You are here

2019 жылдың Қазақстан Республикасының Еңбек және халықты әлеуметтік қорғау министрлігі бойынша азаматтардың өтініштеріне шолу

Министрлікте келіп түскен өтініштерді қарау және олармен жұмыс істеу «Заңды және жеке тұлғалардың өтініштерін қарау тәртібі туралы», «Қазақстан Республикасындағы тіл туралы» және «Ақпаратқа қол жеткізу туралы» Қазақстан Республикасы Заңдарының талаптарына сәйкес жүргізіледі.

Қазақстан Республикасының Еңбек және халықты әлеуметтік қорғау министрлігіне 2019 жылда жеке және заңды тұлғалардан 20 389 өтініш тіркелді.

2018 жылмен салыстырғанда ағымдағы кезеңде 14 598 құжатқа немесе нақты 3,5 есеге ұлғайды (2018 жылда Министрліктің өтініш айналымының жылдық көлемі барлығы 5791 өтінішті құрады).

Министрліктің атына келіп түскен өтініштер санының күрт өсуі  қыркүйек айынан байқалады. 2019 жылғы қыркүйектен бастап төрт ай аралығында, 14 218 өтініш немесе ағымдағы есепті кезеңнің барлық өтініштерінің 70 % тіркелген.

Азаматтардың өтініштерінің көптеп келіп түсуі Қазақстан Республикасы Президентінің 2019 жылғы 26 маусымдағы № 34 «Қазақстан Республикасы азаматтарының борыш жүктемесін азайту шаралары туралы» Жарлығына сәйкес халықтың кредиттер бойынша берешектерін есептен шығаруға байланысты.

Өтініштердің айрықша бөлігі 19 577 (96%) жеке тұлғаларға және 812 (4%) заңды тұлғаларға келеді

Өтініштердің түрлері бойынша серпіні тұрақты сақталады. Арыздармен 20 035 (98,2%) азамат жүгінді, сұрау салумен – 186 (0,9%), ұсыныстары мен пікірлерімен – 93 (0,5%) және шағымдармен – 75 (0,4%) адам жүгінді.

Өтініш беру тілі бойынша 2019 жылда азаматтардың өтініштер беру тілінің серпіні өзгерді. Егер, өткен кезеңдерде орыс тіліндегі өтініштер басым болса, ағымдағы кезеңде қазақ тілінде келіп түсетін өтініштер саны жартысынан көбін құрайды. Атап айтқанда, 10 312  (51%) құжат мемлекеттік тілде жіберілген. 9 429 (46%) өтініштер орыс тілінде және қалған 648 (3%) – қазақ және басқа тілдердегі өтініштер, оның ішінде 1-еуі орыс және ағылшын тілінде, 1-еуі – ағылшын тілінде келіп түскен. Өтініш берушілерге жауап қолданыстағы заңнамаға сәйкес өтініш тілінде беріледі.

Сондай-ақ ағымдағы кезеңде өтініш берушілердің статусы бойынша өтініштердің статистикасы өзгерді. 20 389 өтінішпен жүгінгендердің 9735 (47,8%) азаматтар болып табылады. Көпбалалы отбасылардан келіп түсетін өтініштердің  саны айтарлықтай артты. Аталған санат бойынша 4839 (23,7%) өтініш тіркелді. Сондай-ақ мүгедектерден, бала кезінен мүгедектерден келіп түсетін өтініштер 1939 (9,5%) құрады.

Өтініш иелерінің 1385-і (6,8%) – зейнеткерлерді, 631-і (3,1%) – кәсіпорындар мен фирмаларды, 403-і (2%) – үкіметтік емес және халықаралық ұйымдарды, 327-і (1,6%) – ұжымдарды, 319-ы (1,6%) – жұмыссыздарды, 246-ы (1,2%) – жетімдерді, 160-ы (0,8%) – адвокаттарды, қорғаушыларды, қамқоршыларды,  75-і (0,4%)  – оралмандарды, 66-ы (0,3%) – БАҚ мен журналистерді, 48-ы (0,2%) – шетелдік азаматтарды, 47-і (0,2 %) – сотталғандарды және 169-ы (0,8%) өзгелерін құрайды.

Келіп түскен өтініштердегі мәселелердің сипаты бойынша  белгілі өзгерістер байқалады. Айтарлықтай бөлігі, атап айтқанда, 11 046 өтініш (54,2%) кредитті кешіру мәселелерінен тұрады.

Қалған өтініштер келесі кезеңділіктен тұрады: 2595 (12,7%) – өтініш халықты жұмыспен қамту, еңбек қатынастар және еңбек заңнамасын бұзушылық мәселелеріне жатады, 1779 (8,7%) – әлеуметтік қамсыздандыру мен қызмет көрсету,  1430 (7%) – зейнетақымен қамсыздандыру, 791 (3,9%) – өтемақылар мен жәрдемақылар, оның ішінде АӘК төлеу, 683 (3,4%) – мүгедектер, оның ішінде мүгедектік тобын белгілеу мәселелері, 457 (2,2%) – тұрғын үй мәселелері, 456 (2,2%) – еңбекке ақы төлеу, 96 (0,5%) – көші-қон және 1056 (5,2%) – өзге мәселелер.

Өңірлер бөлінісінде қыркүйек айындағы тұтынушылық кредиттер бойынша борыш жүктемесін есептен шығару мәселелесі бойынша басым болғандықтан, азаматтардың өтініштерінің серпіні күрт өзгерді. Өтініштер бойынша алдыңғы орынға Қызылорда облысы ие болды, есепті кезеңде тіркелген өтініштер саны 3402 өтінішті құрады.  

Қызылорда облысынан кейін Түркістан облысы және Шымкент қаласы – 3346 өтініш, Нұр-Сұлтан қаласы – 2912 өтініш, Алматы қаласы – 2307 өтініш, Жамбыл облысы – 1258 өтініш және Алматы облысы – 1129 өтініш.

Аса белсенділікті Нұр-Сұлтан (1906), Алматы (1064) қалалары,  Шымкент қаласын қоса алғанда, Түркістан облысы (793), Қарағанды облысы (429),  Шығыс Қазақстан облысы (381) және Алматы облысы (373) көрсетеді.

Байланыс арналары бойынша. Егер азаматтардың өтініштерінің келіп түсу арналарын қарайтын болсақ, онда Министрлікке 2019 жылда келіп түскен 20 389 өтініштің:

1) Электрондық үкімет порталы арқылы 10 673 өтініш;

2) басқа мемлекеттік органдардан қайта жіберілгендер есебінен 5091 өтініш, оның ішінде Президент Әкімшілігінен – 1613, Премьер-Министр Кеңсесінен – 1054, Парламент – 532, мемлекеттік орталық және жергілікті атқарушы органдардан – 1503,   саяси  партиялардан – 367 өтініш  және 22 өтініш мемлекеттік емес ұйымдардан;

3) қолма-қол енгізілген немесе пошта қызметтер арқылы қағаз тасығышта  4236 өтініш;

4) басшылықтың азаматтарды қабылдауы шеңберінде – 233 өтініш;

5) «Азаматтарға арналған үкімет» мемлекеттік корпарация арқылы 128 бейне-өтініш;

6) электрондық почта арқылы – 28 өтініш. 

Статистика көрсеткендей, барлық келіп түскен өтініштің 52%-ы Министрлікке тікелей Электрондық үкімет порталы арқылы келіп түсті. Бұл ретте барлық өтініштердің 21%-ы Министрлікке қолма-қол немесе поштамен келіп түсті.

Өтініштердің қайталануы мәселесі бойынша 2019 жылда келіп түскен өтініштердің негізгі бөлігі бастапқы сипатта қалады, ол өтініштердің барлық санының 94%-ын құрайды. 20 389 өтініштің 19 171 өтініш бірінші рет енгізілген, 58-і қайталанған және 1160 -сы басқа мемлекеттік органдардан қайта жіберілген телнұсқалар.

Келіп түскен өтініштерді сапалы және уақтылы қарауды қамтамасыз ету мақсатында Министрлік тұрақты негізде орындаушылық тәртіп мәселелері бойынша аппараттық кеңестер өткізіп тұрады, онда негізгі мәселелердің бірі заңды және жеке тұлғалардың өтініштерінің орындалуын бақылау болып табылады. Осылайша, 2019 жылғы жағдай бойынша барлық өтініштер заңнамамен белгіленген мерзімде орындалды.

10 қаңтар, 2020 - 09:24 өзгертілді
ҚР тәуелсіздік жылдарындағы жетістіктері
Көп балалы отбасыларға жәрдемақы тағайындау туралы ақпаратты тексеру
АӘК есептеу бойынша онлайн калькулятор
Балалар еңбегінің ең жаман түрлеріне қарсы күрес
"Қауіпсіз еңбек" ақпараттық науқаны
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші