ диаспорасы өкілдері) балаларын жоғары оқу орнына түсуге 4 пән бойынша дайындаймыз. Тыңдаушылар контигненті 150-200 арасында.

Жауап:

Құрметті оқытушылар! Қазақстан Республикасы Еңбек Кодексінің 239-бабына сәйкес мемлекеттiк бюджет есебiнен ұсталатын азаматтық қызметшiлерге жыл сайынғы ақылы еңбек демалысы лауазымдық жалақысы мөлшерiнде сауықтыруға арналған жәрдемақы төлене отырып берiледi. Азаматтық қызметшiлерге сауықтыруға арналған жәрдемақы күнтiзбелiк жылда бiр рет төленедi.

Бұл ретте, азаматтық қызметшi - Қазақстан Республикасының заңнамасында белгiленген тәртiппен қазыналық кәсiпорындарда, мемлекеттiк мекемелерде ақылы штаттық лауазымда iстейтiн және олардың мiндеттерi мен функцияларын iске асыру және мемлекеттiк органдарға техникалық қызмет көрсетудi жүзеге асыру мен олардың жұмыс iстеуiн қамтамасыз ету мақсатында лауазымдық өкiлеттiктердi жүзеге асыратын адам деп белгіленген.

Азаматтық қызметшілер лауазымдарының тізбесі Қазақстан Республикасы Үкіметінің 2007 жылғы 27 қыркүйектегі № 850 қаулысымен бекітілген.

Басқа сұрақтарыңыз бойынша ақпарат алу үшін осы салада уәкілетті орган - Қазақстан Республикасы Білім және ғылым министрлігіне хабарласуыңызды ұсынамыз.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

3 Мамыр, 2012 - 21:08

- Толығырақ оқу

бала күтіміне кеткен мұғалімге кезекті еңбек демалысын есептеу

Саламатсызба? Менің мазалап журген 1 сурагым бар. Біздің мекемеде 1 мұғалім 12.12.2011ж. күні бала күтімі демалысына қалды. 16.04.2012ж. күнге дейін 4 ай больничныйда болды. Оның алдында ол жазда отпускной алды. Оган отпускной қалай есептеледі? 4 ай больничныйнда болганына отпускной есептелема? Қыркүйек, қазан, қараша, желтоқсан айларына, яғни жұмыс жасаған айларына есептелема?Алдын ала рахмет!

Жауап:

Қазақстан Республикасы Еңбек кодексінің (бұдан әрі – Кодекс) 192-бабына сәйкес әйелге, қалауы бойынша, жүктiлiкке және босануға байланысты демалыстың алдында немесе тiкелей одан кейiн не балаға күтiм жасауға арналған демалыс бiткен соң жыл сайынғы ақылы еңбек демалысы берiледi.

Жұмыс берушімен келісім бойынша еңбек демалысы толық немесе нақты жұмыс атқарған уақыт үшін беріледі.

Кодекстің 104-бабына сәйкес жыл сайынғы ақылы еңбек демалысына құқық беретiн жұмыс стажына:
            1) нақты жұмыс iстелген уақыт;
            2) қызметкер нақты жұмыс iстемеген, бiрақ оның жұмыс орны (лауазымы) мен жалақысы толық немесе iшiнара сақталған уақыт;
            3) қызметкер еңбекке уақытша жарамсыздығына, оның iшiнде жүктiлiгiне және босануына орай демалыста болған уақытына байланысты нақты жұмыс iстемеген уақыт;
            4) қызметкер жұмысына қайта алыну алдында нақты жұмыс iстемеген уақыт қосылады.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

30 Сәуір, 2012 - 10:52

төлем ақы

Сәлеметсіздерме? Мен 2006 жылдан бері мектепте мұғалім болып қызмет атқарамын

1 Сұрағым. Менің қояр сұрағым менің 1 ставка операторым бар. Маған 2006 жылдан компютерлік сынып берген. Ал биылдан бастап яғни 2012 жылдың басынан бастап маған кабинет меңгерушісі емессің дейді. Ал мен компютерлік сыныпта отырамын жауапкершілігі менің мойнымда негізінде кабинет меңгерушіге төлемақы бөлінеді ма? ол қаншалықты заңды

Жауап:

Білім саласының қызметкерлеріне еңбек жағдайлары үшін қосымша ақы мен үстемеақылар Қаулыға 4-қосымшада белгіленген, оның ішінде компьютер
техникасына қызмет көрсету жөніндегі маман лауазымы көзделмеген білім беру
мекемелерінде компьютер техникасына қызмет көрсету міндеті жүктелген мұғалімдерге, оқытушыларға немесе басқа қызметкерлерге жұмыс істейтін әрбір компьютер үшін БЛЖ-дан 3,5 %-дан аспайтын мөлшерде қосымша ақы, сонымен бірге, мұғалiмдерге,
оқытушыларға, өндiрiстiк оқыту шеберлерiне және оқытушылық
қызметтi жүргiзетiн қызметкерлерге, оқыту кабинеттерiн (зертханаларды, шеберханаларды, оқу-консультативтiк пункттердi)меңгергені үшін мектептерде және
мектеп-интернаттарында, балалар үйлерiнде БЛЖ-дан 20 пайыз мөлшерінде қосымша ақы қарастырылған.

БЛЖ (базалық лауазымдық жалақы) бүгінгі күні 17697 теңгені құрайды.

Ал аталған кабинет меңгерушісінің лауазымына қатысты ақпарат алу үшін осы салада уәкілетті орган – Қазақстан Республикасы Білім және ғылым министрлігіне хабарласуыңызды ұсынамыз.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

26 Сәуір, 2012 - 17:36

- Толығырақ оқу

Еңбек демалысының ақысы

Сәлеметсіз бе?

Мен, 1.07.2011ж мемлекеттік мекемеге штаттан тыс қызметкері болып жұмысқа тұрдым. Еңбек заңы бойынша қызметкер жылына бір рет демалысқа шығуы керек. Мен, яғни штаттан тыс қызметкерлер кезекті еңбек демалысына шығуына құқылы ма?

Жауап:

Қазақстан Республикасы Еңбек кодексінің 101-бабына сәйкес егер қызметкерлердiң жекелеген санаттары үшiн басқа нормативтiк құқықтық актiлерде , еңбек шартында, ұжымдық шартта және жұмыс берушiнiң актiлерiнде көп күн саны көзделмесе, қызметкерлерге ұзақтығы күнтiзбелiк жиырма төрт күн болатын жыл сайынғы негiзгi ақылы еңбек демалысы берiледi.

Осыған орай, жыл сайынғы ақылы еңбек демалысы барлық қызметкерлерге беріледі.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

26 Сәуір, 2012 - 15:45

еңбек ақы демалысы туралы

Сәлеметсіздерме!

Мен аудан мекемелерінің бірінде 2010 жылдың тамыз айында шттатпен жұмысқа орналасқанмын. 2011 жылдың қазан айына таман бір жолғы берілетін сауықтыру төлемі мен еңбек демалысын алдым. Енді 2012 жылдың мамыр айында өз еркіммен жұмыстан босатылсам маған бір жолғы сауықтыру жәрдем ақысымен еңбек демалысы беріле ме?

Жауап:

Қазақстан Республикасы Еңбек Кодексінің 239-бабына сәйкес мемлекеттiк бюджет есебiнен ұсталатын азаматтық қызметшiлерге жыл сайынғы ақылы еңбек демалысы лауазымдық жалақысы мөлшерiнде сауықтыруға арналған жәрдемақы төлене отырып берiледi. Азаматтық қызметшiлерге сауықтыруға арналған жәрдемақы күнтiзбелiк жылда бiр рет төленедi.

Азаматтық қызметшілерге сауықтыруға арналған жәрдемақы еңбек демалысына шыққан кезде беріледі, яғни аталған жәрдемақы жұмыстан босатылған кезде төленбейді.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

19 Сәуір, 2012 - 16:14

қосымша ақы төлеу

Мекемеміздің аумағындағы әжетқананы хлормен тазалап жуғаны үшін аула сыпырушыға қосымша ақы төлеуге болады ма?

Жауап:

Қазақстан Республикасы Еңбек кодексінің 126-бабына сәйкес қызметкерлердiң еңбегiне ақы төлеу және еңбекке ынталандыру жүйелерi ұжымдық шарттың, еңбек шартының талаптарында және (немесе) жұмыс берушiнiң актiлерiнде айқындалады.

Еңбек шартында, ұжымдық шартта, келiсiмдерде, жұмыс берушiнiң актiлерiнде айқындалған еңбекке ақы төлеу талаптары Кодексте және Қазақстан Республикасының өзге де нормативтiк құқықтық актiлерiнде белгiленген талаптармен салыстырғанда нашар бола алмайды.

Азаматтық қызметшілерге еңбекақы төлеу жүйесі «Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы» Қазақстан Республикасы Үкіметінің 2007 жылғы 29 желтоқсандағы № 1400 қаулысының 6-тармағында ұйымдардың басшыларына кредиторлық берешек болмаған кезде қаржыландыру жоспары бойынша тиісті мемлекеттік мекемені ұстауєа көзделген қаражатты үнемдеу есебінен немесе кредиторлық берешегі болмаған кезде мемлекеттік басқару органы қазыналық кәсіпорын үшін бекіткен смета бойынша салалық келісімде, ұжымдық шартта және (немесе) жұмыс берушінің актісінде белгіленген тәртіппен қызметкерлердің лауазымдық жалақыларына ынталандыру үстемеақыларын белгілеу, сыйлықақы беру және материалдық көмек көрсету құқығы берілсін деп белгіленген.

Сонымен бірге, қызметкерлердің лауазымдық міндеттерін есепке алу қажет.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

19 Сәуір, 2012 - 13:30

Еңбек демалысына шыққанда төленетін бір жолғы өтемақы

Мен мемлекеттік қызметшімін. 2011 жылы денсаулығыма байланысты 9 ай бойы больничныйда болдым /операция жасаттым /.2011 жылы 05.05.2010-05.05.2011 жылдар аралығында еңбек еткен уақытыма кезекті еңбек демалысын алмадым. Енді сол отпускімді 2012 жылы алсам мемлекеттік қызметшіге еңбек демалысына шыққанда төленетін бір жолғы сауықтыруға 2 айлық еңбекақы мөлшеріндегі жәрдемақы толенеме? Мекеме басшысы мен бухгалтер бюджетте қарастырылмаған деген сылтаумен төлемей отыр . Не істеуім , кімге шағындануым керек ? Рахмет.

Жауап:

Қазақстан Республикасы Еңбек кодексінің (бұдан әрі – Кодекс) 107-бабына сәйкес қызметкерлерге жыл сайынғы ақылы еңбек демалысын берудiң кезектiлiгi жұмыс берушi қызметкерлердiң пiкiрiн ескере отырып бекiтетiн демалыс кестесiнде белгiленедi не тараптардың келiсiмiмен белгiленедi.

Жыл сайынғы ақылы еңбек демалысына құқық беретiн жұмыс стажына:
1) нақты жұмыс iстелген уақыт;

2) қызметкер нақты жұмыс iстемеген, бiрақ оның жұмыс орны (лауазымы) мен жалақысы толық немесе iшiнара сақталған уақыт;

3) қызметкер еңбекке уақытша жарамсыздығына байланысты нақты жұмыс iстемеген уақыт, оның iшiнде жүктiлiгiне және босануына орай демалыста болған уақытына байланысты нақты жұмыс iстемеген уақыт;

4) қызметкер жұмысына қайта алыну алдында нақты жұмыс iстемеген уақыт қосылады.

«Мемлекеттік қызмет туралы» Қазақстан Республикасының Заңына сәйкес мемлекеттiк қызметшiлерге сауықтыру үшiн екi лауазымдық айлықақысы мөлшерiнде жәрдемақы төленiп, ұзақтығы отыз күнтiзбелiк күнге ақы төленетiн жыл сайынғы демалыс берiледi.

Кодекстің 328-бабына сәйкес ұйымдарда Қазақстан Республикасы еңбек заңнамасының сақталуын мемлекеттiк бақылауды мемлекеттiк еңбек инспекторлары жүзеге асырады.

Осыған байланысты, егер Сіздің жағдайыңызда еңбек заңнамасын бұзушылық орын алса, өтінішпен жергілікті аудан, облыстардағы Бақылау және әлеуметтік қорғау Департаментіндегі Еңбек инспекторларына немесе сотқа шағымдануыңыз қажет.

Сонымен бірге, мәселеңіз бойынша Қазақстан Республикасының Мемлекеттік қызмет істері Агенттігіне хабарласуыңызды ұсынамыз.

А.Е. Юсупова – Еңбекті нормалау және еңбекке ақы төлеу басқармасының сарапшысы

Еңбек төлемақысының әдіснамасы

18 Сәуір, 2012 - 09:22

Іс-сапар шығынын төлеу туралы

Саламатсызба!

Мен мемлекеттік мекемеде жұмыс істеймін. Қызмет бабымен 100км қашықтықта орналасқан облыс орталығында 5-6 мәрте 1 күндік іс-сапарда болдым. Бірақ есептеу бөлімі маған 1 күндік іс-сапарларға ештене төленбейді дейді. Осыны мән-жайын анықтап берсеңіздер.

Алдын-ала рахмет.

Жауап:

Қазақстан Республикасы Еңбек кодексінің (бұдан әрі – Кодекс) 1-бабына сәйкес iссапар - жұмыс берушiнiң өкiмi бойынша қызметкердi тұрақты жұмыс орнынан тыс жерге белгiлi бiр мерзiмге еңбек мiндеттерiн орындау үшiн жiберу, сондай-ақ қызметкердi басқа жерге оқуға, бiлiктiлiгiн арттыруға немесе қайта даярлауға жiберу.

Кодекстің 152-бабына сәйкес іссапар уақытында қызметкердiң жұмыс орны (лауазымы) мен жалақысы сақталады.

Іссапарларға жiберiлетiн қызметкерлерге:

қызметтiк iссапарда, оның iшiнде жолда болған күнтiзбелiк күндерi үшiн тәулiктiк төлемдер;
баратын жерiне дейiнгi және керi қайтудағы жол жүру шығыстары;
тұрғын үй жалдау шығыстары төленедi.

Қызметкерлердi iссапарларға жiберудiң талаптары мен мерзiмдерi еңбек шартымен, ұжымдық шартпен немесе жұмыс берушiнiң актiсiмен айқындалады.

А.Е. Юсупова- Еңбекті нормалау және еңбекке ақы төлеу басқармасының сарапшысы