You are here

"Әлеуметтік көмек" жөнінде сұрақ-жауаптар

Сұрақ тақырыбы: 

Әлеуметтік медициналық мекемеде (әрі қарай ӘММ) арнаулы әлеуметтік қызмет алушысы, 2 топ мүгедегі "Эндопротезирование тазо-бедренных сустав" диагнозы бойынша Тараз қаласының емханасы  порталға тіркеп, жолдама бойынша ақысыз Алматы қаласының №1 ауруханасында ота жасатып келген болатын. 

Сұрақ мынадай осы ота жасатқан қызмет алушыға Тараз және Алматы қалалары арасындағы жол шығындарын кім (ӘММ немесе емхана)  төлейді?

Жауап: 

Сіз қойып отырған сұрақ бойнша ақпаратты алу үшін «Тегін медициналық көмекке кепілдік берілген көлемі бойынша ақпараттар» айдарында сұрақ қоюыңыз қажет. 

16 тамыз, 2016 - 17:37 өзгертілді
Сұрақ тақырыбы: 

                       Здравствуйте Уважаемая Тамара Касымовна.

        К Вам обращаются пациенты, врача высшей категории Наталья Анатольевна Одарченко, физиотерапевта, при Центральной клинической больнице медицинского центра  Управления делами Президента РК  (ЦКБ УД ПРК), г. Алматы.

Жауап: 

Здравствуйте!

Представление работников системы здравоохранения к награждению осуществляется согласно постановлению Правительства Республики Казахстан от 15 декабря 2011 года № 1539 «О ведомственных наградах некоторых государственных органов, входящих в структуру Правительства Республики Казахстан» (далее - Постановление), в соответствии с которым кандидатуры для награждения инициируются их руководителями, которые направляют соответствующие представления в кадровую службу центрального государственного органа.

Вместе с тем, в соответствии с Постановлением представления о награждении ведомственными наградами рассматриваются по случаю празднования государственных, профессиональных, иных праздников и юбилейных дат, по достижении выслуги лет, определенной законодательством Республики Казахстан. Представления о награждении ведомственными наградами вносятся и в исключительных случаях за иные заслуги.

В случае предоставления материалов для награждения Управлением делами Президента Республики Казахстан в соответствии с вышеуказанными Правилами, комиссией Министерства здравоохранения и социального развития Республики Казахстан по ведомственным наградам будет рассмотрено по случаю празднования профессионального праздника т.е. ко Дню медицинского работника.

исп.эксперт ДУП Майдина Н.

16 наурыз, 2016 - 12:27 өзгертілді
Сұрақ тақырыбы: 

Жалпы типтегі интернат-үйінде денсаулығына байланысты қант диабетімен ауыратын арнаулы әлеуметтік қызмет алушылар бар. Осы аталған арнаулы әлеуметтік қызмет алушылар арнайы №9 стол бойынша тамақтану қажет.

Алайда Қант диабетімен ауыратын арнаулы әлеуметтік қызмет алушыларға берілетін тамақтың түрлерімен нормалары ҚР Үкіметінің 31.12.2008 жылғы №1354 қаулысында көрсетілмеген. 

Жауап: 

Сіз қойып отырған сұрақ бойнша ақпаратты алу үшін «Тегін медициналық көмектің кепілдік берілген көлемінің шеңберінде қамтамасыз ету бойынша ақпарат» айдарында сұрақ қоюыңыз қажет.

К. Суханова

18 қараша, 2015 - 16:29 өзгертілді
Сұрақ тақырыбы: 

Сәлеметсіздер ме, менің 18ге толмаған екі балам бар,өзім жұмыссызбын,куйеум жалдамалы жұмысшы болғандықтан жалақысы төмен, пәтер жалдап тұруға да жағдайымыз жетпейді,сондықтан өзімннің ата -анаммен тұруға мәжбүрміз. Ата-анаммен бірге тұрғандықтан маған 18жасқа дейінгі балаларға берілетін жәрдемақыны алуға ата-анамның айлық жалақысы әсер етеді ме?

Жауап: 

Отбасының орта есеппен жан басына шаққандағы айлық табысы белгіленген азық-түлік себетінің құнынан төмен болған жағдайда 18 жасқа дейінгі балаларға арналған жәрдемақы алуға құқылы. Әр балаға берілетін  жәрдемақының мөлшері 1,05 айлық есептік көрсеткішті құрайды.

Бұдан басқа белгіленген кедейлік шегінен отбасының жан басына шаққандағы орташа айлық табысы төмен болған жағдайда мемлекеттік атаулы әлеуметтік көмек алуға үміткер бола алады. Бұл көмектің айлық мөлшерін уәкілетті орган отбасының жан басына шаққандағы орташа табысы мен облыста белгіленген кедейлік шегі арасындағы айырмасы түрінде есептейді.

Сондай-ақ, Қазақстан Республикасының «Қазақстан Республикасында жергілікті мемлекеттік басқару туралы» Заңына сәйкес облыстар, қалалар мен аудандардың әкімдері өз құзыреті шегінде тиісті бюджеттердің қаражатынан азаматтардың жекелеген санаттарын әлеуметтік қолдаудың қосымша шараларын белгілеуге құқылы.

Осыған орай, әрбір аймақта жергілікті атқарушы органдар азаматтардың жекелеген санаттарына қосымша әлеуметтік көмектің әр алуан түрлерін ұсынады: коммуналдық қызметттерін төлеу, отын ұсыну, біржолғы материалдық көмек, қоғамдық көлікте жеңілдікпен жүружәне тағы да басқалары.

Осы аталған мәселелермен, Сізге тұрғылықты жеріңіздегі Зейнетақы төлеу жөніндегі мемлекеттік орталығына және жұмыспен қамтуды үйлестіру және әлеуметтік бағдарламалар бөліміне хабарласуыңызға болады.

орын. эксперт К. Суханова

Сұрақ тақырыбы: 

менің балам Жұбанышова Меруерт Ақтөбе өңірлік мемлекеттік университетінің 2 курс студенті. Грант бөлімінде оқиды. Университет емханасынан (корь) қызылшаға қарсы вакцина алған ,желтоқсан айында оған вакцина егем деген бірақ балам қарсы болды,бірақ олар қоярда қоймай сабаққа қатыстырмаймын,жатақханаға кіргізбеймін деп айтқан. Содан балам қорыққанынан 3ақпан күні вакцина алған. Вакцинадан кейін баламның жағдайы нашарлап бас аяғы 1 аптаның ішінде үсті басына аллергия қаптап кетті. Содан 12 ақпанда мен Ақтөбеге барып кешкісін жедел жәрдем шақырдым.

Жауап: 

Сіз қойып отырған сұрақ бойнша ақпаратты алу үшін «Тегін медициналық көмектің кепілдік берілген көлемінің шеңберінде қамтамасыз ету бойынша ақпарат» айдарында сұрақ қоюыңыз қажет.

К. Суханова

10 сәуір, 2015 - 16:46 өзгертілді
Сұрақ тақырыбы: 

Мен Байболаева Мейрамкул Жақсыбайқызы Оңтүстік Қазақстан облысы, Шардара ауданы,Шардара қаласында тұрамын. 5 баланың анасымын. Балаларым оқушы жасында. Қызым 10 сыныпта, ұлым 8 сыныпта, ұлым 6 сыныпта, қызым 4-ші сыныпта, ұлым  2014 19 наурызда туылған 11 айлық. Күйеуім  жұмыссыз. Енемнің атында 30 г жері бар. Өзі төрағасы. Менің күйеуім  мүшелігінде. Ол жер жайылымдық, бос жатыр. Жерден ешқандай пайда жоқ. Менің білейін дегенім  осы жерден пайда болмаса да  балаларға төленетін  квартал сайынға жәрдемақыны  төлемейді. Менің  алатын айлығым  30000 теңге.

Жауап: 

Мейрамгүл Жақсыбайқызы, сәлеметсіздерме!

 

Сіздің хатыңызды мұқият қарап, төмендегіні хабарлаймыз.

Бүгінгі күнде Сіз төрт немесе одан да көп балалары бар көп балалы отбасы ретінде арнайы мемлекеттік жәрдемақы алушысы болып табыласыз. 2015 жылдың 1 қаңтарынын бастап жәрдемақы мөлшері – 8 246 теңгені құрайды.

Сонымен қатар, қолданыстағы заңнамаға сәйкес отбасының орта есеппен жан басына шаққандағы табысы азық-түлік себетінің құнынан төмен болған жағдайда, балаларға арналған жәрдемақы төленеді.

Аз қамтылған отбасыларға, жан басына шаққандағы табысы ауданда белгіленген кедейлік шегінен төмен болғанда, атаулы әлеуметтік көмек көрсетіледі.

Осыған орай, балаларға арналған жәрдемақыны тағайындау жөнінде Сізге жергілікті атқарушы органдарына хабарлауыңызға болады.

 

 

 

 

 

 

 

 

 

 

 

 

 

 

 

 

 

Орындаған: Шенеева А.М.

10 наурыз, 2015 - 19:01 өзгертілді
Сұрақ тақырыбы: 

Саламатсыздарма!  Солтүстіктегі халық санының төмендеуіне байланысты, оңтүстіктен солтүстікке қоныс аудару бағдарламасы жайында мәліметтерді қайдан алуға болады?

Жауап: 

Сіз қойып отырған сұрақ бойнша ақпаратты алу үшін «Халықтың көші-қон мәселелері» айдарында сұрақ қоюыңыз қажет.

К. Суханова

24 ақпан, 2015 - 18:09 өзгертілді
Сұрақ тақырыбы: 

Сәлеметсіздер ма!

Мен 2012 жылдан бері 3 жасқа дейінгі  үшінші баламен ақысыз еңбек демалысында отырмын. Енді осы 2015 жылдың қаңтарынан   төртінші балаға еңбекке жарасыздық қағазын жергілікті емханадан алдым. Сұрақ. кейінгі 3 жылда жұмыс істемегендіктен еңбекке жарамсыздық қағазын ГЦВП өткізсем әлеуметтік жәрдем көрсетіледі ма? 

Жауап: 

Сәлеметсіз бе!

1. «Міндетті әлеуметтік сақтандыру туралы» ҚР Заңына (бұдан әрі - Заң) сәйкес, жүктілікке және босануға байланысты табысынан айрылған жағдайда берілетін бір реттік әлеуметтік төлем (бұдан әрі - ӘТжб) жүктілік пен босану бойынша еңбекке уақытша жарамсыздық парағы (бұдан әрі – науқастық парақ) берілген айдың алдындағы соңғы күнтізбелік 12 ай ішінде Мемлекеттік әлеуметтік сақтандыру қорына (бұдан әрі - Қор) төленген әлеуметтік аударымдар (бұдан әрі - ӘА) негізінде есептеледі.

Егер Сіз науқастық парағын алғанға дейінгі 12 ай ішінде жұмысқа шықпасаңыз, онда Сіз үшін жұмыс берушіңіз ӘА аудармайды, сол себептен Сізге ӘТжб тағайындау мүмкіндігі болмайды.

Бірақ Сіз төртінші баланың туылуына орай мемлекеттік бюджеттен бір реттік жәрдемақыны тағайындау үшін тұрғылықты жеріңіздегі Зейнетақы төлеу жөніндегі мемлекеттік орталықтың бөлімшесіне (бұдан әрі - ЗТМО) бала туылғаннан кейінгі 12 ай ішінде өтініш білдіре аласыз.

Төртінші баланың туылуына орай мемлекеттік бюджеттен тағайындалатын жәрдемақының мөлшері 52,35 айлық есептік көрсеткішті (бұдан әрі - АЕК) немесе 103 758 тенгені құрайды.

2. Заңның 23-2 бабы 1) тармақшасына сәйкес Қордан бала бiр жасқа толғанға дейiн оның күтiмiне байланысты табысынан айырылған жағдайда төленетiн әлеуметтiк төлем (бұдан әрі - ӘТбк) мiндеттi әлеуметтiк сақтандыру жүйесiнің өзі үшiн әлеуметтiк аударымдар жүргiзiлген және Қордан төленетін ӘТбк алуға құқығы бар қатысушыға тағайындалады. ӘТбк алуға құқық баланың туу туралы куәлiгiнде көрсетiлген туған күнiнен бастап туындайды.

Қордан бала бiр жасқа толғанға дейiн оның күтiмiне байланысты табысынан айырылған жағдайда төленетiн әлеуметтiк төлем (бұдан әрі - ӘТбк) соңғы 24 ай ішінде аударылған ӘА негізінде тағайындалады.

ӘТбк мөлшері бала туылғанға дейінгі соңғы 24 ай ішіндегі ӘА төленген орташа айлық табыстың 40 % құрайды.

Орташа айлық табыс мөлшері бала туылғанға дейінгі соңғы 24 ай ішіндегі ӘА төленген ай сайынғы табыстардың қосындысын 24-ке бөлу жолымен анықталады (бұл аралықта әлеуметтік аударымдар бойынша үзілістер болуына қарамастан).

ӘТбк ең төменгі мөлшері бала бір жасқа толғанға дейін оның күтіміне байланысты берілетін ай сайынғы мемлекеттік жәрдемақы мөлшерінен кем болмауға тиіс, яғни төртінші баланың бір жасқа дейінгі күтіміне байланысты ай сайын төленетін мемлекеттік жәрдемақының мөлшері 8,9 АЕК немесе 17 640 теңгені құрайды.

 

 

орын: С. Баймағамбетова

«Мемлекеттік әлеуметтік скақтандыру қоры» АҚ менеджері

 

23 қаңтар, 2015 - 16:09 өзгертілді
Сұрақ тақырыбы: 

Сәлеметсіз бе. Менің төрт балам бар, Алматыдан Астанаға қоныс аудардым. Тұрғылықты мекен жайым Астана қаласында. Үлкен ұлым студент Алматыда оқиды және сол жақта тіркеуде тұр. Қалған балаларым кәмелеттік жасқа жетпегендіктен менімен бірге тіркелген. Астана қаласына қарасты Есіл аудандық әлеуметтік қамту орталығына көпбалалы ана ретінде жәрдемақы алуға және тегін жол жүру куәлігін алуға құжат тапсырған едім, бірақ студент ұлымның Астанада тіркелмегендігіне байланысты бұларды маған беруден бас тартылды, ұлымның оқу орнынан анықтамасы бар.

Жауап: 

Жауабы:

Қолданыстағы заңнамаға сәйкес бірге тұратын төрт және одан көп кәмелетке толмаған балалары, оның ішінде орта, техникалық және кәсіптік, орта білімнен кейінгі білім беретін ұйымдарда, жоғары оқу орындарында күндізгі оқу нысанында оқитын балалары бар көп балалы отбасылар, балалары кәмелеттік жасқа толғаннан кейін олар оқу орнын бітіретін уақытқа дейін (бірақ әрі дегенде жиырма үш жасқа толғанға дейін) арнаулы мемлекеттік жәрдемақы алуға құқығы бар (1999 жылғы 5 сәуірдегі N 365-I ҚР «Қазақстан Республикасындағы арнаулы мемлекеттік жәрдемақы туралы» Заңының 4 бабының 10 тармағы).

2001 жылғы 31 қаңтарындағы № 161 ҚР Үкіметінің қаулысымен бекітілген «Арнаулы мемлекеттік жәрдемақы тағайындаудың және төлеудің ережесіне» сәйкес аталған жәрдемақы алуға құқығы бар азаматтар үшін ұсынылатын құжаттардың бірі - өтініш берушінің (отбасы мүшелерінің) тұрғылықты тұратын жерi бойынша тiркелгенiн растайтын құжат (мекенжай анықтамасы не ауыл әкiмдерінiң анықтамасы) болып табылады.

Сондай-ақ, «Қазақстан Республикасының халқын құжаттандыру және тіркеудің кейбір мәселелері туралы» ҚР ІІМ 2011 жылғы 28 қарашадағы № 631 Бұйрығының 2-қосымшасының  14 тармағына сәйкес үш ай мерзiмнен асатын мерзiмге уақытша тұруға, қонаққа, iссапарға, жұмысқа, оқуға, тағылымдамаға, емделуге келген Қазақстан Республикасының азаматтары уақытша әскери есепке тұрып, бұрынғы жерiнен тiркеуден шығарылмай, жалпыға ортақ тәртiппен уақытша тұратын жерi бойынша бiр жыл мерзiмге дейін тiркеледi.

Осыған орай, Сізге аталған жәрдемақының төленуінен бас тартылған себебі балаңыздың басқа қалаға тіркелуі болса, онда  қолданыстағы заңнамаға сәйкес балаңызды отбасыларыңыздың тұрғылықты жері (Астана қаласы) бойынша тіркеуді ұсынамыз.

 

 

Орын. Ж. Даулетханова

31 желтоқсан, 2014 - 13:06 өзгертілді
Сұрақ тақырыбы: 

Саламатсыз ба! Менің сұрайын дегенім баланың 1 жасқа дейінгі жәрдемақысы жумыссыз анасына 10 000 тенге ма? ал жумысы бар анаға канша беріледі екен?

Жауап: 

Ответ.

 

Республикалық бюджет есебінен жүргізілетін бала бiр жасқа толық толғанға дейiн оның күтiмiне байланысты ай сайынғы мемлекеттік жәрдемақының мөлшері бала санына байланысты тағайындалады:

бірінші балаға – 5,76 айлық есептік көрсеткіш (2014 жылғы жағдайға                       – 10 668 теңге);

екінші балаға – 6,81 айлық есептік көрсеткіш (2014 жылғы жағдайға                                – 12 613 теңге);

үшінші балаға – 7,85 айлық есептік көрсеткіш (2014 жылғы жағдайға                                  – 14 539 теңге);

төртінші және одан кейінгі балаларға – 8,90 айлық есептік көрсеткіш (2014 жылғы жағдайға – 16 483 теңге).

Жұмыс жасап, әлеуметтік сақтандыру жүйесінің қатысушы болған (яғни, ол үшін әлеуметтiк аударымдар жүргiзiлген) аналарға әлеуметтік қатер туындаған жағдайда (бір жасқа толғанға дейінгі бала күтіміне байланысты табысынан айрылуына әкеп соқтырған оқиғаның басталуы) Мемлекеттiк әлеуметтiк сақтандыру қорынан әлеуметтiк төлем тағайындалады.

Әлеуметтік төлем мөлшері  жүргізілген әлеуметтік  аударымдары мен сақтандыру жүйесіндегі өтіліне байланысты болады.

 

 

 

 

 

 

 

 

 

 

 

 

 

 

 

 

 

?: Омирбекова А.

 

31 желтоқсан, 2014 - 13:05 өзгертілді

Беттер

ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
Еңбек дағдыларын дамыту және жұмыс орындарын ынталаңдыру