You are here

"Әлеуметтік көмек" жөнінде сұрақ-жауаптар

Сұрақ тақырыбы: 
Жауап: 

Құрметті Нурсеит Нышанбаевич!

Егер де отбасыңыздың жан басына шаққандағы орташа табысы атаулы әлеуметтік көрсетудің критерийінен аспаса, Сізге атаулы әлеуметтік көмек ұсынылуы мүмкін. 2019 жылғы 1 сәуірден бастап АӘК жан басына шаққандағы орташа айлық табысы ең төменгі күнкөріс деңгейінің
70 пайызынан аспайтын отбасыларға төленеді.
Мемлекеттiк АӘК жәрдемақысын есептеу кезінде бiрге тұратын отбасының барлық мүшелерiнің жиынтық табыстары ескерiледi.
Олар еңбекақы, кәсiпкерлiк, жеке қосалқы шаруашылықтан түсетін және әлеуметтiк төлемдер түрiнде алынатын табыстар, оның ішінде бала бір жасқа толғанға дейін оның күтіміне байланысты мемлекеттік жәрдемақылар.
Атаулы әлеуметтік көмек алу құқығын анықтау үшін тұрғылықты жеріңіз бойынша халықты жұмыспен қамту орталығына, ал ауылдық жерлерде кент, ауыл, ауылдық округ әкіміне жүгінгеніңіз жөн.

Сұрақ тақырыбы: 
Жауап: 

Сәлеметсіз бе, Айдана Жанболатқызы!

«Қазақстан Республикасындағы жергілікті мемлекеттік басқару және өзін-өзі басқару туралы» ҚР Заңына сәйкес, облыстардың, республикалық маңызы бар қаланың, астананың әкімдіктері халықтың әлеуметтік жағынан дәрменсіз топтарына әлеуметтік көмек көрсетуді үйлестiредi.
Осыған орай, Қазақстан Республикасы Үкіметінің 2013 жылғы 21 мамырдағы № 504 қаулысына сәйкес жергілікті атқарушы органдар жергілікті өкілетті органдар бекіткен үлгілік қағидалар негiзiнде әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын әзірлейді.
Аталған Үлгілік қағидаларға сәйкес әлеуметтік көмек мұқтаж азаматтардың жекелеген санаттарына өмірлік қиын жағдайға тап болғанда ақшалай немесе заттай нысанда көрсетіледі.
Бұдан басқа, азаматтардың ұсыныстарын ескере отырып, Министрлік әлеуметтік көмек пен қызметтердің бірыңғай пакетін әзірледі, оны АӘК алушыларға жергілікті атқарушы органдар көрсетеді. Әлеуметтік пакетке жергілікті атқарушы орган есебінен көрсетілетін 11 әлеуметтік қолдау және әлеуметтік қызмет көрсету шарасы кіреді, оның ішінде 1-4-сынып оқушыларын тегін ыстық тамақпен қамтамасыз ету, қоғамдық көлікте жеңілдікпен жүру, балалар лагерлерінде тегін демалу, тұрғын үй құрылыс жинақтары жүйесі арқылы тұрғын үй жағдайларын жақсарту, мектеп формасымен, оқулықтармен және оқу керек-жарақтарымен қамтамасыз ету және т.б. бар.
Бірыңғай әлеуметтік пакетті енгізу елдің барлық өңірлерінде мұқтаж азаматтарға бірдей әлеуметтік көмек көрсетуге мүмкіндік береді.
Осыған байланысты, атаулы әлеуметтік көмекті тағайындау үшін тұрғылықты мекен-жайы бойынша Жұмыспен қамту орталықтарына не Халыққа қызмет көрсету орталықтарына жүгінуді ұсынамыз.

Сұрақтың нөмірі: 359892
19 сәуір, 2019 - 16:38 өзгертілді
Сұрақ тақырыбы: 

Сəлеметсіздерме. Копбалалы аналарга берілетін акшага əлеуметтік комекке құжатты электронды турде откізуге болама интернет аркылы 

Жауап: 

Құрметті Нуршат Жұқатайқызы!

«Мемлекеттік атаулы әлеуметтік көмекті тағайындау»
мемлекеттік көрсетілетін қызмет стандартына сәйкес азаматтардан өтінішті қабылдау «Халықты жұмыспен қамту орталығы» коммуналдық мемлекеттік мекемесі (бұдан әрі - Орталық) арқылы, егер тұрғылықты жері бойынша Орталық болмаған жағдайда ауылдық округ әкімі арқылы жүзеге асырылады.
Бұл ретте аталған қызметті көрсету қағаз түрінде жүргізіледі (негіздеме: «Әлеуметтік-еңбек саласындағы мемлекеттік көрсетілетін қызмет стандарттарын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 279 бұйрығы).

Сұрақтың нөмірі: 359887
19 сәуір, 2019 - 16:37 өзгертілді
Сұрақ тақырыбы: 
Жауап: 

Құрметті Сымбат Едилхановна!

«Өрлеу» бағдарламасы 2017 жылдың соңына дейін әрекет етіп,
2018 жылдан бастап жаңа форматтағы атаулы әлеуметтік көмекпен алмастырылды. Қазіргі уақытта аз қамтылған отбасыларға ұсынылатын көмектің негізгі түрі – атаулы әлеуметтік көмек жүйесі болып табылады.
Осылайша, атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Осыған орай, атаулы әлеуметтік көмекті алу үшін тұрғылықты жеріңіз бойынша жұмыспен қамту орталығына ал ауылдық жерлерде кент, ауыл, ауылдық округ әкіміне жүгінуіңізді ұсынамыз.

Сұрақ тақырыбы: 
Жауап: 

Құрметті Қалдыгүл Бағдатқызы!

Атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.
Осыған орай, отбасыңыздың табыс мөлшері жоғарыда көрсетілген көрсеткіштен аспаған жағдайда осы жәрдемақыны алуға үміткер бола аласыз.
Аталмыш көмекті алу үшін тұрғылықты жеріңіз бойынша жұмыспен қамту орталығына, ал ауылдық жерлерде кент, ауыл, ауылдық округ әкіміне жүгінуіңізді ұсынамыз.

Сұрақтың нөмірі: 359862
19 сәуір, 2019 - 16:31 өзгертілді
Сұрақ тақырыбы: 
Жауап: 

Құрметті Асима Сандибаевна!

Отбасының жиынтық табысын есептеу кезінде ҚР-да және одан тыс жерлерде есепті кезеңде алынған табыстың барлық түрлері ескеріледі, оның ішінде мүгедек баланы (мүгедек балаларды) тәрбиелеп отырған анаға немесе әкеге, бала асырап алушыға, қорғаншыға (қамқоршыға) тағайындалатын және төленетін ай сайынғы мемлекеттік жәрдемақы және бала кезінен бірінші топтағы мүгедектің күтіміне байланысты тағайындалатын және төленетін ай сайынғы мемлекеттік жәрдемақы түріндегі ақшалай төлемдер есептелінеді.

Сұрақ тақырыбы: 

Сəлеметсіздер ме?! Əлеуметтік көмекті есептеуде қорадағы малдар кіре ме кірмей ме? 18 жасқа толмаған 3 балам бар, 1 студент. Өзім, əйелім мектепте жұмыс жасаймыз. Екеуміздің жалақымыз 220 мың көлемінде, ай сайын 130 мың кредит төлейміз. Бізге осы көмек шыға ма?

Жауап: 

Егер де отбасыңыздың жан басына шаққандағы орташа табысы атаулы әлеуметтік көрсетудің критерийінен аспаса, Сізге атаулы әлеуметтік көмек ұсынылуы мүмкін. 2019 жылғы 1 сәуірден бастап АӘК жан басына шаққандағы орташа айлық табысы ең төменгі күнкөріс деңгейінің 70 пайызынан аспайтын отбасыларға төленеді.
АӘК екі түрге бөлінеді: шартсыз және шартты ақшалай көмек.
Шартсыз ақшалай көмек құрамында еңбекке қабілетті мүшелері жоқ отбасыларға (мысалы, мүгедектер немесе қария зейнеткерлер отбасылары), немесе еңбекке қабілетті мүшелері объективті себептер бойынша жұмыспен қамтудың белсенді шараларына тартыла алмайтын отбасыларға (мысалы, мектепке дейінгі жастағы балалары бар жалғыз басты ана) ұсынылады.
Шартты ақшалай көмек әлеуметтік келісімшарт жасасу және барлық еңбекке қабілетті отбасы мүшелерінің жұмыспен қамтуға жәрдемдесу шараларына қатысу шартымен, құрамында кем дегенде бір еңбекке қабілетті мүшесі бар отбасыларға ұсынылады.
Бұл ретте мемлекеттiк АӘК жәрдемақысын есептеу кезінде бiрге тұратын отбасының барлық мүшелерiнің жиынтық табыстары ескерiледi. Олар еңбекақы, әлеуметтiк төлемдер түрiнде алынатын, кәсiпкерлiк және басқа да қызмет түрлерiнен түсетiн және жеке қосалқы шаруашылықтан түсетін барлық табыстар.
Осыған орай, АӘК тағайындалу мәселесі бойынша тұрғылықты жеріңіз бойынша халықты жұмыспен қамту орталығына, ал ауылдық жерлерде кент, ауыл, ауылдық округ әкіміне жүгінуіңіз жөн.

Сұрақтың нөмірі: 359856
19 сәуір, 2019 - 15:38 өзгертілді
Сұрақ тақырыбы: 

Сәлеметсіздер ме?Мен 2018ж .24 сәуірінде  егіз босанып көп балалы ана атандым.Дегенмен люготь төленбейді деді,балаларымның жасына дейінгі ақшасы деді.Көп балалы аналарға ЦОН-да кітапша береді деп есітіп барсам,люготь алатындарға ғана береміз деп шығарып салды.Күйеуімнің тұрақты жұмысы жоқ .Мақта заводта слесарь болып істейтін.Заводта тоқтады.Атымызға тіркелген үйде жоқ.Жер учаскесіне кезекке тұрғанбыз ,участок жоқ деп отыр.Қандай жәрдем бар?

Жауап: 

Құрметті Айгул Рысбаевна!

«Неке (ерлі-зайыптылық) және отбасы туралы» Кодексіне сәйкес көпбалалы отбасы – құрамында бірге тұратын кәмелетке толмаған төрт және одан көп балалары, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар отбасы болып табылады.
Егер көпбалалы отбасы жәрдемақы алмаса, отбасының әр бір мүшесіне мекенжай анықтамасы және балалардың туу туралы куәлігі отбасының құрамын айқындайтын құжат болып саналады.
Сонымен қатар, 5 және одан көп бала туған (асырап алған) және оларды сегіз жасқа дейін тәрбиелеген әйелдердің 53 жасқа толғанда жасына байланысты зейнетақы төлемдерін алуға құқығы бар.
Егер де отбасыңыздың жан басына шаққандағы орташа табысы атаулы әлеуметтік көрсетудің критерийінен аспаса, Сізге атаулы әлеуметтік көмек ұсынылуы мүмкін. 2019 жылғы 1 сәуірден бастап АӘК жан басына шаққандағы орташа айлық табысы ең төменгі күнкөріс деңгейінің 70 пайызынан аспайтын отбасыларға төленеді.
АӘК екі түрге бөлінеді: шартсыз және шартты ақшалай көмек.
Шартсыз ақшалай көмек құрамында еңбекке қабілетті мүшелері жоқ отбасыларға (мысалы, мүгедектер немесе қария зейнеткерлер отбасылары), немесе еңбекке қабілетті мүшелері объективті себептер бойынша жұмыспен қамтудың белсенді шараларына тартыла алмайтын отбасыларға (мысалы, мектепке дейінгі жастағы балалары бар жалғыз басты ана) ұсынылады.
Шартты ақшалай көмек әлеуметтік келісімшарт жасасу және барлық еңбекке қабілетті отбасы мүшелерінің жұмыспен қамтуға жәрдемдесу шараларына қатысу шартымен, құрамында кем дегенде бір еңбекке қабілетті мүшесі бар отбасыларға ұсынылады.
Бұл ретте мемлекеттiк АӘК жәрдемақысын есептеу кезінде бiрге тұратын отбасының барлық мүшелерiнің жиынтық табыстары ескерiледi. Олар еңбекақы, әлеуметтiк төлемдер түрiнде алынатын, кәсiпкерлiк және басқа да қызмет түрлерiнен түсетiн және жеке қосалқы шаруашылықтан түсетін барлық табыстар.
Осыған орай, АӘК тағайындалу мәселесі бойынша тұрғылықты жеріңіз бойынша халықты жұмыспен қамту орталығына, ал ауылдық жерлерде кент, ауыл, ауылдық округ әкіміне жүгінуіңіз жөн.

Сұрақтың нөмірі: 359854
19 сәуір, 2019 - 15:35 өзгертілді
Сұрақ тақырыбы: 

Сәлеметсіздерме!

Мен Түркістан обл. Түркістан қ. Темірлан №57 үйді жалдап тұрамын. Отбасым бар. Жанұяда 5 жанбыз. Камелет жасқа толмаған 3 ұлым бар.  1ші сәуірден бастап Атаулы әлеметтік көмек (бұдан әрі - АӘК) тағайындауға өтініш қабылдау басталды. Менің қояр сұрағым өтініш толтыру үлгісінде: "Менің отбасымның құрамы келесідей:" деген кестеде екі түрлі мәлімет сұраған:

Жауап: 

Құрметті Улан Баймуратович!

Қазіргі таңда атаулы әлеуметтік көмек жан басына шаққадағы орташа табысы ең төмен күнкөріс деңгейінің жетпіс пайызынан төмен отбасыларға ұсынылады, сонымен қатар кәмелет жасына толмаған тұлғаларға, сондай-ақ кәмелетке толғаннан кейін оқу орындарын бітірген уақытына дейін (бірақ жиырма үш жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын тұлғаларға АӘК мөлшері өңірлерде белгіленген кедейлік шегінің мөлшерінде төленетін болады.
Жиынтық табысты есептеу тақырыбына келсек, Мемлекеттік атаулы әлеуметтік көмек алуға үміткер адамның (отбасының) жиынтық табысын есептеудің ережесіне сәйкес отбасының жиынтық табысын есептеу кезiнде құрамында бірге тұратын, ортақ шаруашылықты жүргізетін және тұрғылықты жері бойынша бір елді мекен төңірегінде тіркелген отбасының барлық мүшелері ескеріледі.

Сұрақтың нөмірі: 359844
19 сәуір, 2019 - 16:57 өзгертілді
Сұрақ тақырыбы: 

Окиметтен комек кажет куйеуим жумыс истемейди жумыс табалмай жур Жан жактын бари карыз озимде Уйде 2 бала ма карап отырмын бунын барин айта берсен китап болады Мына сайтка сыймай калатын шыгар кол ушин берсеиздер жаксы болар еди 

Жауап: 

Құрметті Алтыншаш Ажибеккызы!

Атаулы әлеуметтік көмекті тағайындау және төлеу мәселелерінде бірқатар өзгерістер енгізілді.
Атап айтар болсақ, аз қамтылған отбасыларды қамтуды кеңейту мақсатында атаулы әлеуметтік көмекті көрсету үшін күнкөріс деңгейінен 70 пайызға дейін критерийі көтерілді. Атаулы әлеуметтік көмекті алуға құқылы балалары бар отбасыларды атаулы қолдау үшін көп балалы отбасылардағы әр балаға ең төменгі төлемді 20 789 теңге мөлшерінде белгіленді.
Бұл ретте, отбасының жиынтық табысын есептеу кезінде бірге тұратын кәмелетке толмаған төрт және одан көп балалары бар отбасыларға төленетін арнаулы мемлекеттік жәрдемақы, «Алтын алқа» және «Күміс алқа» алқасымен марапатталған көп балалы аналардың жәрдемақысы, баланың мүгедектік жәрдемақысы және шәкіртақы алынып тасталды.
Бұл ретте отбасының жиынтық табысына бiрге тұратын және тұрғылықты бір жерге тiркелген және үй шаруашылығын бірге жүргізетін адамдардың табыстарының жалпы сомасы есепке алынып, есептеледі.
Әлеуметтік көмек отбасына тағайындалып, төленетін ескере отырып, Сізге толық ақпарат алу үшін тұрғылықты жеріңіз бойынша Жұмыспен қамтуды үйлестіру және әлеуметтік бағдарламалар басқармасының бөліміне жолығуыңызға кеңес береміз.

Сұрақтың нөмірі: 359840
17 сәуір, 2019 - 18:22 өзгертілді

Беттер

ҚР тәуелсіздік жылдарындағы жетістіктері
Атаулы әлеуметтік көмек
АӘК есептеу бойынша онлайн калькулятор
Мүгедектігі бар адамдардың құқықтарын қамтамасыз ету
Ящик идей
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші