БАСПАСӨЗ – РЕЛИЗІ

 

2008 жылғы 14-15 шілдеде Астана қаласында «Қазақстан Республикасы Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» РМҚК-ның базасында   ХЕҰ-ЕҚБЖ 2001 және «Еңбекті қорғауды басқару жүйесі. Жалпы талаптар»  деген 12.0.230-2007 МЕМСТ-ны енгізу жөніндегі арнайы ақпараттық оқу семинары өтті.

Семинар ХЕҰ-ЕҚБЖ 2001 Еңбекті қорғауды басқару жүйесінің ерекшеліктерін, оның артықшылықтары мен басқа елдерде қолдану тәжірибесін түсіндіру мақсатында өткізілді.

ТМД-ның 11 мемлекеті (Грузиядан басқа) 2007 жылдың наурызында «Еңбекті қорғауды басқару жүйесі. Жалпы талаптар. ILO-OSH 2001. (IDT)»  Еңбек қауіпсіздігі стандарттарының жүйесі 12.0.230-2007 МЕМСТ-ның жаңа мемлекетаралық стандартын қабылдады.

Қазақстан Республикасы Индустрия және сауда министрлігі Техникалық реттеу және метрология комитетінің 2008 жылғы 21 мамырдағы № 249-од бұйрығына сәйкес Қазақстан Республикасында бұл МЕМСТ                  2008 жылғы 1 шілдеден бастап қолданысқа енгізілді.

Жаңа МЕМСТ  ХЕҰ-ЕҚБЖ 2001 Еңбекті қорғауды басқару жүйелері жөніндегі нұсқаулықта жазылған Халықаралық еңбек ұйымы (ХЕҰ) принциптеріне ұқсас және толығымен сәйкес келеді.

Жаңа МЕМСТ-ның Қазақстан Республикасы үшін маңыздылығы неде?

Біріншіден, бұл МЕМСТ еңбекті қорғауды басқару жүйесін регламенттейтін әлемдегі жалғыз ресми халықаралық құжатқа – ХЕҰ-ЕҚБЖ 2001 Нұсқаулығына сәйкес келеді.

Екіншіден, кәсіпорындар мен ұйымдарда еңбекті қорғауды басқару жүйесін құру еңбекті қорғау жөніндегі жұмысты жетілдіруге септігін тигізеді, өндірістік жарақаттанушылық пен кәсіби аурулардың азаюына әкеледі. Халықаралық практикада сыналған еңбекті қорғауды басқару жүйесін енгізу республика ұйымдарында еңбекті қорғауды басқаруды жетілдіруге мүмкіндік береді.

Үшіншіден, еңбекті қорғауды басқару жүйесі модельінің болуы жұмыс берушінің еңбекті қорғау жөніндегі іс-қимылдарының еңбекті қорғау және өндіріс қауіпсіздігінің нормативтік талаптарына сәйкестігін айқындау мүмкіндігін туғызады.

ХЕҰ-ЕҚБЖ 2001 Еңбекті қорғауды басқару жүйесін енгізу жай ғана, бір сәтте болатын процесс емес, ол үшін алдағы уақытта байыпты жұмыс жүргізу керек.

Семинарға қатысушылар 12.0.230-2007 МЕМСТ-ны енгізу жұмыскерлерді қауіпті және зиянды өндірістік факторлардың әсер етуінен қорғауға, жазатайым, оның ішінде өлім-жітімге әкелетін оқиғалардың және өндірістегі кәсіби аурулардың алдын алуға мүмкіндік туғызатынын атап айтты. Семинардың қорытындысы бойынша кәсіпорындар мен ұйымдарға өздерінің жаңа еңбекті қорғауды басқарудың корпоративтік жүйелерін құру кезінде осы стандартты қолдану ұсынылды.

ҚР Еңбек және халықты әлеуметтік қорғау министрлігінің өкілдері сондай-ақ жаңа МЕМСТ-ның енгізілуі Қазақстан Республикасының заңнамалық базасында көрініс табатынын атап айтты.

Семинардың жұмысына Қазақстан Республикасының Еңбек және халықты әлеуметтік қорғау вице-министрі С.С. Әбденов, РҚ ЕХӘҚМ Бақылау және әлеуметтік қорғау комитетінің төрағасы Б.Б. Нұрымбетов, Шығыс Еуропа және Орталық Азия елдеріне арналған ХЕҰ-ның Қосымша өңірлік бюросы ХЕҰ бағдарламаларының өңірлік үйлестірушісі                            Р.А. Литвяков, Пермь ХЕҚ-мен ынтымақтасатын ақпараттық орталығының директоры, профессор Г.З. Файнбург, РҚ ЕХӘҚМ аумақтық органдарының мемлекеттік еңбек инспекторлары, ірі кәсіпорындардың, ғылыми және білім беру мекемелерінің өкілдері қатысты.

Қазақстан Республикасы Еңбек және халықты әлеуметтік қорғау министрлігінің Еңбекті қорғау жөніндегі республикалық ғылыми-зерттеу институты» РМҚК жаңа МЕМСТ-ның республикада іс жүзінде енгізілуіне бағытталған іс-шараларды іске асыру бойынша жұмысты жалғастырады.