| * Біркүндік бос жұмыс орны |
|
|
| |
|
| Қырғызстандық балалар елімізде демалуда |
 Қазіргі уақытта ШЫҰ-ның Қазақстандағы өкілдігінің ұйымдастыруымен Қырғызстанға гуманитарлық көмек көрсету туралы кешенді бағдарлама әзірленуде. Қазақстан, бағдарлама аясында Ош және Жалалабад облыстары балаларының жазғы лагерьлерде демалуын ұйымдастыруды ұсынған болатын. Осыған байланысты 10 мен 15 жас аралығындағы қырғызстандық 50 баланы шілденің екінші жартысынан бастап Жамбыл облысындағы «Тау самалы» сауықтыру кешеніне қабылдау туралы шешім шығарылған еді. Мұнда балалар ем қабылдап, демалып, жаңа оқу жылына тың күш жинайтын болады. Бұл шара - Қазақстанның көрші ағайын елді қолдау үшін жасап жатқан шараларының бірі ғана.
Жанерке Бектембаева, тәлімгер:
- Біздің жазғы сауықтыру кешенінің басты мақсаты – аймақтық, тарихи және таулы туризмді дамыту болып табылады. Тек қана біздің лагерь республика бойынша таулы туризмге көп назар аударады. Біздің қырғыз елінің балаларын бірінші рет қабылдауымыз. Олар уақыттарын қызықты өткізіп, көптеген достар тапты. Уақыттарын әрі қарай қызық өткізуіне біздің тәлімгерлер, педагогтар бар күшін салуға дайын.
Маданбекова Айдай, демалушы:
- Қырғызстан Республикасы Жалалабад облысынан келдім. Мен Қазақстан Республикасының Президенті Нұрсұлтан Назарбаевқа ырзашылығымды білдіремін Әбден шоң рахмет.
«ХАБАР» АГЕНТТІГІ» АҚ (www.khabar.kz)
|
* * * |
|
