You are here

Еңбек және халықты әлеуметтік қорғау вице-министрі азаматтарды қабылдады

Нұр Отан

Бүгін «Нұр Отан» партиясының республикалық қоғамдық қабылдау бөлмесінде ҚР Еңбек және халықты әлеуметтік қорғау вице-министрі Светлана Жақыпова әлеуметтік-еңбек саласы бойынша азаматтарды қабылдау жүргізді.

Қабылдау барысында Вице-министр азаматтар тарапынан қойылған сұрақтарға толық жауап берді. Келіп түскен арыз-шағымдардың көпшілігі  денсаулық жағдайына байланысты мүгедектікті алуға, жұмыспен қамту мәселесі, зейнетақымен қамсыздандыру сұрақтарына қатысты болып отыр.

Қабылдауға Ресей Федерациясынан көшіп келген азамат, өзіне тағайындалған зейнетақы мөлшерімен келіспейтіндігін айтып, 100% базалық зейнетақы мөлшерін толық алғысығы келетіндігін білдірді.

Светлана Жақыпованың айтуынша, Елбасының тапсырмасына сәйкес, бұдан әрі базалық зейнетақы төлеу жүйесі өзгертілетін болады. Тиісінше, 2018 жылдың 1 шілдесінен бастап базалық зейнетақы 2017 жылмен салыстырғанда 1,5 есеге өседі. «Қазіргі таңда Министрлік тарапынан 2018 жылдың 1 шілдесінен бастап енгізілетін базалық зейнетақыны тағайындаудың жаңа тәсілін түсіндіру тұрғысында белсенді жұмыс жүргізілуде. Басты мақсат – әрбір қазақстандыққа зейнетақы мөлшері  азаматтардың еңбек өтіліне тікелей байланысты төленетіндігін жеткізу. Егер бүгінде базалық зейнетақы азаматтардың еңбек өтіліне қарамастан барлығына бірдей аударылатын болса, 2018 шілдің 1 шілдесінен бастап зейнетақы азаматтың еңбек өтіліне байланысты есептеледі», - деді Вице-министр.

Оның сөзінше, мұндай жүйе 30-40 жыл еңбек өтілі бола тұра ең төменгі зейнетақы алып отырған азаматтарға тиесілі қаражат алуын қамтамасыз етеді. Ал, 1998 жылға дейін 33 жыл еңбек өтілі бар жандарға, сондай-ақ, 1998 жылдан кейінгі тәжірибесін ескере отырып, зейнетақы құны 2 есеге өспек.

Сондай-ақ, кездесуде, мүгедек баласының аяғын протездеуге көмек қолын созуды сұрап келген азамат болды. Айта кету керек, 2008 жылы ер балаға «Тума кемістік. Аяқтың туа біткен кемтарлығы. Саусақтың бір-біріне жабысуы» диагнозы қойылған. Бүгінде қоларбамен қамтамасыз етіліп, шипажайға жолдама берілген оның алатын жәрдемақы мөлшері 34221 теңгені құрайды. Вице-министр аталған мәселенің оң шешімін табатынын жеткізді.

Қабылдау қорытындысы бойынша, Вице-министр, азаматтардың барлық өтініштерін жан-жақты зерделеп, шешу жолдары бойынша тиісті іс-қимылдар қолға алынатынын мәлімдеді.

8 қыркүйек, 2017 - 13:02 өзгертілді
ҚР тәуелсіздік жылдарындағы жетістіктері
«ӨРЛЕУ» жобасы
Қазақстанда іске асырылып жатқан үздік әлеуметтік жобалар
«Еңбек жолы» Республикалық конкурсы
ҚР әлеуметтік қызметкерлерінің форумы
Әлеуметтік қызмет көрсету жүйесін одан әрі жаңғырту тұжырымдамасы
Еңбек дағдыларын дамыту және жұмыс орындарын ынталаңдыру
Жаңа ұлттық қызметтер жіктеуіші